Isaiah 1:1 - Zokam International Version

¹ Judah kumpi Uzziah, Jotham, Ahaz le Hezekiah-te hun sunga Judah le Jerusalem tawh kisai Amoz tapa Isaiah in a mangmuhna ahi hi.

LAISIENGTHOU CL Bible (BSI)

¹ Amoz tapa Isai in Juda leengte Uzziah, Jotham, Ahaz leh Hezekiahte vaihawm lai a Juda leh Jerusalem tungtang thu a mengmuna amu khu tambang ahi.

Zo Bible

¹ Amoz’ tapa Isaiah in Judah kumpi ahi Uzziah, Jotham, Ahaz le Hezekiah-te’ hun sunga Judah gam le Jerusalem tawh kisai ama’ mangmunate tam bang ahi hi.

Isaiah 1:1 ပူးပေါင်းရင်းမြစ်များ

2 Kumpite 15:1

Israel kumpi Jeroboam a kum sawmnih le sagihna kumin Judah kumpipa Amaziah tapa Azariah uk ding a kipan hi.

2 Kumpite 15:13

Judah kumpipa Uzziah a kum sawmthum le kuana kumin Jabesh tapa Shallum kumpi suaka, kha khat sung Samaria ah a uk hi.

2 Kumpite 15:32

Israel kumpi Remaliah tapa Pekah a kum nihna kumin Judah kumpi Uzziah tapa Jotham in uk ding a kipan hi.

2 Kumpite 15:7

Azariah a pate tawh tawlnga khawma, David Khuapi sung amaute gei-ah a kivui hi. Tuateh a tapa Jotham in a za luah a kumpi a suak hi.

2 Kumpite 18:1

Israel kumpi Elah tapa Hoshea a kum thumna kumin Judah kumpi Ahaz tapa Hezekiah in uk ding a kipan hi.

2 Kumpite 19:2

Amah in kumpi-inn saipipa Eliakim, thuvanpipa Shebna le siampi makaite, ippi silhsakin Amoz tapa kamsangpa Isaiah kiangah a paisak hi.

2 Khangthute 26:1

Tua ciangin Judah mi khempeuh in kum sawm le guk a pha Uzziah, c a pa Amaziah kumpi za a luahsak uh hi.

2 Khangthute 26:22

Uzziah uk sunga a sep dangte a kipatna pan a tawpna dong Amoz tapa kamsangpa Isaiah in a ciamteh hi.

2 Khangthute 27:1

Jotham kumpi a suahin kum sawmnih le nga pha a, Jerusalem ah kum sawm le guk sung a uk hi. A nu min Jerusha hi-a Zadok tanu ahi hi.

2 Khangthute 28:1

Ahaz kumpi a suahin kum sawmnih pha a, Jerusalem ah kum sawm le guk sung a uk hi. A pa David tawh kibang loin TOPA muhna ah amaanin na a sem kei hi.

2 Khangthute 29:33

Biakna-a kipia a ki-ap ganhing peuhmah a gawmin bawngtal zaguk le tuu le keel tulthum ahi hi.

Phatna-late 89:19

Khatvei na mi muanhuaite mangmuhna-in na hopih a: "Galhangpa tungah thahatna ka pia a; mite lak pan tangval khat ka tawisang hi.

Isaiah 13:1

Amoz tapa Isaiah in Babylon tawh kisai thusuak a muhna:

Isaiah 2:1

Hih in Judah le Jerusalem tawh kisai Amoz tapa Isaiah muhna ahi hi:

Isaiah 20:2

TOPA in Amoz tapa Isaiah tungtawnin thu gen hi. Ama kiangah, "Na ippi puan suahkhia inla na khedap kaih zong suah in," a ci hi. Amah in a cih bangin hih a, a guaktangin a kheguakin a pai kawikawi hi.

Isaiah 21:2

A kihtakhuai mangmuhna khat kei hong kilak a: Migilopa in lehhek a, a luhpa in a luh hi. Elam aw sim in, Media aw umcih in! Ama piansak taunate khempeuh ka beisak ding hi.

Isaiah 37:2

Amah in kumpi inn ukpa Eliakim, thuvanpipa Shebna, le siampi makaite in a vekun ippi puan silhsa in Amoz tapa kamsangpa Isaiah kiangah a sawl hi.

Isaiah 38:1

Tua hun laitakin Hezekiah a ci na in a si dektak hi. Amoz tapa kamsangpa Isaiah a kiangah va pai-a, TOPA gen hih ahi hi: Na inn sung omzia ding vaihawm in, bang hang hiam cih leh nang na si ding hi; na dam kik zo nawn kei ding hi;" a va ci hi.

Isaiah 40:9

No Zion a thuhoih puakte aw, mualsang tungah kahto un. No Jerusalem d a thupha puakte aw, na aw uh sangsak unla awng un, sangsak un, lau kei un; Judah khuapite tungah, "Note Pasian hiah om hi," ci un.

Isaiah 6:1

Kumpipa Uzziah a sih kumin a sanga kitawisang kumpi tokhom tungah Topa a tu ka mu-a a puantualpi mong biakinnpi sung khempeuh a dim hi.

Isaiah 7:1

Uzziah tapa Jotham, Jotham tapa Ahaz, Judah kumpi ahi laitakin Aram Kumpipa Rezin le Israel kumpipa Remaliah tapa Pekah, Jerusalem sim dingin kuanto uh a, ahi hangin a zo kei uh hi.

Jeremiah 23:16

Hih in Thahatpen TOPA gen ahi hi: "No tunga thu hong gen kamsangte thu ngai kei un, lametna zuau tawh note hong dim uh hi. Amaute in amau lungsima suaktawm thu hong gen uh hi; TOPA kam sung pan hi lo hi.

Ezekiel 1:1

A a kum sawmthumna, a kha lina a ningana ni, Kebar Gun kianga saltangte lakah ka om laitakin vante kihongin Pasian mangte ka mu hi.

Hosea 1:1

Judah kumpi Uzziah, Jotham, Ahaz le Hezekiah-te a man laitak le Israel kumpi Jehoash a a tapa Jeroboam a man laitakin Beeri tapa Hosea tungah TOPA thu tunga:

Amos 1:1

Tekoa a tuucingte lakah khat Amos kammal - Judah kumpi-in Uzziah a om hun, Jehoash a tapa Jeroboam, Israel kumpi a hih hun, zinlin ma kum nih hun lai-a Israel thu tawh kisai a muhna ahi hi.

Amos 4:5

Lungdamkoh biakna-in silngo kisawh anlum halin utthu-a biakna va kisialhpih un - no Israel-te in tuate kisialhpih un. ahang in, na sepnop pen uh tua ahi hi," Thupipen TOPA in cikhia hi.

Micah 1:1

Judah kumpi in Jotham, Ahaz le Hezekiah-te aman laitak, Moresheth mi Micah tungah TOPA thupiak - Samaria le Jerusalem tawh kisai a mangmuhna ahi hi.

Nahum 1:1

Nineveh tawh kisai thusuak khat. Elkhosh-te Nahum mangmuhna laibu ahi hi.

Habakkuk 2:2

Tua ciangin TOPA in dawnga, "Tangkopa b in a taipih theih dingin ka kilaaknate gelh inla, suangpekte tungah kiciansak in.

Misimna 12:6

amah in, "Ka thugen ngai un: "Note lakah TOPA kamsang a om ciangin, ama tungah mangmuhna tawh ka kilak a, mang sungah amah ka hopih hi.

Misimna 24:16

Pasian kammal a zapa khat thusuak, Sangpen Pa pana theihna, Thahatpa pana mangmupa, lum ditdiat napi a hakpa pan:

Misimna 24:4

Pasian kammal a zapa khat thusuak, Thahatpa b pan-a mangmupa, lum ditdiat napi-a mit-hakpa pan:

Matthew 17:9

Amaute mualtung pan a paisuk kawmkawmun Jesu in amaute kiangah, "Mihing Tapa misi pan a thawh mateng, na muhsate uh kuama kiangah gen peuhmah kei un," a ci hi.

Nasepte 10:17

Peter in tua a mangmuh a khiatna a ngaihsutsut laitakin Cornelius sawl mite in Simon inn mu uh a, a kongpi ah a khawl uh hi.

Nasepte 26:19

"Tua bang ahi manin Kumpi Agrippa aw, van pana mangmuhna thu mang loin ka om kei hi.

2 Corinth-te 12:1

Ka kisial lailai ding hi. Met nading bangmah a om kei zongin Topa tung pana mangmuhnate le kilaaknate ka gen lai ding hi;

2 Peter 1:21

Ahang in, genkholhna peuhmah mihing deihna pan hi ngei lo-a, Khasiangtho hihsakna bangbangin mite in Pasian tung pana a gen uh hizaw hi.