Hosea 4:10 - Zokam International Version

¹⁰ "Amaute in a nek uh hangin kham zo lo ding uh a; a kizuak uh hangin a pung tuan kei ding uh hi, bang hang hiam cih leh amaute in TOPA taisanin , amau le amau kizuak uh a,

LAISIENGTHOU CL Bible (BSI)

¹⁰ Ane ding ua, atai tuom sih ding uhi; aziehpen amaun Mangpa thumanna atawpsanta uhi.

Zo Bible

¹⁰ Amate in nene napi a taizo sih ding uhi; patatna tawh kidim napi a pung sih ding uhi; bangzieh ahei cile amate in pahtatna nuadelin Topa a taisan uhi.

Hosea 4:10 ပူးပေါင်းရင်းမြစ်များ

Micah 6:14

Na ne ding uh a na kham kei ding uh hi; na gil uh a kial c veve ding hi. Na kholkhol ding uh a, bangmah na suahtak kei ding uh hi, bang hang hiam cih leh na kholte uh namsau ka pia ding hi.

Siampi Laibu 26:26

Anlum hong puakte ka khaktan ciangin numei sawm in thuk khatah anlum em thei ding uh a, teh tektekin a hawm ciipciip ding uh hi. Na ne ding uh a ahi hangin na kham zo kei ding uh hi.

Haggai 1:6

Tampitak na suan uh hangin tawmkha bek na at uh hi. Na nek uh hangin na gil uh a vah kei hi. Na dawn uh hangin na duhna uh a kam zo kei hi. Puan na silh uh a na khua uh a lum kei hi. Sum na thalawh uh a sum-ip tawvang khata koih bang lel thaman na ngah uh hi," hong ci hi.

Zephaniah 1:6

TOPA zuihna panin a kilehheite le TOPA zong lo-a a kan lote khempeuh ka khenkhia ding hi.

Hosea 4:14

"Na tanute uh kizuak a suah uh ciang, na mote uh angkawm a suah uh ciangin, dan ka thuaksak kei ding hi, bang hang hiam cih leh pasalte mahmah numei kizuakte tawh kithuahin biakbukno a numei kizuakte tawh biakna a pia khawm uh hi - theihtelna a nei lo mite a kisiat ding mah ahi hi.

Ezekiel 18:24

"Ahi zongin a thumaan mi khat thumaan nawn loin migilo khat sep ahi a kihhuai mawhna a bawl leh a nungta ding hiam? Ama thumaan-nasate khat beek a kiciaptehsak kei ding hi. A muanhuai lohna hangin a mawh hi-a, a bawlsa mawhna hangin a si ding hi.

Paunakte 13:25

A thumaante in a lungkim zah ne a, migilote ahileh gilkial uh hi.

Phatna-late 125:5

Ahi hangin lampi kawi-a pialte ahileh TOPA in a gamtatsiate tawh a delhkhia khawm ding hi. Israel tungah lemna om ta hen.

Phatna-late 36:3

Ama kampaute gilo-in zuauthu hi a; pil nading le na hoih sep a khawl ta hi.

2 Khangthute 24:17

Jehoiada a sih khit ciangin Judah uliante va pai-in kumpipa tungah tokaina pia uh a, amah in amaute thu a ngai hi.

Jeremiah 34:15

Sawt nai loin note na kisik uh a, ka muhna ah thumaan khat semin: Khat ciat in ama gam mite suahtakna na tangko uh hi. Ka min kilawhna inn sung keima mai-ah thukhun nangawn na bawl uh hi.

Ezekiel 22:9

Na sungah mihing sisan luangsak dingin mihekte, mualtung a biakbukno a nete le ahuuklua alan lua-a gamtate om uh hi.

Hosea 7:4

Amaute angkawm vive hi uh a, annel lom a pawm masiah a empa in a mei mutkuang a kullo meikhuk sunga om tawh kibang uh hi.

Jeremiah 9:12

Hih thu a theitel ding mipil kua om ahi hiam? TOPA in kua lamlaka telgen thei ding ahi hiam? Bang hangin kuama kantan theih loh dingin hih gam kisia-in sehnel-gam bangin gamvalin kikoih ahi hiam?