Hosea 2:7 - Zokam International Version

⁷ Amah in a lawmpate a nungdelh hangin a pha zo kei ding hi; amaute a zon hangin a mu zo kei ding hi. Tua ciangin tuanu in, ‘a cil lai-a bangin ka pasal kiangah ka ciah kik ding hi, tua hun lai-in tu hun sangin ka nuamsa zaw tham hi,’ ci hi.

LAISIENGTHOU CL Bible (BSI)

⁷ Ama itte anuadel dinga, hinanleh adelpha sih ding hi; Ahi amauh asui dinga, hinanleh amu sih ding hi. Tuachi’n ama’n ka pasal masa kungah ka nua peikia ding hi, aziehpen tua khu Kei a dingin tu a sangin ahoizaw hi, achi ding hi.

Zo Bible

⁷ Ama in a lawm ngaite nuadel ding a, hinanle amate a pha sih ding hi. Ama in amate sui ding a, hinanle mu lo ding hi. Tua ciengin ama in, “Ka pei ding a, ka pasal masa pen kungah ka kinuale kia ding hi. Azieh pen tu sangin ama tawh ka opton lai nuom zaw tham lai hi,” a ci hi.

Hosea 2:7 ပူးပေါင်းရင်းမြစ်များ

2 Khangthute 28:23

Amah in, "Aram kumpipa’ pasiante in amaute huh ahi nungsang amaute in kei hong huh nadingin amaute tungah biakna ka pia ding hi," ci-in ngaihsun ahi manin amah a zo Damascus pasiante tungah biakna a pia hi. Ahi hangin amaute ama pukna le Israel khempeuh pukna a suak uh hi.

Phatna-late 116:7

Ka hinna aw, TOPA nang tungah hoih khin ahi manin khatvei tawldam kik in.

Isaiah 30:16

Note in, ‘Hi lo hi, sakolin ka tai ding uh hi,’ na ci uh hi. Tua ahi ciangin manlangin na tai takpi ding uh hi! Note in, ‘Sakol hat tungah ka tuang ding uh hi,’ na ci uh hi. Tua ahi ciangin note hong delhpa zong a hat semsem ding hi!

Jeremiah 14:22

Kimanna a nei lo minamte’ milimte in guah zusak thei ahi hiam? Vante in amau thu-in khuapi guah zusak thei ahi hiam? A zusak kei hi, nangma zuksak ahi hi; TOPA kote Pasian aw. Tua ahi ciangin hihte khempeuh nangma hihsa ahi manin nangma sungah lametna ka nei uh hi.

Jeremiah 2:2

"Pai inla Jerusalem-te zakin va tangko in: "Na khangno lai-a nong kipiakna, mothak banga kei nong itna, sehnel-gam kantan le gamtaak sunga nong zuihnate ka phawk hi.

Jeremiah 2:28

Nomau bawlsa na pasiante uh tu-in koi-ah om ahi hiam? Na lungkham uh ciangin hong hot theih leh kihonsak un! Ahang in, Judah aw, khuapi na neih zahzah uh pasian na nei uh hi.

Jeremiah 2:36

Bang hangin na lampite khelin tua zahta tung mawk na hi hiam? Assyria na maizumpih bangin Egypt na maizumpih ding hi.

Jeremiah 3:1

"Mi khat in a zi ma-in tuanu in zong amah nusia henla pasal dang khat tawh kiteng leh amah tuanu kiangah kileh kik ding ahi hiam? Tua gam teng a ninsak suak khin hi lo ahi hiam? Ahi hangin nang, lawmpa dang tampi tawh a kiteng khin numei paktat na bang hi - hong kileh kik peuhmah ding na hi hiam? TOPA in cikhia hi.

Jeremiah 31:18

"Ephraim thumna ka za khin a: ‘Nang in bawngno sinloh bangin kei nong seka, kei ka kisekta hi. Nang, ka TOPA ka Pasian na hi manin a ngei hong bangsak in, kong ciah kik ding hi.

Jeremiah 31:32

Tua ciangin a pu a pate a khutuah lenin Egypt panin ka paikhiatpih lai-a amaute tawh ka bawl thukhun bang ahi kei ding hi; bang hang hiam cih leh amaute c pasal d ka hih hangin ka thukhun a palsat uh hi," TOPA in cikhia hi.

Jeremiah 44:17

Hih dinga ka gensa uh ka hih taktak ding uh a: Judah khuapite le Jerusalem kongzingte ah ko le ka pate uh, ka kumpite uh le ka uliante un a hih bang tektekun Vantung Kumpinu tungah gimnamtu halin dawntheih-a biakna ka sungkhia ding uh hi. Tua hun lai-in an lah tampi ka nei uh a lamzangin supna baina lah ka thuak kei uh hi.

Ezekiel 16:18

Hoihtaka kiphan a kizem na puante la-in tuate na silhsak a, tuate mai-ah ka sathau le ka gimnamtui in na bia hi.

Ezekiel 16:8

"Tua nungin na kiangah kong pai-a nang kong et ciangin it theih tham cingta na hilam kong mu hi; ka puan mongkhat kong zawna na selsim teng kong khuhsak hi. A lipkhaphuai-in nang tungah hong kiciam in, nang tawh thu i ciamkhawm a, nang kei aa na suak hi, Thupipen TOPA in cikhia hi.

Ezekiel 20:32

"‘Note in, " Leitung mi sing le suang a bia minamte i bang nuam hi," na ci uh hi. Ahi hangin na lungsim ngaihsut bangun a piang ngei kei ding hi.

Ezekiel 23:12

Amah in zong Assyria mite - ukpite galkap mangte, kimtakin a kizem sakol tunga tuang galhangte, khangno mel hoih khempeuh a lunggulh hi.

Ezekiel 23:22

"Tua ahi ciangin Oholibah aw, hih in Thupipen TOPA gen ahi hi: Na lawmpate kih-a na nungngatsante tokbuai in nang langkhatah ka pangsak dinga mun khempeuh panin nang kong langpansak ding hi.

Ezekiel 23:4

A uzaw min Oholah hi-a a sanggamnu Oholibah ahi hi. Amaute kei aa hi-a tanu tapa a nei khin uh hi. Oholah pen Samaria hi-a, Oholibah pen Jerusalem ahi hi.

Daniel 4:17

"‘A nungta peuhmah in mihing kumpi-gamte tungah Sang Penpa a thupipen ahilam thei-in ama ut peuhpeuh tuate pia a mi niampente nangawn a ut leh amaute a uksak thei ahilam a theih nadingun kamtaipa in hih thukhensatna genkhia-a, a siangthote in hih thupiakna a pulaakkhia hi,’ ci hi.

Daniel 4:25

Mihingte lak panin nang hong kihawlkhia-in gamsate tawh na tengkhawm ding hi; ganhonte bangin lopa na ne dinga, vantung daitui-in na kawtgawp ding hi. Mihingte kumpi-gamte tungah Sang Penpa a thupipen hi-a, a piak nop khatpeuh a piak theih ahi hi, ci-a na theihtel mateng hun sagih sung na tuaci om ding hi.

Daniel 4:32

Mite lak panin nang hong kihawlkhiamang dinga gamsate tawh na tengkhawm ding hi. Bawnghonte bangin lopa na ne ding hi. Mihingte kumpi-gam tungah Sang Penpa a thupipen hi-a, a piak nop khatpeuh a piak theih ahi hi, ci-in na theihtel mateng, hun sagih sung na tuaci om ding hi," a ci hi.

Daniel 5:21

Mite lak panin kihawlkhiamang a, ganhing lungsim kineisak hi; gamsung sakolte tawh tengkhawma, bawnghonte bangin lopa a ne hi; tua ciangin vana daituite in a pumpi kawtsak a, mihing kumpi-gam ah Sang Pen Pasian a lianpen hi-a, a deih khatpeuh kumpi a suaksak hi, ci-in a telsiang theih matengin tua bangin a om hi.

Hosea 1:2

TOPA in Hosea tungtawna thugen a kipat ciangin TOPA in ama kiangah "TOPA kiang panin kihemkhia-in hih gamah kizuakna nasia lua ahi manin nang mahmah pai inla a angkawm zi le a muanhuai lo tate la in." a ci hi.

Hosea 13:6

Amaute ka vak ciangin gilvah uh hi; amaute a gilvah uh ciangin kiphasak uh hi; tua ciangin kei hong mangngilh uh hi.

Hosea 14:1

Israel aw, TOPA na Pasian lamah kihei in. Nang mawhnate in na pukna ahi hi.

Hosea 2:16

Tua ni ciangin keimah, ‘ka pasal nong ci dinga, ‘ka topa c nong ci nawn kei ding hi,’ TOPA in cikhia hi.

Hosea 5:13

"Ephraim in a cinatna mu a, Judah in a meimate a muh ciangin Assyria lamah Ephraim kihei a, a lian kumpipa kiangah huh ding a vai khak hi. Ahi hangin amah in nang hong damsak thei lo a, na meimate a damsak thei kei hi.

Hosea 5:15

Tua ciangin amaute in a khialhna uh mawh a kisak matengun ka omna munah ka pai kik ding hi; Tuateh amaute in ka maitang hong zong ding uh hi; a gentheihna uah citakin kei hong zong ding uh hi," a ci hi.