Hosea 4:7 - Zokam International Version

⁷ Siampite a punna uh tawh kizui-in kei langah tam a mawhzaw uh hi; amaute c in amau Minthanna pen maimawlna khatpeuh tawh a khek d uh hi.

LAISIENGTHOU CL Bible (BSI)

⁷ A hing pun tam deudeu u’leh, ka tungah akhiel tam deudeu uhi; athupina uh zumnain ka heng ding hi.

Zo Bible

⁷ Amate tam semsem leh, kei tunga a mawna uh a tam semsem hi; amate in a minthanna uh maizumna tawh a khel uhi.

Hosea 4:7 ပူးပေါင်းရင်းမြစ်များ

Ezra 9:7

Ka pute uh khanga kipan tuni dong ka khialhna uh a lian mahmah hi. Ka mawhnate uh hangin kote le ka kumpite uh le ka siampite un namsau thuakin salin kikai-a gamdang kumpite khutlum thuakin tuni dong ka tuaci uh hi.

Hosea 10:1

Israel pen lenggui zaam ahi hi; amah mah in gah a gahkhia hi. A gah a khanna tawh kizui-in biakna-tau a tamzaw a dawh hi; a gam a daupaina tawh kizui-in a suang siangthote a zem hi.

Hosea 10:6

Tua pen Assyria ah kumpi lianpa adingin siah in kipuak ding hi. Ephraim maimawl ding hi; Israel in a sing milimte b a maizumpih ding hi.

Hosea 13:14

"Hankhuk e vangliatna panin amaute tatna sum ka pia ding hi; sihna panin amaute ka tankhia ding hi. Sihna aw, na gimna koi-ah om hiam? Hankhuk f aw, na siatsakna koi-ah om hiam?

Hosea 13:6

Amaute ka vak ciangin gilvah uh hi; amaute a gilvah uh ciangin kiphasak uh hi; tua ciangin kei hong mangngilh uh hi.

Hosea 4:10

"Amaute in a nek uh hangin kham zo lo ding uh a; a kizuak uh hangin a pung tuan kei ding uh hi, bang hang hiam cih leh amaute in TOPA taisanin , amau le amau kizuak uh a,

Hosea 5:1

"No siampite in hih thu za un! No Israel-te in thupi sim un! Kumpi innkuante aw, ngai un! Hih in no tunga thukhenna ahi hi. Mizpah ah thang khat na suak khin uh a, Tabor tungah len kizaak na suak uh hi.

Hosea 6:9

Galgukte in mi khat a buksim bangun siampi honte a tuaci uh hi; amaute in Shechem paina lampi ah that uh a, a zumhuai mawhna a bawl uh hi.

Hosea 9:11

Ephraim minthanna vasa bangin lengmang dinga, - nausuak, naupaii, a gai kuamah a om kei hi.

Habakkuk 2:16

Note, minthanna tangin maizumna tawh na kidim ding uh hi. Tu hun no hun ahi hi! Dawn unla kipholak un! g TOPA khut taklam pana hai no tung hong tung ta hi, na minthanna uh daina a suak ding hi.

Malachi 2:9

"Tua ahi ciangin keima lampi zui loin thukham thu ah mi deidan na hi manin mi khempeuh mai-ah mi simmawh le a mindai-in kong omsak hi," a ci hi.

Thupiakkikna 32:15

Jeshurun d hong thau ta in hong lehpeek ta a, an hau in, gik lihliahin a mam pingpeng hi. Amah a bawlpa Pasian nusia-in, ama Honpa Suangpi a nial hi.

Philippi-te 3:19

Amaute tupna, siatna hi-a, a pasian uh amau gilpi hi-in, a minthanna uh amau maizumna ahi hi. Amaute in leitung nate bek a ngaihsun uh hi.

1 Samuel 2:30

"Tua ahi ciangin TOPA, Israel Pasian, in; ‘Nang innkuanpihte le na pa innkuanpihte in ka mai-ah na na sem den ding uh hi,’ cikhia hi. Ahi hangin tu-in TOPA in, ‘Ahi peuhmah kei ding hi! Kei hong pahtawite ka pahtawi dinga, kei hong simmawhte ka neu-et ding hi.