Isaiah 2:4 - Zokam International Version

⁴ Amah in minam khat le khat kikal ah thu khen dinga, mi tampi kitotna a vengsak ding hi. Amaute in a namsaute uh tu in sek ding uh a, a teipite uh tem mukkawi-in a sek ding uh hi. Minam khat in minam khat tungah namsau liik nawn loin galsim dingin zong a kisin nawn kei ding uh hi.

LAISIENGTHOU CL Bible (BSI)

⁴ Aman namte kaal ah thu akhen dinga, Aman mi tampite athuhil dinga, tualeh a namsaute uh, lou hawna tuin akheng ding ua, tualeh ateipite uh, theikung heuna siakawite in akheng ding uhi; nam khat in namdangte douna in, namsau aleh nawn sih ding ua, kidou dan zong azil nawn sih ding uhi.

Zo Bible

⁴ Ama in minamte kikalah thukhen ding a, mi tampite adingin kiselna vengsah ding hi; amate in a namsaute uh kangkui-in a kheng ding vua, a teipite singba heuna namkawi-in kheng ding uhi; minam khat in minam khat tungah namsau leh nawn lo ding a, amate in galdo dan zong a sin nawn sih ding uhi.

Isaiah 2:4 ပူးပေါင်းရင်းမြစ်များ

Phatna-late 110:6

Amah in minamte thu khen dinga, misi vumsakin leitung bupa gam-ukte a suzan ding hi.

Phatna-late 46:10

"Dai hithiat unla, keimah Pasian ka hina thei un; minamte lakah kei hong kitawisang dinga, leitungah kei hong kitawisang ding hi."

Phatna-late 46:9

Amah in leitung mongte dongin gal beisak a, thalpeu kuaitanin, teipi tumtan a, lumte a mei-in a hal hi.

Phatna-late 82:8

Pasian aw, tho in minamte khempeuh nangma gouluah ahi manin leitung thu khen in.

Phatna-late 96:13

TOPA hong pai-a, leitung thukhen dingin hong pai ahi manin amaute in a mai-ah la a sa ding uh hi. Amah in thumaanin leitung buppi thu khen dinga, thutakin mite thu a khen ding hi.

Isaiah 32:17

Thumaanna gah lemna hi dinga; thumaanna hangin daihna le kimuanna a om tawntung ding hi.

Isaiah 32:18

Lungmuangtaka tenna mun, inn muanhuai le bangmah in nawngkaisak lo-a khawlna munah ka mite a teng ding uh hi.

Isaiah 33:22

Ahang in, eite thukhenpa TOPA hi a, thukham piapa TOPA hi-in eite kumpipa TOPA ahi hi; eite hong hon dingpa amah ahi hi.

Isaiah 42:1

"Hih lai-ah ka letkip, ka lungkimna, ka telsa ka nasempa a om hi. Ama tungah ka Kha ka koih dinga, amah in minamte tungah thutang a puak ding hi.

Isaiah 42:3

A kisat liamsa pumpeng kuaitan loin, a tang kiukiau meivakkhau a mutmit kei ding hi. Muanhuaina tawh thutang a pusuah khia ding hi;

Isaiah 9:5

Galkap hangte in gal sunga a zat uh khedapte le sisan a bang niaunuau puansilh khempeuh hal dingin kikoih dinga, mei in a kicih ding hi.

Isaiah 9:7

Ama ukna le kilemna khangin bei hun a nei kei ding hi. Amah in David tokhom luah dinga, tua huna kipan a tawntungin thumaan le thutang tawh a gam phutin a lenkip ding hi. Thahatpen TOPA deihluatna in hih thu a tangcingsak ding hi.

Hosea 2:18

Tua ni ciangin amaute adingin gam sunga gamsate, huih laka vasate le leithama bokvak ganhingte tawh thukhun khat ka bawl ding hi. Mi khempeuh lung muangin a lup hithiat theih nadingun leitung panin thal, namsau le gal ka beisak ding hi.

Hosea 2:20

Muanhuaina tawh nang kong khaam dinga TOPA na thei ding hi.

Joel 3:10

Lo khawhna tute namsau-in sek unla, heuhna temte teipi in sek un. A hat lo mite, "Ka hat hi," cisak un.

Joel 3:12

"Minamte kithawisak un; Jehushaphat Kuam hong simsuk uh hen. Ahang in, mun khempeuh a minamte thukhen dingin tua lai-ah ka tu ding hi.

Micah 4:3

Mi tampite kikal thu khensak dinga, gamlapi-a minam thahatte kitotna a vengsak ding hi. Amaute in a namsaute uh lei kalhna tu in sek ding uh a, a teipite uh heuhna temin a sek ding uh hi. Minam khat le minam khat namsau kiliiksan nawn lo ding uh a, galsim dingin zong a kisin nawn kei ding uh hi.

Zechariah 9:10

Ephraim panin a sakollengte uh leh, Jerusalem panin a galsimna sakolte uh ka lakkhiatsak dinga, a galsimna thalpeute uh ka kuaitan ding hi. Amah in minamte tungah kilemna a tangko ding hi. Ama ukna tuipi khat pan tuipi khat, Gunpi c panin leimong d dong a zai ding hi.

Nasepte 17:31

Ahang in, amah in a sehkholhsa mipa zangin thumaan tawh leitung mi khempeuh thu a khen ni ding sehkhol khin zo hi. Hih thu amaanna mi khempeuh tungah a lahna-in, amah misi pan a thokiksak hi," a ci hi.

Kilaakna 19:11

Van kihonga om ka mu-a, ka mai-ah sakol kang khat a na om hi. A tunga tuangpa, Muanhuai le Thumaan kici hi. Amah in thutangin thukhena gal a do hi.

1 Samuel 2:10

TOPA a langpangte kitamzan ding hi. Amah in van panin kek khiat dinga; leimongte dongin TOPA in thu a khen ding hi. "Ama kumpipa tha guan dinga, ama sathau nilhte’ ki tawisang ding hi," a ci hi.