Hosea 3:4 - Zokam International Version

⁴ Bang hang hiam cih leh Israel-te kumpi lo, gam-ukte lo, biakna pia lo, a siangtho suang lo, siampipuan lo, milim loin ni tampi a nungta ding uh hi.

LAISIENGTHOU CL Bible (BSI)

⁴ Aziehpen Israel tate a dingin leeng ahisihleh vaihawm umnonsihvan, kithoina ahisihleh milim khuomte umnonsihvan, siempu puonah ahisihleh teraphim umnonsihvan, ni tampi tambangin a um ding uhi.

Zo Bible

⁴ Azieh pen hun sawtveipi sung kumpi le ulien, biehpiehna, biehna song, siempu puon le teraphim nei loin Israel-te a om ding uhi.

Hosea 3:4 ပူးပေါင်းရင်းမြစ်များ

Thukhente 17:5

Hih Micah in biakbukno khat nei a, siampi puan khat le milim pawlkhat bawla a tapate khat siampi dingin a sungah a omsak hi.

2 Khangthute 15:2

Amah Asa tawh kimu dingin paikhia a, "Asa le Judah le Benjamin-te khempeuh aw, ka thugen na ngai un. TOPA tawh na om khawm uh ciangin amah in note hong ompih hi. Amah na zon uh leh note in na mu ding uh hi, ahi hangin amah na taihsat uh leh amah in hong taisan ding hi.

Piancilna 31:19

Laban a tuumul met dinga a pai ciangin Rachel in a pa’ innsung pasiante a na gu hi.

Hebrews 10:26

Thutak theihna i ngah nungin thei gegu pi mahin mawhna i bawl lai leh mawhnate biakpiak nading om nawn lo a,

Daniel 12:11

"Nisim biakna kibeisak a, a hawmmangsak kihhuaina a kikoih hun panin ni 1,290 a om lai ding hi.

Daniel 9:27

Amah in mi tampi tawh ‘sagih’ g khat sung thukhun bawl dinga, ahi hangin tua ‘sagih’ h kimtan ciangin biakpiakna le biakna a beisak ding hi. Tua ciangin amah in ama tungah a beina thukip a kisunkhiat mateng biakinnpi meng khat tungah a hawmmangsak kihhuaina a koih ding hi," i hong ci hi. j

1 Samuel 23:9

Saul in amah a sawm lam David in a theih ciangin siampi Abiathar kiangah, "Siampi puan hong paipih in," a ci hi.

Thukhente 8:27

Gideon in tua khamte awmtuam in bawla, ama khuapi Ophrah ah a koih hi. Israel-te khempeuh tua bia-in paktat uh a, Gideon le a innkuanpihte adingin thang khat a suak hi.

Paikhiatna 28:4

Amaute in hih kizepnate: awmtuam khat, siampi puan-ak khat, puantualpi khat, a kigan puantungsilh khat, dialkhip khat le dial kawnggak khat a bawl ding uh hi. Na sanggampa le a tapate in ka siampi na a sep theih nadingun amaute in hih puansilh siangthote a bawlsak ding uh hi.

John 19:15

Ahi hangin amaute in, "Amah lakhiamang in! Amah lakhia mang in! Amah kilhlum in!" ci-in a kiko uh hi. Pilate in, "Na kumpipa uh kilhlum ding ka hi hiam?" ci-in a dong hi. Siampi makaite in, "Caesar longal kumpi dang kuamah ka nei kei uh hi," ci-in a dawng uh hi.

Luke 21:24

Amaute namsau in puk ding uh a, minamte khempeuh thongkiate bangin a kai ding uh hi. Gentile-te hunte a tangtun kim khit matengin Gentile-te in Jerusalem a tuancil ngi-ingei ding uh hi.

Zechariah 13:2

"Tua ni ciangin gamsung panin milimte min khempeuh ka phiatmang dinga tuate a kiphawkkha ngei nawn kei ding hi," Thahatpen TOPA in cikhia hi. "Gam sung panin a nin khate a kamsangte tawh ka paikhia khawm ding hi.

Hosea 13:11

Tua ciangin ka heh suakin kumpi khat kong pia-a, thangpaisa-in amah ka lakhiamang hi.

Hosea 2:11

A pawi bawlnate khempeuh: a kumsim pawibawlnate, a Kha Thakte, a Sabbath nite-a kisehsa pawi bawlnate khempeuh ka khawlsak ding hi.

Daniel 11:31

"Agalkapte in biakinnpi um-in kulh buahsakin nisim biakpiakna a beisak ding uh hi. Tua ciangin amaute in a hawmmangsak kihhuaina a koih ding uh hi.

Ezekiel 21:21

Ahang in, Babylon kumpipa lampi nih kituahna lamka lai-ah khawlin ai san phot dinga: A thaltangte tawh aisanin, a milimte dongin sasin a vel ding hi.

Ezekiel 20:32

"‘Note in, " Leitung mi sing le suang a bia minamte i bang nuam hi," na ci uh hi. Ahi hangin na lungsim ngaihsut bangun a piang ngei kei ding hi.

2 Kumpite 23:24

Tua tham loin Josiah in vankahte sikha kamsangte, innkuan pasiante, milimte, le Judah le Jerusalem sunga kimu a kihhuai dang khempeuh a phiatkhia hi. Siampi Hilkiah in TOPA biakinnpi sunga a muhkhiat laibu a kigelh thukham deihna a tangtun nadingin amah in a hih ahi hi.

2 Samuel 6:14

David in saihadial siampi puan khat silhin, a tha neih zahin TOPA mai-ah lama,

1 Samuel 30:7

Tua ciangin David in Ahimelech’ tapa siampi Abiathar kiangah, "Siampi puan hong paipih in," a ci hi. Abiathar in amah pia-a,

1 Samuel 23:6

(Tu-in Ahimelech’ tapa Abiathar in Keilah a David kiangah a tai lai-in siampi puan a taipih hi.)

1 Samuel 22:18

Tua ciangin kumpipa in Doeg kiangah, "Nang kihei inla siampite satlum in," ci-in thu a pia hi. Tua ahi ciangin Edom-pa Doeg kihei a amaute a satlum hi. Tua ni-in siampi puanpak silh sawmgiat le nga a that hi.

1 Samuel 21:9

Siampipa in, "Elah Kuam sunga na thah Philistia-pa Goliath’ namsau hih lai-ah om mah; puanin kitun a siampi puan nungah om hi. Na deih leh tua la in, tua longal hih lai-ah namsau dang om lo hi," ci-in a dawng kik hi. David in, "Tua sanga hoihzaw om kenteh; hong pia mai sin," a ci hi.

1 Samuel 14:3

tuate lakah siampi puan a silh Ahijah bek a om hi. Amah, Shiloh a TOPA siampi Eli tapa, Phinehas tapa Ahitub sanggampa Ichabod tapa ahi hi. Jonathan a paikhiat lam kuamah in a thei kei hi.

1 Samuel 2:18

Ahi hangin TOPA mai-ah Samuel in na a sem hi - naupangno in siampi puankang a silh hi.

Siampi Laibu 8:7

Amah in puan tungsilh Aaron silhsaka, puan kawnggakin a gak hi; puantualpi silhsa in siampi puan a silh thuahsak hi. Amah in khutsiamtaka kigan kawnggakin a siampi puan zong a gak hi; tua ciangin ama tungah a kikhihkip hi.

Piancilna 49:10

Judah panin ukna sikciang- khut kikhenkhia lo dinga, a khepekte kikal pan ukna ciangkhut zong a neipa b kiang a tun mateng le minamte in ama thu a man mateng amah tawh a kikhenkhia kei ding hi.

Piancilna 31:34

Rachel in a innsung pasiante la-in a kala-oh tutphah kawmah koiha amah a tungah tu hi. Laban in buk sunga na khempeuh lak zonga, ahi hangin bangmah a mu kei hi.

Thukhente 18:14

Tua ciangin Laish thu kana a pai mi ngate in a sanggamte uh kiangah, "Hih innte laka khatah siampi puan khat, innsung pasiante a kiseek milim le a kisung milim a om lam na thei uh hiam? Tu-in na hih ding uh thei un," a ci uh hi.

1 Samuel 15:23

Ai sanna hanga mawhna le lehdona a kibang hi a, milim bia a gamtatsiatna le kiphatsakna a kibang ahi hi. TOPA thu nial khin na hi manin amah in kumpi dingin nang hong nolh khin hi." ci-in a dawng kik hi.

Tamlawhna 2:9

A kongpite lei sungah tumin a kalhnate sutan a, a susia hi. A kumpipa le a kumpi tapate minamte lakah salin kikai a, thukham om nawn loin kamsangte in TOPA tung pan mang a mu nawn kei uh hi.

Hosea 13:10

Nang hong hon thei dingin na kumpipa koi-ah om ahi hiam? Na khuapi khempeuh ua ukpite, "Kumpi khat le thukhente kei hong pia in," na cihte uh koi-ah om ahi hiam?

Zechariah 10:2

Milimte in zuau kam pau-in, khongkhaite in mangmuhna-zuau mu uh hi; amaute in amaan lopi-in mang khia uh a, a mawkna-in a hehnem uh hi. Tua ahi ciangin mite tuu bangin vakzau uh a, a cing nei lo tuu bangin amaute a kinengniam hi.

Paikhiatna 28:6

"Siampi puan-ak, kham, adum, adupsan, a-ausan khau le hoihtaka kikhuk-a kigan puan tawh - khutsiamte bawl hi ding hi.

Ezekiel 19:14

A hiang paipite c khat panin mei kuanga, agah kangtum hi. Gam-ukte ciangkhut dinga hoih a hiang khauh a om nawn kei hi, ci in,’ Hih in tamlawhna khat hi-a, tamlawhna-a kizang ding khat ahi hi," hong ci hi.

Ezekiel 21:31

Note tungah ka thangpaihna sungin ka hehluatna husa-in kong mut ding hi. Siatsakzia a siam, a cikzia lo mite tungah kong pia ding hi.