Hosea 3:1 - Zokam International Version

¹ TOPA in kei kiangah, "Pai inla na zi midang khat tawh ki-it in numei paktat ahi zongin na itna lak kik in. Amaute in pasian dangte lamah kihei-in a siangtho lenggah-mohte a it uh hangin TOPA in Israel-te a it bangin nang zong tuanu it in," hong ci hi.

LAISIENGTHOU CL Bible (BSI)

¹ Tuachi’n Mangpa’n ka kungah, “Pei kia inlen, numei midang toh kingai lai, angkawmnu va it in; Israel taten pasien dangte lam a kihei in, grep ga gaw tanghoute ngaina nan uleh, Mangpa’n a it zing mabangin,” achi hi.

Zo Bible

¹ Topa in keima kungah thu ang genkia a, “Peikia inlen lawm ngaisa le angkawmsa numei khat va ngai in. Israel mite, pasien dangte lamah kihei-in amate in milim biehna-in lengga gaw mohte tawi nan ule Topa in amate a it veve ma bangin tua numei va it in,” ei ci hi.

Hosea 3:1 ပူးပေါင်းရင်းမြစ်များ

2 Samuel 6:19

Tua ciangin Israel mihon buppi numei le pasalte anlum khat, nisuh moh khat le lenggah moh khat ciat a pia kim hi. Tuateh mite khempeuh amau innah a ciah uh hi.

2 Kumpite 13:23

Ahi hangin TOPA in Abraham, Isaac le Jacob-te tawh a thukhun hangin amaute hehpih in khuatuah a, amaute a khualna a lak hi. Tuni dongin ama ompihna pan amaute susia nuam loin a paikhia nuam kei hi.

1 Khangthute 16:3

Tua ciangin Israel-te a numei a pasalin anlum khat, nisuh moh khat le lenggah moh khatciat a pia hi.

Nehemiah 9:31

Ahi hangin a hehpih thei, mi a lainat Pasian na hi manin na lainat luat manin amaute beisak tuan loin na nusia kei hi.

Phatna-late 123:2

Silate in a pu khutvan enin, inntengnu in a pi khutvan a et bangin amah in a lainatna eite hong lah matengin i mit-in eite Pasian, TOPA i mitsuan hi.

Paikhiatna 32:6

A zing ciangin mipite thobaih uh a, meihal biakna pia in, kilawmtakna biaknate d a pia uh hi. Tua ciangin ne-in dawn uh a gualnuam mahmah uh hi.

Zailate’ Zaila 2:5

Zawlgau vei sawlbang vul hi’ng e, lenggah keu tawh ka zaitha zaamsak inla, apple gah thei tawh ka duangtham zenkimsak aw.

Isaiah 45:22

"No leimongte a omte khempeuh aw, keimah longal Pasian dang om lo ahi manin kei lamah kihei-in kihonkhia un.

Jeremiah 3:20

Ahi hangin Israel innkuan aw, a pasal tunga a muanhuai lo numei khat bangin kei tungah na muanhuai kei khin hi?" TOPA in a cikhia hi.

Jeremiah 31:20

Ka it ka tapa Ephraim aw, ka lungkimna ta hi lo na hi hiam? Amah ka langgen zongin ka phawk veve hi. Tua ahi ciangin ama ading ka deihsak lua a; amah ka khuatuahna lian mahmah hi," TOPA in cikhia hi.

Hosea 11:8

"Ephraim aw, bang ci-in hong tawpsan thei ding ka hi hiam? Israel aw, bang ci-in mi tungah hong pia thei ding ka hi hiam? Bang ci-in Admah bangin hong bawl thei ding ka hi hiam? Bang ci-in Zeboiim bangin hong bawl thei ding ka hi hiam? Ka sungah ka lungsim kikhel hi; ka khuatuahna teng khang hi.

Hosea 2:5

Amaute’ nu muanhuai lo a, amaute maimawlsa-in a paii ahi hi. Amah in, ‘Ka an le ka tui ka samul puan le ka saihadial puan, ka sathau ding le ka dawn ding hong pia ka lawmpate nungah ka pai ding hi,’ ci hi.

Hosea 4:11

ka mite theihtelna a lakhiamang kizuakna zului le zuthak ah a kipiakhia uh hi.

Hosea 7:5

I Kumpipa pawi bawl ni-in, kumpipa tapate in zu uang kham mahmah uh a, mi selnohte tawh a kilen uh hi.

Amos 2:8

Biakna-tau gei tengah lum uh a, sum leitawi tanga kikoih puan a kepte uh a delhphah uh hi. Amau pasian inn sungah mi kigaam liausum tanga a mat uh zute a dawn uh hi.

Amos 6:6

Hai lianpipi dimin zu na dawn uh a, nilhthau hoihpente in na kizut uh hi. Tua hi napi Joseph-te siatna hangin na dah kei uh hi.

Micah 7:7

Ahi zongin ke’n ka hileh lametna tawh TOPA ka en gige a, ka honpa Pasian ka ngak hi; ka Pasian in ka thu hong ngai ding hi.

Zechariah 1:16

"Tua ahi ciangin TOPA thugen hih ahi hi, ‘Lainatna tawh Jerusalem ah ka pai kik dinga, tua lai-ah ka inn kilam kik ding hi. Tua ciangin Jerusalem tungah tehna khau a kizankhia ding hi,’ Thahatpen TOPA in cikhia hi.

Matthew 26:50

Jesu in, "Lawm aw, hih dinga nong paina hih in," a ci-in a dawng hi. Tua ciangin mihonte in Jesu nehphei uh a, lencipin a man uh hi.

1 Corinth-te 10:21

Topa hai dawnin dawite hai zong na dawn khawm thei kei ding uh hi. Topa sabuai le dawite sabuai ah a nihin na umkhawm thei kei ding uh hi.

1 Corinth-te 10:7

"Tua mite a ne a dawn dingin tusuk uh a, lawkite noptatna haihuai sunga bual dingin a dingto uh hi." b ci-a kigelhsa amaute pawlkhat bangin milim biate suak kei ni.

1 Peter 4:3

Ahi hangin, lawkite in hih dinga a teel uh hukna lanna ah note nungta-in, kilunggulhna, zukhamna, zu-uangdawnna, zu-nopdawnna le a kihhuai milim biaknate hihin hun beisa, a hunkhop na zang khin uh hi.

Thukhente 10:16

Tua ciangin amaute laka a pasiante uh paikhia-in TOPA’ na a sem uh hi. Tuateh amah in Israel’ gimthuakna a thuakzo nawn kei hi.

Thukhente 9:27

Amaute lo ah kuanin lenggah lo uh a, cilin amaute pasian biakinn ah pawi a bawl uh hi. A nek a dawn kawmun Abimelech a hamsiat uh hi.