Hosea 5:7 - Zokam International Version

⁷ TOPA tungah amaute muanhuai lo uh a; zawlta a nei uh hi. Tu-in amau Kha Thak pawite in amaute le a lote uh a valhtum ding hi.

LAISIENGTHOU CL Bible (BSI)

⁷ Mangpa tungah lepchie tahin agamta ua, aziehpen namdang zawlta anei uhi. A hathate un amaute leh agoutante uh, ane bei ding hi.

Zo Bible

⁷ Amate in Topa tungah muonna nei loin a gamta uhi; bangzieh ahei cile amate in zawlta tampi a nei uhi. Tu-in hla tha in a lote utawh amate a valtum ding hi.

Hosea 5:7 ပူးပေါင်းရင်းမြစ်များ

Phatna-late 144:11

A kam uh zuauthu tawh a dim, a khut taklam uh zong a zuautat, gamdang mite khut pan kei hong hu-in hong suaktasak in.

Phatna-late 144:7

A sangna pan na khutin hong bansuk inla; tui thahatte pan le gamdang mite khut panin kei hong dalin hong hukhia in,

Isaiah 1:14

Na Khadet pawite uh le na pawi tuamtuamte uh ka hinna-in ka mudah hi. Tuate kei adingin vangik suak a; tuate pua-in ka gim hi.

Isaiah 48:8

Na za ngei nai kei uh a zong na theitel ngei nai kei uh hi; khanglui hun lai-in na bil uh a kihong kei hi. Mi muantak na hi lo lam uh kong thei a; na suah tungua kipan lehdote hong kici hi.

Isaiah 59:13

Lehdona le kitheihmawhbawlna-in TOPA i langpan a, Pasian i nungngatsan hi. Netniamna le lehdona tawh kisatsuahin i lungsim ah zuauthu i paii hi.

Jeremiah 3:20

Ahi hangin Israel innkuan aw, a pasal tunga a muanhuai lo numei khat bangin kei tungah na muanhuai kei khin hi?" TOPA in a cikhia hi.

Jeremiah 5:11

Kei tungah Israel innkuante le Judah innkuante a muanhuai peuhmah kei uh hi," TOPA in cikhia hi.

Ezekiel 12:28

Tua ahi ciangin amaute tungah, "Hih in Thupipen TOPA gen ahi hi: Ka kammalte khat beek a ziakai nawn kei ding hi; ka gen peuhmah a tangtung ding hi, Thupipen TOPA in cikhia hi,’ ci-in gen in," hong ci hi.

Hosea 2:11

A pawi bawlnate khempeuh: a kumsim pawibawlnate, a Kha Thakte, a Sabbath nite-a kisehsa pawi bawlnate khempeuh ka khawlsak ding hi.

Hosea 2:4

A tate angkawmna tate ahi manin tuanu tate tungah ka itna ka lak kei ding hi.

Hosea 6:7

Amaute in Adam c bangin thukhun palsat khin uh a - tua lai-ah kei tungah a muanhuai kei uh hi.

Hosea 7:13

Ka kiang panin amaute lampial uh ahi manin gimna thuak ta uh hen! Amaute in kei hong lehdo uh ahi manin amaute tungah siatna tung ta hen! Amaute ka tatkhiat nop hangin kei langkhatah zuauthu a phuak uh hi.

Zechariah 11:8

Kha khat sungin tua tuucing thumte ka hemkhia hi. Tuuhonte in kei hong hua uh a, kei zong amaute cimtakin,