Isaiah 2:3 - Zokam International Version

³ Mi tampite pai-in, "Hong pai un, TOPA’ mual tung Jacob Pasian inn ah va paito ni. Amah in a lampite i zuih theih nadingin eite hong hilh ding hi," ci ding uh hi. Zion panin thukham hong paikhia dinga, Jerusalem panin TOPA kammal hong paikhia ding hi.

LAISIENGTHOU CL Bible (BSI)

³ Mi tampite ahing peikhawm ding ua, “Hing peiun Mangpa muol ah, Jakob Pasian inn ah pei vaiin, tuachi’n Aman alampite ahing hil dinga, alampite ah ipei ding uh,” achi ding uhi; aziehpen zion akipat in, dan ahing pawt dinga, tualeh Mangpa thu Jerusalem apat in, ahing pawt ding hi.

Zo Bible

³ Mi tampite a haw ding vua, “Hing pei un, Jacob’ Pasien’ biehinn, Topa’ muol tungah va kato ta vai; tuaci’n eite in ama’ ketot i zui thei nadingin, ama in eite tungah a lampite ei hil ding hi,” a ci ding uhi. Azieh pen Zion panin thuhilna pusuoh ding a, Jerusalem panin Topa’ kammal pusuoh ding hi.

Isaiah 2:3 ပူးပေါင်းရင်းမြစ်များ

Esther 9:27

Jew-te in amaute le a suante uh leh amaute a pawlpihte in a kipelh ngei lo ngeina-in nei uh a, kum simin hih ni nihte tangin hih dinga kigelhsa bang le a kisehsa hunte a zang uh hi.

Phatna-late 102:23

Ka khangtung laitakin ka tha kiasak a; ka nuntak hun a a khiam hi.

Phatna-late 110:2

TOPA in a thahat na ukna ciangkhut, Zion panin na khangsak dinga; na galte laizangah na uk ding hi.

Phatna-late 119:171

Na thukipte nong hilh manin ka muk pan phatna luanglet hen.

Phatna-late 122:1

"TOPA inn ah pai ni" hong cite tung ka nuam hi.

Phatna-late 48:1

TOPA lian hi, eite’ Pasian khuapi sunga ama mual siangtho ah a phattakpen ahi hi.

Isaiah 1:26

Hunlui lai bangin na thukhente uh omsakin na thudotte uh a tunglai ka bangsak ding hi. Tua teng khit ciangin nang Thumaanna Khuapi, A Muanhuai Khuapi hong kici ding hi," cikhia hi.

Isaiah 11:10

Tua ni ciangin mite dialkhai bangin Jesse Zungpi ding dinga, minam khempeuh in amah beelin ama khawlna mun a minthang ding hi.

Isaiah 19:23

Tua ni ciangin Egypt pan Assyria paina lampi khat a om ding hi. Assyria-te Egypt ah pai-in, Egypt-te Assyria ah a pai ding uh hi. Egypt-te le Assyria-te in a bia khawm ding uh hi.

Isaiah 28:9

"Amah in hilh a sawm kua ahi hiam? Amah in a thupuak kua tungah telgen sawm ahi hiam? Ang tawh kikhen khin phet nawi goih lai naupangnote tung ahi hiam?

Isaiah 44:5

Khat in, ‘TOPA aa ka hi hi,’ ci dinga, adang khat amah le amah Jacob minin a kisam ding hi; adang khat lai in a khut tungah, ‘TOPA aa’ ci-in gelh dinga Israel min a kiphuah ding hi.

Isaiah 56:5

amaute tungah ka biakinnpi sung le a kawmte tungah tanute le tapate sanga a hoihzaw phawkdenna le minte ka pia ding hi. Amaute tungah a mang nawn lo ding a kip tawntung min ka pia ding hi.

Isaiah 56:7

tuate ka mualsiangtho ah ka paipih dinga, ka thungetna inn sungah ka lungnuamsak ding hi. Ka inn minam khempeuh thungetna inn a kicih nadingin, amaute meihal biakna le a biakpiaknate uh ka biakna-tau tungah a kisang ding hi," a ci hi.

Isaiah 60:3

Minamte in na khuavak hong zuan ding uh a, kumpite in na phalvak tangpha hong zuan ding uh hi.

Isaiah 65:11

"Ahi hangin TOPA a taisan ka mual siangtho a mangngilh nang, Kam-etna a sabuai phah a, Sehkholhna adingin zuhelsa hai a sungpa,

Isaiah 66:20

Tuateh amaute in minamte khempeuh tung panin TOPA tunga biakna-in Jerusalem a ka mual siangtho ah sakol tung, sakolleng tung, leng tung, laa-sakol tung le kala-oh tungah na sanggamte khempeuh uh hong puak ding uh hi," TOPA in a ci hi. "Israel-te in TOPA biakinnpi ah thukham ngeina-in a siangtho beelte in an-a biakna a puak bangun amaute in hong puak ding uh hi.

Jeremiah 12:16

Tuateh ka mite omzia a sin ding uh a, Baal tunga kiciamzia ding ka mite nangawn a hilh bangun - ‘TOPA nuntakna lo-in,’ ci-a na kiciam uh leh - tua ciangin ka mite lakah amaute ka kipsak pan ding hi.

Jeremiah 26:18

Moresheth-a Micah in zong thu a gen hi; amah in Judah khempeuh tunga a genna ah, "Hih in Thahatpen TOPA gen ahi hi: " ‘Lo bangin Zion kikho dinga, Jerusalem ninkholna suakin biakinnpi mual, gamphapi lak a suak ding hi,’ ci hi. b

Jeremiah 31:6

Ephraim mualte tungpan in galvilte in, ‘Hong pai un eite Pasian, TOPA kiang Zion ah paito ni,’ ci-a a kiko hun uh hong tung ding hi," a ci hi.

Ezekiel 40:2

Pasian mang ka muhna ah, Israel gamah hong paipih a mual sangpi dawn khatah hong koih hi; tua mual leitaw-lam pangah khuapi tawh a kibang inn lianpipi omna khat a om hi.

Hosea 3:5

Tua khit ciangin Israel-te kihei kik ding uh a, TOPA amaute Pasian le a kumpi uh David a zong ding uh hi. Nitawp ni ciangin amaute TOPA le a thuphate zuanin ling kawmin hong pai ding uh hi.

Hosea 6:3

Eite in TOPA phawk ni; amah phawk ding ngaihsun tentan ni. Ni a suah pelmawh bangin amah hong kilang pelmawh ding hi; tuklai-a guahzuk bangin eite kiangah hong pai dinga, leitung tui a buak sikhiau guah bangin amah hong pai ding hi."

Micah 4:2

Minam tampite pai-in, "Hong pai un, Jacob innkuante’ Pasian’ inn omna TOPA mualtungah kahto ni, ama lampi i tot theih nadingin a lampi hong hilh ding hi," ci ding uh hi. Zion panin thukham hong paikhia dinga, Jerusalem panin TOPA kammal hong paikhia ding hi.

Matthew 7:24

"Tua hi-a hih ka thute za-a, a zuipahte peuhmah suangpi tunga inn lam mipilpa tawh kibang hi.

Luke 11:28

Amah in, "Pasian thu za-a a mangte, thupha ngah hizaw hi," ci-in a dawng hi.

Luke 24:47

Jerusalem pan kipankhia in, ama minin minamte khempeuh tungah kisikna le mawh maisakna thu a kihilh ding hi.

John 4:22

No Samaria mite in na theih lohpi uh na bia uh hi; kote in ka theih uh ka bia uh hi. Ahang in, hotkhiatna, Jew-te pan ahi hi.

John 7:17

Mi khatpeuh in Pasian deihna hih ding a teel leh, ka thuhilhna Pasian pan hiam, ahikeh keima thu a gen ka hi hiam, cih a mukhia ding hi.

Nasepte 1:8

Ahi hangin note tungah Khasiangtho hong tun ciangin vangliatna na ngah ding uh a, Jerusalem, Judea gam, Samaria gam khempeuh le leimong dongah ka tecite na hi ding uh hi," a ci hi.

Nasepte 10:33

Tua ciangin nang kong samsak pah a, nong pai a hoih mahmah hi. Tu-in kote nong hilh dinga Topa hong thupiak peuhmah a ngai dingin kote khempeuh hih lai Pasian mai-ah ka om uh hi," a ci hi.

Rome-te 10:18

Ahi hangin amaute in za lo uh ahi hiam, cih kong dong hi. Za tham uh hi: "Amaute aw in leitung khempeuh zel khin zo-a, a kammalte un leimongte ban khin zo hi." n

Thupiakkikna 33:19

Amaute in mualtungah mite sam ding uh a, tua lai-ah a thumaan biakna a pia ding uh hi; amaute in tuipite bucinna le sehnel sunga goute in pawi a bawl ding uh hi," a ci hi.

Thupiakkikna 6:1

Hih thupiakte, thukipte le thukhamte, note in Jordan kantanin na lak ding uh gamah na zuih dingun kong hilh dinga TOPA note Pasian hong piak ahi hi.

James 1:25

Ahi hangin suahtakna a pia thei a hoihkim thukham limtakin en-a, thu bangin gamta-a a zaksate mangngilh loin a sempah mi, ama sepna ah thupha kipia ding hi.