Hosea 7:16 - Zokam International Version

¹⁶ Sangpen Pa lamah amaute kihei lo uh a, thalpeu neemsa a bang uh hi. Amaute thusimlohna kammalte hangin a makaite uh namsau-in a puk uh hi. Hih thu hangin Egypt gamah amaute mi nuihsatin a om ding uh hi.

LAISIENGTHOU CL Bible (BSI)

¹⁶ A nuakia ua, hinanleh Tungnung Sang Pen kungah ahisih hi; thalpi lepchie bang ahi ua, alei ua samsietnate ziehin amiliente uh, namsau in apua ding uhi. Tamte Izipt gam a, nuisat a aumna ding uh ahi ding hi.

Zo Bible

¹⁶ Phattuomna a pie thei lo nate lamah amate a kihei uhi; amate pen a muitang lo thaltang tawh a bang uhi. Amate a kiphatsah ham ziehun a uliente namsau-in a si ding vua, Egypt gam sungah amate mi nuisatin a om ding uhi.

Hosea 7:16 ပူးပေါင်းရင်းမြစ်များ

Phatna-late 12:3

TOPA in maitangphatna muk khempeuh le a kisathei leiite atkhia hen;

Phatna-late 12:4

tuate in, "I leii-in i gualzo ding hi; i mukte eima neihsa ahi hi b - i topa kua ahi hiam?" ci uh hi.

Phatna-late 12:5

"A zawngkhalte kinetniamna le a tasamte tauna hangin tu-in ka tho ta ding hi; "A selphote panin amaute ka dal ding hi," TOPA in a ci hi.

Phatna-late 17:10

Amaute in a lungtang kheengte khakcip uh a, a kamte un kiphatsakna kam a pau uh hi.

Phatna-late 52:2

Nang, zuauphuah bek a sipa aw, na leii in siatna bek sawmsim a, tempa hiam tawh kibang hi.

Phatna-late 57:4

Humpinelkaite laizangah ka om a; a hate uh teipite le thalthangte ahi, a leiite uh namsau hiamte ahi mi - gamsa gilkialte lakah ka lum hi.

Phatna-late 73:9

Amaute in a kam un vantung nangawn amau aa suah uh a, amaute’ leii in leitung a nei hi.

Phatna-late 78:37

a lungsim uh ama tungah thutak lo-a, ama thukhun ah a muanhuai kei uh hi.

Phatna-late 78:57

A pate uh mah bangin ciktak loin muanhuai lo uh a, thalpeu suihkhialh muan theih loh bang uh hi.

Isaiah 3:8

Jerusalem hoi ta a, Judah a pukpuk hi ta hi; amau kampaute le a gamtatnate un TOPA lang panga, ama minthanna omna a langpan hi.

Jeremiah 18:18

Amaute in, "Hong pai un, siampite hong hilh thukham, mipilte i dot thute, kamsangte gen thute a manthan loh nadingin Jeremiah sawmsim ni. Tua hi a hong pai un, i kam mahmah tawh nialin a gen peuhmah va thusim kei ni," a ci uh hi.

Jeremiah 3:10

Hih bang teng hi napi a muanhuai lo a sanggamnu Judah, a lungsim neihzahin kei lam hong kihei loin, a kineih bek ahi hi," TOPA in cikhia hi.

Jeremiah 42:18

Hih in TOPA Israel Pasian gen ahi hi: ‘Jerusalem a tengte tungah ka hehna le ka thangpaihna ka buakkhiat bangin Egypt ah na pai uh leh ka thangpaihna kong bua ding hi. Note hong kihamsiatin, hong kilipkhapin, bangmah a kimang lo mawhpaihna thuakte na hi ding uh a; hih mun na mu kik nawn kei ding uh hi,’ ci hi.

Ezekiel 23:32

"Hih in Thupipen TOPA gen ahi hi: "A lian a thuk na sanggamnu hai mah na dawn ding hi; Tua hai sungah tampi ta ahi manin hong kisimmawhin hong kinuihsan ding hi.

Ezekiel 36:20

Minamte laka a paina peuhpeuh uah ka min siangtho a daisak uh hi, tua hangin amaute tawh kisai-in, ‘Hihte TOPA mite hi napi ama gam a nusia uh hi,’ kici hi.

Daniel 7:25

Amah in Sang Penpa langdona kam pau dinga a misiangte nengniamin a kisehsa hun le upadite khek ding a hanciam ding hi. Ama tungah hun khat le hun lang b sung misiangte a kipia ding hi.

Hosea 11:5

"Amaute in kisik ding nial uh ahi manin Egypt ah ciah kikin Assyria in amaute uk lo ding ahi hiam?

Hosea 11:7

Ka mite in kei kiang pan kiheisan hong sawm teitei uh hi; Sangpen Pa a sam zawzen uh zongin amah in amaute a tawisang peuhmah kei ding hi.

Hosea 6:4

"Ephraim aw, nang bang hong cih thei ding ka hi hiam? Judah aw, nang bang hong cih thei ding ka hi hiam? Na itpa lah zingsang meiilum tawh kibanga, zing tunga daitui bangin mangthang hi.

Hosea 7:13

Ka kiang panin amaute lampial uh ahi manin gimna thuak ta uh hen! Amaute in kei hong lehdo uh ahi manin amaute tungah siatna tung ta hen! Amaute ka tatkhiat nop hangin kei langkhatah zuauthu a phuak uh hi.

Hosea 9:3

TOPA’ leitangah amaute a omden kei ding uh hi; Egypt ah Ephraim kileh kik dinga, Assyria ah an sianglo a a ne ding uh hi.

Hosea 9:4

Amaute in TOPA tungah biakina-in zu sung lo ding uh a, amau biaknate un zong amah a lungkimsak kei ding hi. Tua bang biaknate pen amaute tungah a thum mite anlum tawh kibang ding hi; tuate a ne khempeuh a nin suak ding uh hi. Hih an amaute ading bek hi a, TOPA biakinnpi sung a tung kei ding hi.

Hosea 9:6

Amaute kisiatna pan a suahtak uh leh zong, Egypt in amaute khawm dinga, Memphis in amaute a vui ding hi. Amaute gou ahi ngunte thanglingte in tuam ding a, a puanbukte uh lingkung in a tuum ding hi.

Malachi 3:13

TOPA in, "Kei langah kamkhauh na pau uh hi," a ci hi. "Tua hi napi, ‘Nang langah bang gen ka hi uh hiam?’ na ci uh hi.

Malachi 3:14

"‘Pasian na i sep a mawkna hi. Ama deih bangin gamta-in Thahatpen TOPA mai-ah a thumte bangin i pai hangin bang lawhtak i hi hiam?

Matthew 12:36

Ahi hangin mite in amau motpaunasate uh tawh kisai-in thukhen ni ciangin a telin a gen ding uh hi.

Luke 8:13

Suang tunga tute, Pasian thu a zak uh ciangin lungdamin a san uh hangin zungkha lote ahi uh hi. Amaute in tomkha sung um uh a zia-etna a thuak uh ciangin a pukmangte ahi hi.

James 3:5

Tua mah tawh kibangin leii pen pumpi na a neuno khat ahi hangin nakpitakin a kisial hi. Mei-ekno khat in gamsung lianpipi a katsak na ngaihsun in.

2 Peter 2:8

(ahang in, tua a thumaan mipa amaute lakah nisimin om a, thukham nei lote gamtatna a muh le a zakte in a thumaan ama lungsim a gimsak mahmah hi) -

Kilaakna 13:5

Tua gamsa tungah a kiphatsakna kam pau nading le gendai nading kam khat kipia-a, a thuneihna a zat hun ding kha sawmli le nih sung kipia hi.