Hosea 6:6 - Zokam International Version

⁶ Ahang in keimah in biakpiakna deih loin lainatna ka deih hi; meihal biaknate sangin Pasian theihna ka deihzaw hi.

LAISIENGTHOU CL Bible (BSI)

⁶ Aziehpen ken kithoina hilou in khotuona ka dei a, Tualeh halmang kithoina sangin, Pasian theina ka lunggul zaw hi.

Zo Bible

⁶ Azieh pen itna kip ka dei a, biehpiehna ka dei sih hi. Meihal biehpiehnate sangin Pasien theina ka deizaw hi.

Hosea 6:6 ပူးပေါင်းရင်းမြစ်များ

Matthew 9:13

Pai unla, a Kei lunggulh biakpiakna hi loin lainatna hizaw hi,’ a kici bang gennopna hiam, va sin un. Ahang in, mi thumaante sam dinga hong pai hi loin mawhneite sam dinga hong pai ka hi hi," a ci hi.

Matthew 12:7

‘Kei lunggulh in biakpiakna hi loin lainatna hizaw hi.’ e cih thu a khiatna thei khin hi le uh cin a mawhpengte na mawhpaih kei ding uh hi.

Paunakte 21:3

TOPA in kithoihna sangin thumaan thutanga sep, sang thei zaw hi.

1 Samuel 15:22

Ahi hangin Samuel in: "TOPA awging man’na zahin meihal biaknate le biakpiaknate ah TOPA lungkim ahi hiam? Biakpiakna sangin thuman’na hoihzaw a, tuutalte’ thau sangin thusimna hoihzaw hi.

Amos 5:21

"Na biakna pawite uh mudahin ka simmawh hi; na kikhopnate uh ka cimtak hi.

Isaiah 1:11

TOPA in, "Tua zahta-a tam na biakpiakna uh - kei adingin banga kimang ahi hiam?" ci hi. "Tuutalte le ganhing vakthaute’ thaute tawh meihal biaknate ka kham lua ta hi. Bawngtalte, tuunote le keelte sisan tawh ka lungkim kei hi.

Thuhilhna 5:1

Pasian inn ah na pai ciangin kidawmin gamta in. A khialh lam uh a thei lo mihaite biakna sangin thu ngai dingin a kiangah pai lecin hoihzaw hi.

Jeremiah 22:16

Amah in a zawngte le a kitasamte’ thu panpih a, na khempeuh ah a daupai hi. Tua in kei nong theihna uh a khiatna hi lo ahi hiam?" TOPA in cikhia hi.

Matthew 5:7

Mi lainat siamte thupha ngah ahi hi, ahang in, amaute lainatna kingahsak ding hi.

Daniel 4:27

Tua ahi ciangin kumpipa aw, kong gen bangin lungkimin hong mangin. A manin gamta in a kinengniamte tungah migitna tawh na mawhnate kipuahpha in. Tua bangin hi lecin na nopsakna kizomsuak ding hi," a ci hi.

1 Khangthute 28:9

Tuateh nang ka tapa Solomon aw, na pa’ Pasian thei in, TOPA in lungsim khempeuh zonga ngaihsutna zui-a gamtatnate theitel ahi manin na lungsim neihzahin ki-ap inla lungsim utsa in ama na sem in. Amah na zon leh na mu ding hi; amah na taisan leh amah in a tawntungin nang hong nolh ding hi.

Jeremiah 7:22

Ahang in, na pute uh Egypt pan ka paikhiatpih huna ka hopih lai-in meihal biaknate le kithoih ding thu ka pia kei a,

1 John 3:6

Ama sunga nungta mi khatpeuh, mawhna a zongsang kei hi. Mawhna a zongsang mi peuhmah amah a mu nai lo, a thei nai lo ahi hi.

1 John 2:3

Ama thupiakte i zuih leh amah i thei zo cih i thei hi.

Micah 6:6

TOPA mai-ah bang tawi-in va pai-a a kitawisang Pasian mai-ah bang tawh va kun ding ka hi hiam? Ama mai-ah meihal biakna ding kum khat apha bawngno keng ding ka hi hiam?

Hosea 4:1

No Israel-te aw, TOPA kammal za un, bang hang hiam cih leh no gam sunga teng mite langkhat ah TOPA in mawhmatna khat hong tungsak ding hi. "Gam sungah muanhuaina, itna, Pasian theihna a om kei hi.

Isaiah 58:6

"Kei teel antan hih bang nam ahi hi: A thutang lo khainiangte kolsak nading le hakkol khaute phel nading, a kinengniamte khah nading le hakkol peuhmah suktan nading hi lo ahi hiam?

Hosea 2:20

Muanhuaina tawh nang kong khaam dinga TOPA na thei ding hi.

Phatna-late 50:8

Ka mai-a na hih den uh biakpiaknate, meihal biaknate hangin hong taihilh ka hi kei hi.

Mark 12:33

Na lungtang khempeuh, na theihna khempeuh le na thahatna khempeuh tawh amah it ding le nang le nang na ki-it banga na vengte na it ding pen meihal biakna buppi le biakpiaknate sangin thupizaw mah hi," ci-in a dawng kik hi.

Hosea 14:2

Kammalte keng inla TOPA kiangah kihei in. Ama kiangah: "Ka mawhna khempeuh uh hong maisak inla ka muk a gahte uh nang kong piak theih nadingun, nong hehpihna-in kote hong sang in.

Micah 6:8

Mipa aw, amah in a hoih hong lak zo hi. Tua hi-a TOPA in nang tungah bang hong kal ahi hiam? Thutangin gamta inla, lainatna it-in, kiniamkhaitin na Pasian tawh kalsuan khawm in.

Joshua 5:5

Egypt pana paikhia mite khempeuh vun atsa ahi hangin sehnel gama a zin kawikawi sungua suak khempeuh vun at nai loh ahi hi.

Hosea 8:13

Amaute in kei tungah hong kipia biaknate hong pia-in a sa ne uh a, ahi hangin tuate ah TOPA a lungkim kei hi. Tu-in amah in amau gitlohnate ciamteh dinga, a mawhnate uh dan pia ding hi. Amaute Egypt ah kileh kik ding uh hi.