Isaiah 12:3 - Zokam International Version

³ Hotkhiatna tuikhuk panin lung nuamin tui na khai ding uh hi.

LAISIENGTHOU CL Bible (BSI)

³ Tuaziehin hundamna tuikhuh akipat in kipahtahin tui na tawita ding uhi.

Zo Bible

³ Note in hutdamna tuikhuhte panin lungdam kipahin tui na tawi ding uhi.

Isaiah 12:3 ပူးပေါင်းရင်းမြစ်များ

Phatna-late 36:9

Ahang in, nuntakna tuikhuk nang tawh om a; nangma khuavak ah khuavak ka mu uh hi.

Phatna-late 87:7

Amaute in tumtheih tumin, "Ka tuikhukte khempeuh nang sungah om hi," ci-in a sa ding uh hi.

Zailate’ Zaila 2:3

Tanggual lakah ka sannemno taampi tulsing zing kawma apple tulsing dungzil e. Tutbang khawlin alim sawlbang bel nuam si’ng e, gah thei bang ka ciap khum zungzung e.

Isaiah 41:18

Keugawtak lak mualsang ah gunte ka luangsak dinga, kuam sungah ciktui ka phulsak ding hi. Sehnel-gam bualtui ka suaksak dinga, leikeu, ciktui ka suaksak ding hi.

Isaiah 49:10

Amaute gilkial lo dangtak loin sehnel-gam nisa in a kang kha kei ding hi. Amaute a khuatuahpa in makaih dinga, ciktuite gei-ah a pi ding hi.

Jeremiah 2:13

"Ka mite in mawhna nih a bawl khin uh hi; amaute in a nungta tuinak keimah hong taisanin tui a vung thei lo a kitamsa tuikhuk a to uh hi.

Ezekiel 47:9

Tua gun a luanna peuhpeuh ah ganhinghonte in omna-in a nei ding uh hi. Ngasa tampitak a om ding hi, bang hang hiam cih leh hih tui luang in tuipi tui-al a peengsak ding hi, tua mah bangin hih gun a luanna mun peuhpeuha nate khempeuh adingin nuntakna hi ding hi.

Zechariah 13:1

"Tua ni ciangn David innkuan tung le Jerusalem a tengte tungah amaute mawhna leh siantho lohnate silsiang nadingin tuinak khat kihong ding hi.

John 1:16

A kicing ama hehpihna panin eite khempeuh in thupha khat khit khat i ngah hi.

Kilaakna 22:1

Tua ciangin vansawltak in nuntakna guntui hong laka, crystal bangin cim sitset a, Pasian le Tuuno tokhom pan luangkhia-in,

Kilaakna 22:17

Tua Kha le tua mo in, "Hong pai in!" ci uh hi. A za peuh in, "Hong pai in!" ci ta hen. A dangtak peuhmah hong pai ta hen. A ut peuhmah in letsonga kipia nuntakna tui sang ta hen.

Kilaakna 7:17

Ahang in, kumpi tokhom laizanga Tuuno, amaute cingpa hi ding hi; amah in amaute a nungta tuinakte ah paipih ding hi. Tua ciangin Pasian in amaute mit pan, khitui khempeuh a nulkeu ding hi,"hong ci hi.

1 Samuel 2:1

Tua ciangin Hannah in thungen a: " TOPA sungah ka lungnuam hi; TOPA sungah ka ki d kisangsak hi. Nangma hutkhiatna nuamsa ka hi manin ka galte tungah ka kamin ka kisial hi.