Hosea 2:3 - Zokam International Version

³ Tua hi kei leh a guaktangin ka hawkkhia dinga a suah ni-a bangin a guaktangin ka omsak ding hi; sehnel-gam bangin ka bawl dinga gam simtham suaksakin dangtakin ka sisak ding hi.

LAISIENGTHOU CL Bible (BSI)

³ Tua ahisihleh apuonsilte ka hawhkhe dinga, guohtang in ka umsah dinga, gamdai bangin ka bawl dinga, gamgaw bangin ka koi ding a, dangta in ka thatlia kha ding hi.

Zo Bible

³ Tua ahi sihle a puonte hawhin a guohtangin ka omsah ding a, a suo ni-a bangin mi musietin ka koi ding hi. Senel gam gawta bangin ka bawl ding a, a dangta-in ka sisah ding hi.

Hosea 2:3 ပူးပေါင်းရင်းမြစ်များ

Paikhiatna 17:3

Ahi hangin tua lai-ah mipite dangtak uh a, Moses a phunsan uh hi. Amaute in, "Bang hanga dangtaka si dingin kote, ka tate uh le ka ganhingte uh Egypt pan hong paikhiatpih na hi hiam?" a ci uh hi.

Isaiah 33:9

Leitang thumin c a tulgawp hi, Lebanon maizumin a vul hi; Sharon, Arabah tawh kibang a, Bashan le Carmel a teh uh pulh hi.

Isaiah 47:3

Guaktang na hina kipholak dinga, na maizumna kidawk ding hi. Keimah in phu ka la dinga; khat beek ka hawi kei ding hi," a ci hi.

Isaiah 64:10

Na khuapi siangthote sehnel-gam suak ta a; Zion nangawn sehnel-gam suakin Jerusalem gamkhing a suak hi.

Jeremiah 12:10

Tuucing tampi in ka lenggui lo susia ding uh a, ka lo a tuancilgawp ding uh hi; a nuam mahmah ka lo a kikhul lotul a suaksak ding uh hi.

Jeremiah 13:22

"Bang hangin hici-in kei tungah hong tung hiam?" ci-in na kingaihsut leh - na mawhna tampite hangin na niksing hong kibalkeksaka, na pumpi hong kibawlsia ahi hi.

Jeremiah 13:26

Na zahmawh a kimuh nadingin na niksing na maitang khuh dongin kong lemtohsak ding a —

Jeremiah 14:3

Uliante in a nasemte uh tui tawi dingin a sawl uh hi; amaute in tuikhuk a zuat uh hangin tui a mu kei uh hi. Amaute tui dim loin a ciah uh hi; lungkhamin cimawh uh a, a lu uh a khuh uh hi.

Jeremiah 17:6

Amah gamtulsa a sawlbawk bang dinga; daupai hun a nei kei ding hi. Kuama tenlohna, ci-gam, gamgawtak sehnel-gam ah a teng ding hi.

Jeremiah 2:31

"Tu khanghun a note aw, TOPA thu ngaihsun dih un: "Israel tungah sehnel-gam suak ngei a, khuamial mahmah gam suak ngei ka hi hiam? Bang hangin ka mite in, ‘Ka ututun ka vak thei uh hi. Nang kiangah hong pai nawn kei nung,’ ci uh ahi hiam?

Jeremiah 2:6

Amaute in, ‘Egypt panin eite hong paikhiatpih sehnel-gam le dum lak, lei keuna le khuamialna a mun, kuama pai ngeilohna-a hong makaih TOPA koi-ah om ahi hiam?’ ci-in a dong beek kei uh hi.

Jeremiah 22:6

Ahang in, Judah kumpipa inn tawh kisai TOPA thugen hih ahi hi: "Nangmah in kei tungah, Gilead na banga, Lebanon mualdawn na bang zongin keimah in sehnel-gam hong bangsakin kuama tenlohna khuapite tawh kong kibangsak ding hi.

Jeremiah 4:26

Ka en a, logam hoihte kolhmang khin hi; TOPA mai, a hehluatna mai-ah a khuapi khempeuh kisia khin hi.

Jeremiah 51:43

A khuapite kinusiacip dinga, gamkeu a kitaisan gam suakin, kuama ten lohna gam suak dinga a kantanin kuamah khual a zin kei ding hi.

Jeremiah 51:5

Ahang in, Israel-te Siangtho Pa mai-ah, Israel gam le Judah gam khialhna tawh a kidim hangin amaute Pasian Thahatpen TOPA in amaute gam d a taisan tuan kei hi.

Ezekiel 16:22

Na kihhuai gamtatna le na kizuaknasate hangin bangmah silh lo na guaktangin na sisan laka na kipekpek lai hun, na khangno lai nite na phawk nawn kei hi.

Ezekiel 19:13

Tu-in lei keuna, tui omlohna mun sehnel gamah kisuan hi.

Hosea 13:15

"Ama sanggamte lakah a khanpha pen zawzen zongin ka khuatuah kei ding hi. TOPA kiang panin nisuahna huih khat hong pai-in, sehnel-gam panin mut ding hi; a tuinak kangin a tuikhuk keucip ding hi. Ama vankholna inn kiluhin a goute khempeuh kisutmang ding hi.

Hosea 2:10

Tua ahi ciangin tu-in ama lawmpate muhna ah tuanu huukna ka pholaak ding hi; kuamah in ka khut panin a lakhia kei ding hi.

Kilaakna 17:16

Tua na muh gamsa le ki sawmte in tua numei kizuaknu a mudah ding uh hi. Amaute in tuanu a siatsak khit uh ciangin, a guaktangin nusia ding uh a, a sa ne in mei-in a hal ding uh hi.

Thukhente 15:18

A dangtak mahmah a TOPA tungah kiko in, "Na nasempa gualzawhna lianpi nong piakhin hi. Tu-in dangtakin si tangial a, vun-at lohte khutah puk ding ka hi hiam?" a ci hi.