Isaiah 12:4 - Zokam International Version

⁴ Tua ni ciangin note in: "TOPA tungah lungdamna ko-in a min lo un; ama sepsate minamte lakah kitheisak unla a min a kitawisangna tangko un.

LAISIENGTHOU CL Bible (BSI)

⁴ Tua ni chiengin nouten “Mangpa phat unlen, Amin lou unlen, asil bawlte Zentelte lah ah theisah unlen, Amin tawisanga um ding ahi, chi’n phuong un.

Zo Bible

⁴ Tua ni ciengin tam bangin na gen ding uhi: Topa tungah lungdam ko-in ama’ min lo un; minamte lahah ama’ nasepnate phuongzah un; ama’ min kitawisang hi, ci-in phuongzah un.

Isaiah 12:4 ပူးပေါင်းရင်းမြစ်များ

1 Khangthute 16:8

TOPA tungah lungdam koin, a min lo unla; ama sepsate minamte lakah kitheisak un.

1 Khangthute 29:11

TOPA aw, leitung le vantunga na khempeuh nang aa ahi manin liatna le vangliatna nang aa hi-a, minthanna ukzawhna le thupina nangma aa ahi hi. TOPA aw, kumpi-gam nangma aa hi a; na khempeuh lutangin hong kitawisang hi.

Nehemiah 9:5

Tuateh Levi-te - Jeshua, Kadmiel, Bani, Hashabneiah, Sherebiah, Hodiah, Shebaniah le Pethahiah - hihte in, "Ding unla tawntung pana tawntungpa bTOPA note Pasian phat un: "A minthang nangma min thupha kipia henla thupha khempeuh le phatna khempeuh tungah kitawisang ta hen.

Phatna-late 105:1

TOPA tungah lungdam ko-in a min lo unla; ama sepsate, minamte lakah kitheisak un.

Phatna-late 107:22

Amaute in lungdamkoh biakna pia uh henla lungdamna late in ama nasepnate gen uh hen.

Phatna-late 113:5

A sangna kumpi tokhom a tu-Pa, eite Pasian TOPA a bang kua om a,

Phatna-late 148:13

Ama min bek kitawisang ahi manin amaute in TOPA phat uh hen; ama thupina lei le vante tunglam ah a om hi.

Phatna-late 18:46

TOPA nungta hi! Ka Suangpi kiphat hen! Ka Honpa Pasian kitawisang hen!

Phatna-late 21:13

TOPA aw, na thahatna ah hong kitawisang hen; kote in la sa in na hatna ka phat ding uh hi.

Phatna-late 22:31

Aman sem khinzo ahi manin a suak nai lote tungah ama thumaanna amaute in a tangko ding uh hi.

Phatna-late 34:3

Kei tawh TOPA’ min thangsak khawm un; ama min tawisang khawm ni.

Phatna-late 40:5

Keima Pasian TOPA aw, na bawlsa nalamdang tampi om hi. Ko adingin na geelsa nate, kuamah in simkik zo lo a; tuate gen ding sut dingin sawm ta leng genkhiat zawh lohin tam lua mahmah hi.

Phatna-late 46:10

"Dai hithiat unla, keimah Pasian ka hina thei un; minamte lakah kei hong kitawisang dinga, leitungah kei hong kitawisang ding hi."

Phatna-late 57:5

Pasian aw, vante tunglam ah kitawisang inla, leitung khempeuh tungah na min thangsak in.

Phatna-late 68:5

Amah a tenna siangtho-a om, pa nei lote adingin pa, meigongte hupa Pasian ahi hi.

Phatna-late 73:28

Ahi hangin kei adingin Pasian tawh kinai a hoih hi. Thuneipipen TOPA ka bukna-in ka bawl khin hi; na sepsate khempeuh ka gen ding hi.

Phatna-late 9:11

Zion kumpi tokhom a tu TOPA phatnate sa un; minamte lakah ama sepsate tangko un.

Phatna-late 96:3

Minamte lakah ama minthanna pulak unla, mi khempeuh lakah a nasep piandangte pulak un.

Phatna-late 97:9

Ahang in, TOPA aw, leitung khempeuh tungah nang Sang Penpa na hi-a; pasiante khempeuh tung pekah hong kitawisang hi.

Paikhiatna 15:2

TOPA, ka thahatna le ka la ahi hi; amah ka honkhiatna suak zo hi. Amah ka Pasian hi a, ka phat ding hi. Ka Pa’ Pasian amah ka tawisang ding hi.

Paikhiatna 33:19

Tua ciangin TOPA in, "Ka hoihna khempeuh note mai-ah kong lakkhia dinga, note omna-ah ka min TOPA ka thangsak ding hi. Ka lainatnop mite ka lainat dinga, ka khuatuah nop mite ka khuatuah ding hi."

Isaiah 12:1

Tua ni ciangin, "TOPA aw, nang kong pahtawi ding hi. Kei tungah na heh ngei zongin na hehna dam ta a, kei nong hehnem zo hi.

Isaiah 2:11

Mite kiliatsakna mitte kiniamkoih dinga, mite kiphatsakna kiniamsak ding hi; tua ni ciangin TOPA bek kitawisang ding hi.

Isaiah 2:17

Mite kiliatsakna kiniamsak dinga, mite kiphatsakna kiniamkoih ding hi; tuani-in TOPA kia bek kitawisang dinga,

Isaiah 24:15

Tua ahi ciangin tuipi tuikulhte a nisuahna lam mite in; TOPA min thangsakin; TOPA Israel-te Pasian min a tawisang ding uh hi.

Isaiah 25:1

TOPA aw, ka Pasian na hi hi; muanhuaina kiciantakin tanglai peka na geelsa nate a piandang nate bawl khin na hi manin nang kong tawisang dinga, na min ka phat ding hi.

Isaiah 26:8

Hihi, TOPA aw, na thukham b zui-a kalsuan dingin nang kong ngak uh hi: kote lungsim deihna in a tawntunga nangma min phawkna ahi hi.

Isaiah 33:5

A sangna munah TOPA teng ahi manin a kitawisang hi; amah in thumaan le thutang tawh Zion a dimsak ding hi.

Isaiah 42:12

TOPA minthanna amaute gensak unla tuikulhte ah amah phatna tangkosak un.

Isaiah 48:20

Babylon paisan un, Babylon mite taisan un! Lungdamna tawh kiko-in, leimongte dongin puak unla, "TOPA in a nasempa Jacob tankhia khin hi," ci-in tangko un.

Isaiah 66:19

"Amaute lakah lim khat ka omsak dinga a suakta lai pawlkhat minamte - Tarshish-te tung, Libya mite c tung le Lydia (thalkap siama minthang)-te tung, Tubal-te le Grecce-te tung le ka vang neihna le ka minthanna a za nai lo a gamla-a om tuikulhte tungah ka sawl ding hi. Amaute in minamte tungah ka minthanna a tangko ding uh hi.

Jeremiah 50:2

"Minamte lakah zasakin tangko unla, dialkhai khai-in bangmah im kei unla, ‘Babylon kila ta ding hi; Bel kimaizumsak dinga, Marduk laugawp ding hi. Tuanu’ milimte kimaizumsak dinga a pasian limte kilausak ding hi.,’ ci-in tangko un.

Malachi 1:11

Minamte lakah nisuahna-a kipan nitumna dong ka min a lian ding hi. Mun khempeuh ah ka min, gimnamtui le biakna siangtho a kipuak ding hi, bang hang hiam cih leh minamte lakah ka min a lian ding hi," Thahatpen TOPA in a ci hi.

John 17:26

Amaute tungah nang kong pulak zo-a, nangmah in kei nong itna amaute aa ahi theih nading le kei mahmah amaute sungah ka om theih nadingin kong pulak lai hi," a ci hi.