Isaiah 2:8 - Zokam International Version

⁸ Amaute in a gam uh milimte tawh dimsak uh a, a khutun a bawlsate uh a khutmete uh bawlsate a bia uh hi.

LAISIENGTHOU CL Bible (BSI)

⁸ Agamte u’zong milimte in adim a, akhut mama ua abawlte uleh amauh khutmete a abawl uh, amauh bawlte ma abie uhi.

Zo Bible

⁸ A gam uh milimte tawh kidim hi; a khut vua a bawlsate’ mai, a khutme vua a bawlsate’ mai-ah amate a kun uhi.

Isaiah 2:8 ပူးပေါင်းရင်းမြစ်များ

1 Kumpite 16:7

Tua tham loin Baasha in Jeroboam innkuan tawh kibangin TOPA mit ah asia in gamta in,ama sepsa nate tawh amah phinin a hehsak na hang leh Jeroboam innkuan a suksiatna hangin Hanani tapa kamsangpa Jehu tungtawnin TOPA thu Baasha le a innkuante kiangah a tung hi.

2 Kumpite 17:10

Amaute in suang siangthote le Asherah khuamte mualsang khempeuh le sing hiangzau nuai khempeuh ah a phut uh hi.

2 Kumpite 17:16

Amaute in TOPA amaute Pasian thupiakte khempeuh taisan khin uh a, amau mahmah in bawngno lim kisung milim nih le Asherah khuam a bawl uh hi. Aksi honpite khempeuh lamah kunin Baal a bia uh hi.

2 Khangthute 27:2

A pa Uzziah sepsa bang tektekin TOPA muhna ah a maanin na sem a, ahi hangin amah tawh kibang loin TOPA biakinnpi ah a lut kei hi. Ahi zongin mite in a gamtatsiate uh a zomlai uh hi.

Isaiah 17:8

Amaute in khuta bawlsa biakna-tau lamen loin amau khutmete bawlsa gimnamtui taute le Asherah khuamte a a thusim kei ding uh hi.

Isaiah 26:13

TOPA kote Pasian aw, nang lo pasian dangte in hong uk uh hangin kote in nangma min bek ka pahtawi uh hi.

Isaiah 37:19

Amaute in pasian ahi lo amau pasiante mihing khuta kibawl sing le suang hi lel ahi manin meikhuk ah pai-in a susia uh hi.

Isaiah 40:19

A kibawltawm milim ahileh khutsiam khat in sunga kham seekpa in khamtui luanin a zepna sikkhainiangte a sunsak hi.

Isaiah 41:29

En in, a vekpi un a khial khin uh hi! Amaute in bangmah ahi lo na tampi a sem uh hi; a milim sunte uh huih le buaina bek ahi hi.

Isaiah 57:5

Tehno kungte lak le singhiang nuai tengah numei pasal kilunggulhna-in na kangtum uh a; kuam thukpi sung le suanghawm sungah na tate uh kithoihna-in na nei uh hi.

Jeremiah 1:16

Ka mite tungah thukhenna ka genkhia ding hi. Bang hang hiam cih leh amaute giloin hong taisan uh a, pasian dangte tungah gimnamtui halin amau khut bawlsa a bia uh hi.

Jeremiah 11:13

Judah aw, nang in khuapi na neih zahzah pasian na nei a; Jerusalem kongzing pha zahzah a zumhuai Baal pasian biakna hal nadingin biakna-tau na dawh hi.

Jeremiah 2:28

Nomau bawlsa na pasiante uh tu-in koi-ah om ahi hiam? Na lungkham uh ciangin hong hot theih leh kihonsak un! Ahang in, Judah aw, khuapi na neih zahzah uh pasian na nei uh hi.

Hosea 12:11

Gilead gilo ahi hiam? A mite in man nei lo uh hi! Gilgal ah amaute in biakna-in bawngtalte a pia uh hiam? Amau biakna-taute a kikhosa lo sunga suang kiciang tawh kibang ding hi.

Hosea 13:2

Tu-in amaute in mawhna a bawl thuahthuah uh hi; amau ngun panin amau mah in milimte bawl uh a, piltakin limsuaite zem uh hi; tuate khempeuh khutsiamte bawl ahi hi. Tua pen hih mite tungah, "Amaute in mihing biakna-in pia uh a, bawngno limte a nam c uh hi," ci-in kigen hi.

Hosea 14:3

Assyria in kote hong hon thei lo hi. gal sakol tungah ka tuang kei ding uh hi. Pa nei lote in nang tung pan khuatuahna mu uh ahi manin kote in ka khut uh tawh ka bawlte uh tungah ‘Kote pasiante’ ka ci nawn kei ding uh hi." ci un.

Hosea 8:6

Amaute Israel pan ahi uh hi! Hih bawngno - khutsiampa bawl ahi hi; Pasian ahi kei hi. Tua Samaria bawngno kisunen ding hi.

Micah 5:12

Na mibum siamte uh ka siasak dinga, ai na san thei nawn kei ding uh hi.

Nasepte 17:16

Paul in amaute ngaka Athen a, a om sungin tua khuapi milimte tawh a kidim mu-a, a lungdong lua mahmah hi.

Thupiakkikna 4:28

Note in tua laiah mihing in a bawl, khua mu thei lo, khua za thei lo, a ne thei lo, a gimnam za thei lo sing le suang pasiante na bia ding uh hi.

Kilaakna 9:20

Hih pulpite in a thah baang a om lai leitung mite, a khut uh tawh a sep uh nate panin a kisik nai kei uh hi; amaute in dawite, kham, ngun, sumngo, sing le suang milimte - khua mu thei lo, khua za thei lo, lam pai thei lo milimte a biak uh a tawp tuan kei uh hi.