Isaiah 18:2 - Zokam International Version

² tuipi tui tungah singteh gunkuang in thupuaka a sawl gam in gimna thuak ta hen. Kamtaite aw, a tunsang a cinel mite, a nai a gamla-a a kikihtate, kam lamdang zanga galphuang minamte a gam uh gunte in a khenkhapte kiangah manlangin va pai un.

LAISIENGTHOU CL Bible (BSI)

² Tuipi tunga kibawl gunkuongte a palai sawlte, Nou thangkou taihatte aw, din sang zetzot leh vun mam het hot namte kungah peiun, achiil apat a tutan a nam zauhuoite kungah peiun; nam thahat leh guoltungtuong agam uh luiten akhenzah gam ahi.

Zo Bible

² Nile gun tawnin tuite tungah pumpeng gunkuong tawh palaite a kisawlna gam khu gimna thuoh ding ahi hi! No kamtai tangzangte aw, a tun a sang a cizol sepsop, a nai a gamla-a kizatah, a thahat le galzo minam, a gam uh gun in a khenkhe mite kungah va pei ta un.

Isaiah 18:2 ပူးပေါင်းရင်းမြစ်များ

Isaiah 18:7

Tua hun ciangin Thahatpen TOPA tungah letsong kipuak dinga, a tunsang a cinel mite pan, a nai a gamla-a a kihtakte pan pautuam zang galphuang minam pan le a gam uh gunte in a khenkhapte panin Thahatpen TOPA min omna mun Zion Vum ah letsong a kipuak ding hi.

2 Khangthute 16:8

Cush-te b le Libya-te in sakolleng le sakol tungtuang c galkap thahat tampi nei uh hi lo ahi hiam? Tua hi napi TOPA tungah na kingak ciangin amah in amaute nang khut sungah hong pia hi.

2 Khangthute 14:9

Amaute sim dingin galkap b tampitak le sakolleng zathum tawh Cush-te Zerah kuankhia a, Mareshah ciangdong a tung uh hi.

Ezekiel 30:9

"‘Tua ni ciangin ngaihmuanga om Cush-te a lausak dingin kei kiang pan tembaw in kamtai ka sawl ding hi. Egypt a siat ni ciangin nak buai mahmah ding hi; a tung pelmawh ding lah ahi hi.

Paikhiatna 2:3

Ahi hangin a sel theih nawn loh ciangin pumpeng lawh khat kurtal le buanman tawh bittakin a zut hi. Tua ciangin a sungah naupang siala, Nile gun dung pumpeng lakah a koih hi.

Luke 10:19

Gulte le aikamte na tuatcil theih nading uh le galpa vang khempeuh na zawh theih nadingun thuneihna kong pia zo hi. Note bangmah in hong siasak zo lo ding hi.

Job 9:26

Amaute phaikung gunkuang bangin tolh uh a, muvanlai sa bawhsuk a bang uh hi.

Jeremiah 49:14

TOPA tung pan thupuak ka za khina: Minamte kiangah thupuak khat kisawlin, "Gal do dingin no le no kikaikhawm un! Gal sim dingin ding un!" kicisak hi.

Obadiah 1:1

Obadiah mangmuhna. Hih in Edom tawh kisai Thupipen TOPA thugen ahi hi - TOPA tung pan thupuak ka za khin uh hi: Minamte tungah palai khat kisawl khin a, "Kithawi un, amah do dingin kuan ni," - kicisak hi.

Habakkuk 1:7

Amaute kihtak huai-in a mulkimhuai mi hi uh a, amau mah thukham hipahin amau kipahtawina a thupisak uh hi.