Hosea 3:5 - Zokam International Version

⁵ Tua khit ciangin Israel-te kihei kik ding uh a, TOPA amaute Pasian le a kumpi uh David a zong ding uh hi. Nitawp ni ciangin amaute TOPA le a thuphate zuanin ling kawmin hong pai ding uh hi.

LAISIENGTHOU CL Bible (BSI)

⁵ Tuazou chiengin Israel tate ahing kinuale kia ding ua, Mangpa a Pasian u’leh, David aleengpa uh asui ding ua, tualeh ni nukhia lamte ah Mangpa leh ahoina zau kawm in ahing zuon ding uhi.

Zo Bible

⁵ Tua zaw ciengin Israel-te kihei-in Topa a Pasien ule a kumpipa uh David a sui ding uhi; hun nukhia ciengin amate in zatahna lienpi tawh Topa le ama’ hoina a zuon ding uhi.

Hosea 3:5 ပူးပေါင်းရင်းမြစ်များ

1 Kumpite 12:16

Kumpipa in amaute thu ngaih ding a nialna a theih uh ciangin Israel khempeuh in kumpipa kiangah: "David ah ko tanh bang nei a, Jesse tapa ah bang kihelna nei ka hi uh hiam? Israel aw, na puanbuk uah ciah uau! David aw, na inn nangmah’n cing ou!" ci-in a dawng uh hi. Tua ciangin Israel-te a inn uah a ciah uh hi.

Isaiah 17:7

Tua ni ciangin mite in amaute a Bawlpa en ding uh a, Israel-te Siangtho Pa lamah a mit uh a hei ding uh hi.

Isaiah 2:2

Ni nunungte ah TOPA’ biakinnpi mual, mualliante laka a lian pen bangin kikipsak dinga; mual neute tungah kisangsakin minamte khempeuh in a zuan zuahzuah ding uh hi.

Isaiah 2:3

Mi tampite pai-in, "Hong pai un, TOPA’ mual tung Jacob Pasian inn ah va paito ni. Amah in a lampite i zuih theih nadingin eite hong hilh ding hi," ci ding uh hi. Zion panin thukham hong paikhia dinga, Jerusalem panin TOPA kammal hong paikhia ding hi.

Isaiah 60:5

Tua ciangin enin na maitaang dinga na lungtang kisai-in lungnuamin a khang ding hi; tuipi tunga hauhnate na tungah hong kipuak dinga, minamte hauhna in nang hong zuan ding hi.

Isaiah 9:13

Ahi hangin amaute a satpa lam nga tuan lo uh a, Thahatpen TOPA a zong tuan kei uh hi.

Jeremiah 23:5

TOPA in: "David a panin pilna tawh ukin gam sungah thumaan thutangin na a sem ding kumpi ahi thumaan Hiang khat ka khankhiatsak hun hong tung ding hi.

Jeremiah 30:24

TOPA in a lungsima a tupna a kim dipdep matengin a hehluatna a kileh kik kei ding hi. Hong tung lai ding hunte ah hih thu na theitel ding uh hi.

Jeremiah 30:9

Tua tangin amaute Pasian TOPA le amaute adingin ka laptoh a kumpipa uh David na a sem ding uh hi.

Jeremiah 33:17

Ahang in, hih in TOPA gen ahi hi: David in Israel innkuante kumpi tokhom tunga tu ding mi a kibansam ngei kei ding hi.

Jeremiah 33:9

Tua ciangin hih khuapi in ama tunga na hoih ka bawlte a za minam khempeuh mai-ah hong minthangsak, hong lungnuamsak hong phatin hong pahtawi dinga; a tunga ka piak vangphatna le lemna hangin lau-in a ling ding uh hi,’ ci hi.

Ezekiel 16:63

Na hihsate khempeuh kong thoihdam khit tua hun ciangin na kiphawk kik dinga nang hangin na mai zumin kiniam khiatin na kam na kek nawn kei ding hi, Thupipen TOPA in cikhia hi,’ ci-in gen in," hong ci hi.

Ezekiel 38:16

Meii in leitung a tuam bangin ka mi Israel-te sim dingin na kuan ding uh hi. Gog aw, hong tung ding nite ah ka sianthona hong kitheih nadingin minamte mitmuhin nang tungtawna ka kilah theih nadingin ka gam sim dingin kong puak ding hi.

Ezekiel 38:8

Ni tampi khit ciangin galhiam hong kitawisak ding hi. Sawtpi hun lai-a gamkhing a suaksa Israel mualliante tunga om minamte pana kikaikhawm gal sunga a suaktate’ gam khat mailam hun ciangin kong simsak ding hi. Amaute pen minamte lak pana kikaikhia hi uh a, tu-in a vekun lungmuangtakin teng uh hi.

Daniel 10:14

Tu-in na mangmuhna mailam hun tawh kisai ahi manin, mailam hun ciangin na mite tungah bang thu piang lai ding hiam cih a hilhcian dinga hong pai ka hi hi," hong ci hi.

Daniel 2:28

ahi hanign thuthukte a laakkhia vantungah Pasian khat a om hi. Amah in Kumpi Nebuchadnezzar tungah mailam huna thu piang ding hong lak khin hi. Na mang le lupna tungah na lup laitaka na lungsim sunga na mangmuhte hihte ahi hi:

Hosea 1:11

Judah mite le Israel mite kigawm kik ding uh a, amaute makai khat kisehin amau gam panin paikhia to ding uh ahi manin tua ni Jezreel ni lianpi ni hi ding hi.

Hosea 11:10

Amaute in TOPA zui ding uh hi; humpinelkai bangin amah a hawk ding hi. Amah a hawk ciangin nitumna-lam panin a tate lingkawmin hong pai ding uh hi.

Hosea 5:15

Tua ciangin amaute in a khialhna uh mawh a kisak matengun ka omna munah ka pai kik ding hi; Tuateh amaute in ka maitang hong zong ding uh hi; a gentheihna uah citakin kei hong zong ding uh hi," a ci hi.

Hosea 5:6

TOPA zong dingin amaute a tuuhonte uh le a bawnghonte uh tawh a kuan uh ciangin amah a mu kei ding uh hi; amaute kiang panin amah nungkik zo hi.

Hosea 6:1

"Hong pai un, TOPA lamah kileh ni. Amah in eite hong balnen hangin eite hong damsak ding hi; eite hong liamsak khit hangin i liammate hong tunsak ding hi.

Amos 9:11

"Tua ni ciangin a puksa David puanbuk angei ka bangsak kik ding hi. A kisiatna mun teng ka puah dinga, a sia teng angei bangin a kizang thei kik dingin ka lam ding hi.

Micah 4:1

Ni nunung ni ciangin mualliante lakah TOPA biakinnpi mual a lianpenin kikoih ding hi; mualneute tungah kilaamto dinga, mite in a zuan ding uh hi.

Misimna 24:14

Tu-in ka mite kiangah ka ciah ding hi, ahi hangin hong pai dih in, mailam hunah hih mite in na mite bang cih ding hiam kong hilhkhol ding hi," ci-in a dawng hi.

Rome-te 11:25

Sanggamte aw, note na kimisak loh nadingun; a lut ding zah a lut kim khit mateng Israel-te khenkhat lungkhauh tadih ding uh hi, cih thuthuk na theih loh ding uh ka deih kei hi.

Rome-te 2:4

Ahikeh Pasian migitna in kisikna lamah nang hong pi lam phawk loin a kicing ama migitna, a thuakzawhna le a lungduainate simmawh na hi hiam?

Thupiakkikna 4:30

Note tungah hih na khempeuh hong tungin na lungdon khit uh a ni nunung ciangin TOPA note Pasian kiangah na kileh kik ding uh a, ama thu na mang ding uh hi.