Hosea 2:20 - Zokam International Version

²⁰ Muanhuaina tawh nang kong khaam dinga TOPA na thei ding hi.

LAISIENGTHOU CL Bible (BSI)

²⁰ Ginumna toh keima dingin, ka hing khaam ding a, tualeh Mangpa na thei ding hi.

Zo Bible

²⁰ Keima in citahna tawh ka zi dingin kang la ding hi; tuale nang in Topa na thei ding hi.

Hosea 2:20 ပူးပေါင်းရင်းမြစ်များ

1 John 5:20

Amah a thumaanpa a hina i theih nadingin Pasian Tapa hong pai zo cihleh theihtelna hong pia hi cih zong i thei hi. Eite tua ama Tapa Jesu Christ thu maanna sungah i om hi. Amah a thumaan Pasian le nuntak tawntungna ahi hi.

John 17:3

Tu-in hih in nuntak tawntungna ahi: nang bek a maan Pasian na hina le na sawlpa Jesu Christ a theihna uh ahi hi.

1 John 4:6

Eite Pasian pan i hi-a, Pasian a thei peuhmah in i thu a ngai uh hi. Ahi hangin Pasian pan ahi lo peuhmah in i thu a ngai kei uh hi. Thutak Kha a le zuauna kha i khentel theihna hih bang ahi hi.

Jeremiah 24:7

Keimah TOPA ka hilam hong theih nadingun lungsim ka guan ding hi. A lungsim khempeuh uh tawh kei kiangah hong kileh kik ding uh ahi manin amaute keima mi hi ding uh a, keimah amaute Pasian ka hi ding hi.

Colosse-te 1:10

Hih banga ka thunget uh Topa adingin note a mannei-in nungta a, lam khempeuh ah amah lungkimsakin, na hoih khempeuh ah gah na gah ding uh , Pasian theihna lamah na khan nading uh,

Hosea 2:19

Keimah in ka zi ahi den dingin kong khaam dinga; thumaan thutangin d itna le khuatuahna tawh e kong khaam ding hi.

Philippi-te 3:8

Tua tham loin ka Topa Christ Jesu theihna a thupi luatna tawh tehin na khempeuh supna-in ka sima, ama hangin na khempeuh ka taan zo hi. Tuate khempeuh ninneng bangin ka ngaihsun hi, Christ ka ngah nading le

John 8:55

Note in amah na theih loh uh hangin ken amah ka thei hi. Amah ka thei kei hi, ci leng note mah bangin zuauphuak ka hi ding hi. Ahi hangin amah ka thei-a a thu ka zui hi.

Matthew 11:27

"Ka Pa in na khempeuh kei hong ap zo hi. Pa longal kuamah in Tapa a thei kei hi. Tapa le Tapa in amah a lah theih nadinga a teel mite longal in Pa a thei kei uh hi.

Ezekiel 38:23

Tua bangin ka liatna le ka sianthona ka lak dinga minam tampite muhin kei le kei ka kitheisak ding hi. Tua ciangin amaute in keimah TOPA ka hilam a thei ding uh hi," ci hi.

Jeremiah 9:24

ahi hangin a kisatheite in: keimah in leitungah migitna, thutang le thumaanna zangin hihte ah nuam a sapa TOPA keimah ka hilam hong telna le hong theihna kisaktheihpih hen," TOPA in cikhia hi.

2 Timothy 1:12

Tua thu hangin hih banga a thuak ka hi hi. Tua hi napi ka maizum kei hi; bang hang hiam cih leh ken ka up pa ka thei a, amah ka kepsakte tua ni adingin kem zo ding cih teltakin ka thei hi.

2 Corinth-te 4:6

Ahang in, "Khuamial lak panin khuavak tang hen," b a cipa Pasian in Christ maitang a om Pasian minthanna, tua theihna khuavak hong piak nadingin kote lungsim sungah khuavak hong tangsak hi.

Luke 10:22

"Ka Pa in na khempeuh kei hong ap zo hi. Tapa kua hiam, cih Pa longal kumah in thei lo-a, Pa kua hiam, cih Tapa le Tapa in a theihsak dinga a teelte longal kuamah in a thei kei uh hi," a ci hi.

Hosea 13:4

"Ahi hangin Egypt panin hong paikhiatpih dTOPA note Pasian ka hi hi. Note in keimah longal Pasian dang na nei kei ding uh a, kei mah longal Honpa dang na nei kei ding uh hi.

Hosea 6:6

Ahang in keimah in biakpiakna deih loin lainatna ka deih hi; meihal biaknate sangin Pasian theihna ka deihzaw hi.

Hebrews 8:11

Kuamah in a vengte ahikeh ama sanggampa tungah hilhin, ‘Topa thei in,’ cih a kul nawn kei ding hi; bang hang hiam cih leh amaute khempeuh in a neu pen pan a lian pen dongin kei hong thei ta ding uh hi.

Isaiah 62:4

Amaute in nang, Nusiatsa hong ci nawn loin, na min Gamkhing a ci nawn kei ding uh hi. Ahi hangin, nang tungah TOPA lungkim a, na leitang inlah pasal nei ta ding ahi manin nang Hephzibah b hong kici in, na leitang Beulah c kici ding hi.

Jeremiah 32:41

Amaute tunga na hoih bawl, nuam ka sa dinga ka lungsim khempeuh le ka hinna khempeuh tawh amaute hih gamah ka phut taktak ding hi.

Ezekiel 16:8

"Tua nungin na kiangah kong pai-a nang kong et ciangin it theih tham cingta na hilam kong mu hi; ka puan mongkhat kong zawna na selsim teng kong khuhsak hi. A lipkhaphuai-in nang tungah hong kiciam in, nang tawh thu i ciamkhawm a, nang kei aa na suak hi, Thupipen TOPA in cikhia hi.

Piancilna 9:10

le note tawh a omkhawm a nungta ganhing khempeuh - vasate, innsate le gamsate khempeuh gunkuangpi sung pana note tawh a paikhia - leitunga nuntakna a nei peuhmah, tawh ka thukhun ka bawl hi.

Siampi Laibu 26:5

Na buh cil hun uh lenggah lawh hun tawh kizomsuakin, lenggah lawh hun pen lo pawi hun tawh kizomsuak dinga, an na duh peuhpeuh ne-in na gam sunguah lungnuamtakin na ne ding uh hi.

Siampi Laibu 26:6

Gamsung kong kilemsak dinga kuamah in hong lauthawngsak loin na lum hithiat ding uh hi. Keimah in gamsung panin gamsa gilote ka nawhkhia dinga, na gamsung uh namsau in a nawkkha kei ding hi.

Isaiah 2:4

Amah in minam khat le khat kikal ah thu khen dinga, mi tampi kitotna a vengsak ding hi. Amaute in a namsaute uh tu in sek ding uh a, a teipite uh tem mukkawi-in a sek ding uh hi. Minam khat in minam khat tungah namsau liik nawn loin galsim dingin zong a kisin nawn kei ding uh hi.

Jeremiah 30:10

"‘Tua ahi ciangin ka nasempa Jacob aw, lau kei in; Israel aw, lungsi kei in’ TOPA in cikhia hi. ‘A gamla panin nang kong honkhia dinga nangma suante a saltanna panun ka honkhia taktak ding hi. Jacob lungnuamin lungmuang kik dinga, kuamah in a lauthawngsak kei ding hi.

Ezekiel 16:62

Tua ciangin nang tawh thu ka khung dinga keimah TOPA ka hilam na thei ding hi.

Ezekiel 34:25

"Amaute gamsimtham ah tenga, lungmuangtakin tulakah a lup theih nadingun amaute tawh kilemna thukhun ka bawl ding hi.

Ezekiel 34:27

Lo sunga singkungte gah ding uh a, leitang in an tampi piangsakin mite amau leitang ciatah nuamtakin a teng ding uh hi. A hakkol zawlte uh kuaihtansak a, sila a, khawite khut pan ka hutkhiat ciangin amaute in keimah TOPA ka hilam hong thei ding uh hi.

Micah 4:3

Mi tampite kikal thu khensak dinga, gamlapi-a minam thahatte kitotna a vengsak ding hi. Amaute in a namsaute uh lei kalhna tu in sek ding uh a, a teipite uh heuhna temin a sek ding uh hi. Minam khat le minam khat namsau kiliiksan nawn lo ding uh a, galsim dingin zong a kisin nawn kei ding uh hi.

Zechariah 9:10

Ephraim panin a sakollengte uh leh, Jerusalem panin a galsimna sakolte uh ka lakkhiatsak dinga, a galsimna thalpeute uh ka kuaitan ding hi. Amah in minamte tungah kilemna a tangko ding hi. Ama ukna tuipi khat pan tuipi khat, Gunpi c panin leimong d dong a zai ding hi.