Hosea 8:6 - Zokam International Version

⁶ Amaute Israel pan ahi uh hi! Hih bawngno - khutsiampa bawl ahi hi; Pasian ahi kei hi. Tua Samaria bawngno kisunen ding hi.

LAISIENGTHOU CL Bible (BSI)

⁶ Aziehpen bawngnou milim Israelte akipat ahi a, akhutsiemte un abawl ua, tuazieh in Pasian ahi sih hi. Hinanleh Samaria bawngnou milimte, akeh in akise gawp ding hi.

Zo Bible

⁶ Azieh pen tua bawngno khu Israel sung panin khut siem khat’ bawl hi a, Pasien ahi sih hi. Samaria bawngno pen a phalphalin keh ding hi.

Hosea 8:6 ပူးပေါင်းရင်းမြစ်များ

2 Kumpite 23:15

Israel mawhna a bawlsakpa Nebat tapa Jeroboam in a bawl Bethel a biakna-tau le munsangte nangawn a phiatmang hi. Amah in a munsangte mei-in hal a gawivui-in Asherah khuam zong a haltum hi.

2 Kumpite 23:19

Josiah in Bethel ah, a hih bang tektekin Israel kumpite in Samaria khuapite a, a bawl uh TOPA a hehsakna uh munsang tunga biakbuknote khempeuh phelkhia in a buahsak uh hi.

2 Khangthute 13:8

"Tua hi-a tu-in David suante khutah a om TOPA kumpi-gam do dingin na geel uh hi. Galkap tampitak na hi mah uh hi, Jeroboam in a bawl kham bawngnote na pasian dingun na kem mah uh hi.

2 Khangthute 31:1

Hihte khempeuh a ven ciangin tua lai-a om Israel-te, Judah-te’ khuapite ah pai uh a, suang siangthote satzanin Asherah khuamte a phuk uh hi. Amaute in Judah le Benjamin sung le Ephraim le Manasseh sung khempeuh ah munsangte le biakna-taute a susia uh hi. Amaute in tuate khempeuh a suksiat khit uh ciangin Israel-te amau neihsa khuapite ah a ciah kik uh hi.

Jeremiah 10:14

Mi khempeuh ngaihsutna nei lo le pilna nei lo hi a; kham seek peuhmah a milim seekte in a maizumsak hi. A milim sunte zuaupi hi a, huu a sang kei hi.

Jeremiah 48:13

Tua ciangin Israel in Bethel a muan lai-ua a maizum bangin, Moab in Chemosh a maizumpih ding hi.

Jeremiah 50:2

"Minamte lakah zasakin tangko unla, dialkhai khai-in bangmah im kei unla, ‘Babylon kila ta ding hi; Bel kimaizumsak dinga, Marduk laugawp ding hi. Tuanu’ milimte kimaizumsak dinga a pasian limte kilausak ding hi.,’ ci-in tangko un.

Hosea 10:2

Amaute lungsim khemhat a, tu-in amaute khialhna thaman a thuak ding uh hi. TOPA in amau biakna-taute phiatmang dinga, a suang siangthote uh a susia ding hi.

Hosea 13:2

Tu-in amaute in mawhna a bawl thuahthuah uh hi; amau ngun panin amau mah in milimte bawl uh a, piltakin limsuaite zem uh hi; tuate khempeuh khutsiamte bawl ahi hi. Tua pen hih mite tungah, "Amaute in mihing biakna-in pia uh a, bawngno limte a nam c uh hi," ci-in kigen hi.

Hosea 14:3

Assyria in kote hong hon thei lo hi. gal sakol tungah ka tuang kei ding uh hi. Pa nei lote in nang tung pan khuatuahna mu uh ahi manin kote in ka khut uh tawh ka bawlte uh tungah ‘Kote pasiante’ ka ci nawn kei ding uh hi." ci un.

Micah 1:7

A milimte khempeuh kitamzan ding hi; biakinnpi a na piakte khempeuh uh mei-in kihal ding hi; tuanu bawl milimte ka susia ding hi. Kizuak thamana kipiate a khop ahi nungsang amaute zong kizuakna man ding mahin kizang ding hi," a ci hi.

Habakkuk 2:18

"Mihing khuaktawm ahi nungsang milimte in bang kimanna nei ahi hiam? Ahikeh tua milim in zuauthu hong hilh bek hi lo ahi hiam? Ahang in, a bawlpa in ama piansak muang ahi hi; amah in a pau thei lo milimte a bawl hi.

Nasepte 17:29

"Tua ahi ciangin eite Pasian suan le khak i hi khit nungsang khutsiamte in a zep uh kham, ngun ahikeh suang tawh kibawl milim a bang dingin a pasian-hina i ngaihsut ding hi lo hi.

Nasepte 19:26

Tua hi-a hih mipa Paul in Ephesus le Asia gam bupah mi tampitak thuzawha, a pimang zia mu-in na za zo uh hi. Amah in, ‘Mihing bawltawm pasiante Pasian hi peuhmah lo hi,’ ci hi.