Hosea 5:6 - Zokam International Version

⁶ TOPA zong dingin amaute a tuuhonte uh le a bawnghonte uh tawh a kuan uh ciangin amah a mu kei ding uh hi; amaute kiang panin amah nungkik zo hi.

LAISIENGTHOU CL Bible (BSI)

⁶ Mangpa sui dingin agan honte u’leh, abelam honte utoh akuon ding ua, hinanleh amusih ding uhi, alah ua pat in akihemkheta hi.

Zo Bible

⁶ A tuuhon ule a bawnghonte tawh Topa sui-in amate a pei ding vua, ahi vangin amate in ama a mu sih ding uhi; amate kung panin ama a nuakia zo ta hi.

Hosea 5:6 ပူးပေါင်းရင်းမြစ်များ

Paikhiatna 10:9

Moses in, "Kote in ka TOPA uh kiangah pawi bawl ding ka hi manun a moi a ham, ka tanu ka tapate uh, ka tuuhon ka ganhonte uh tawh ka pai ding uh hi," ci-in a dawng hi.

Paunakte 1:28

"Tua ciangin amaute in kei hong sam ding uh a, ka dawng kei ding hi; kei hong zong ding uh a, hong mu kei ding uh hi.

Paunakte 15:8

Migilote biakpiakna TOPA in kih a, a thutang mite thungetna in amah lungkimsak hi.

Paunakte 21:27

Migilote’ kithoihna kihhuai hi - ngimna hoih lo tawh a puakte nak kihhuai zaw ngel ve!

Zailate’ Zaila 5:6

Ka sannem kot ka hon leh nuaciang sia-in sul na hei khin zo tah e. Lenmual hemah kaitah lawm aw. Nuaciang hong siat’ sinlai thalbang hong do e. Sangbang vai hang mela muh cih om lo e. Malbang koh hal tong hong dawng kik om lo e.

Isaiah 66:3

Ahi hangin bawngtalin biakna a piapa mi thatpa tawh kibanga, tuuno khat go-a biakna a pia peuhmah ui ngawngtanpa tawh kibang hi; an-a biakna a pia peuhmah vok sisan piapa tawh kibanga, tuateh phawkna-a gimnamtui a hal peuhmah milim biapa tawh kibang ahi hi. Amaute in amau deih zia le tong teel khin uh a, amaute hinna in a kihhuaite nuam sa uh hi;

Jeremiah 11:11

Tua ahi ciangin TOPA thugen hih ahi hi: ‘Amaute tungah gimna ka tungsak dinga, amaute a suakta kei ding uh hi. Amaute in kei hong ko in a kiko uh zongin a thugen uh ka ngai kei ding hi.

Jeremiah 11:14

"Hih mite adingin ngetna le thumsakna khatpeuhpeuh ahi zongin nei kei in, bang hang hiam cih leh amaute lungdongin hong sap uh ciangin ka ngai kei ding hi.

Jeremiah 14:12

An a tan uh hangin amau kikona ka ngai kei dinga, meihal biakna le an-a biakna hong piak uh hangin ka sang kei ding hi. Tua sangsikin amaute namsau, kialpi le pulpi in ka susia ding hi," hong ci hi.

Jeremiah 7:4

"Hih in TOPA biakinnpi ahi hi, TOPA biakinnpi ahi hi, TOPA biakinnpi ahi hi!" a kici zuau kammalte muang kei un.

Tamlawhna 3:44

Thungetna in a kantan zawh loh dingin nang le nang meiipi in na kituam hi.

Ezekiel 8:18

Tua ahi manin amaute ka hehna ka thuaksak ding hi; Hehpihna tawh en loin ka zah tuan kei ding hi. Ka bil ah hong kiko uh hangin a gen uh ka ngai kei ding hi," hong ci hi.

Ezekiel 8:6

Amah in kei kiangah, "Mihing tapa aw, amaute gamtatnate na mu hiam? - hih lai-a Israel innkuante ka munsiangtho tawh a kigamlat semsem nadingin a kihhuai gamta uh hi lo hiam? Ahi hangin a kihhuaizaw na mu lai ding hi," hong ci hi.

Hosea 8:13

Amaute in kei tungah hong kipia biaknate hong pia-in a sa ne uh a, ahi hangin tuate ah TOPA a lungkim kei hi. Tu-in amah in amau gitlohnate ciamteh dinga, a mawhnate uh dan pia ding hi. Amaute Egypt ah kileh kik ding uh hi.

Amos 8:12

Mite, tuipi khat pan tuipi khat, leilu-lam pan nisuahna lamah hoikawmsa in vak kawikawi-in TOPA kammal kan ding uh a, ahi zongin a mu kei ding uh hi.

Micah 3:4

Tua ciangin amaute TOPA tungah kiko ding uh a, ahi hangin a dawng kei ding hi. Amaute gamtatsia uh ahi manin tua hun ciangin amaute panin a maitang a sel ding hi.

Malachi 1:10

"Biaknatau tungah bangmah a kimang lo mei na vak loh nadingun note khat in biakinn kongkhakte khak zaw un! Note tungah ka lung a kim kei hi," Thahatpen TOPA in ci a, "Na khutte panun biakna kong sang kei ding hi.

Luke 5:16

Ahi hangin gamdaihna munte ah Jesu kihemkhia zelin thu a ngen hi.

John 7:34

Kei nong zong ding uh a, ahi hangin nong mu kei ding uh hi; ka omna ah nong pai thei kei ding uh hi," a ci hi.