Hosea 13:9 - Zokam International Version

⁹ "Israel aw, nang hong huhpa keima langah pang na hi manin nang hong kisusia hi.

LAISIENGTHOU CL Bible (BSI)

⁹ Aw Israel suhsiet na hita, hinanleh nangma panpina khu Keima a kipan ahi.

Zo Bible

⁹ Israel aw, nang kang susie ding hi; koi in nang ang panpi ta diei?

Hosea 13:9 ပူးပေါင်းရင်းမြစ်များ

2 Khangthute 28:23

Amah in, "Aram kumpipa’ pasiante in amaute huh ahi nungsang amaute in kei hong huh nadingin amaute tungah biakna ka pia ding hi," ci-in ngaihsun ahi manin amah a zo Damascus pasiante tungah biakna a pia hi. Ahi hangin amaute ama pukna le Israel khempeuh pukna a suak uh hi.

Phatna-late 146:5

Ama huhpa-a Jacob Pasian a nei mi, a lametna ama Pasian, TOPA ah a nga mi thupha ngah ahi hi.

Phatna-late 33:20

TOPA lamenin i ngak hi; amah eite huhpa le i lum ahi hi.

Phatna-late 46:1

Pasian in eite belh le i thahatna hi-a, lungkhamhunin hong huhpah lianlian hi.

Paunakte 6:32

Ahi hangin angkawmpa in thukhentelna a thei lo hi-a, tua banga gamta mi amah le amah kisusia ahi hi.

Paunakte 8:36

Kei hong zong lo mi ahileh amah le amah kinasak hi-a, kei hong mudah khempeuh sihna it ahi hi.

Isaiah 3:11

Migilote in gimna nak thuak si un cia! Amaute tungah siatna tung tah! Amau khuta a sepna uh tawh kizui-in kithuk kik ding hi.

Isaiah 3:9

Amau maisuah in amaute langah teci panga; Sodom bangin amau mawhna a lakkhia hi; a im kei uh hi. Amaute in gimna nak thuak na un cia! Amau le amau a kisiattut uh ahi hi.

Jeremiah 2:17

Na Pasian uh TOPA in lampi ah hong makaih lai-in amah na taisan manun hihte no tungah hong tung hi lo ahi hiam?

Jeremiah 2:19

Na gitlohna un note dan hong tuaksak dinga; na nungtolhna un hong tai ding hi. Tua ahi ciangin na Pasian uh TOPA hong taisanin nong kihtak loh uh ciangin gitlohna hi-a, kha velval ahilam ngaihsun unla tel un," Thahatpen TOPA in cikhia hi.

Jeremiah 4:18

"Na gamtatna le na sepnate nang tungah hong tu ahi hi. Hih in na tuah ding dan ahi hi. Bang a ci khaat tazen tam! Na lungtang bang hong ci vutlet tam!" a ci hi.

Jeremiah 5:25

Na sepsa uh khialhnate in hihte khaktan a; na mawhnate un a hoihte khaktan hi.

Hosea 13:4

"Ahi hangin Egypt panin hong paikhiatpih dTOPA note Pasian ka hi hi. Note in keimah longal Pasian dang na nei kei ding uh a, kei mah longal Honpa dang na nei kei ding uh hi.

Hosea 14:1

Israel aw, TOPA na Pasian lamah kihei in. Nang mawhnate in na pukna ahi hi.

Hosea 7:14

Amaute a lungsimun kei tungah hong kiko lo uh a, amau lupna tungah a tau uh hi. Amaute an le zuthak adingin a kikaihkhop a uh hangin kei kiang pan a kiheikhia uh hi.

Hosea 7:15

Amaute kisinsakin ka thakhauhsak a, ahi hangin kei langkhat ah a hoih lo sep a sawm uh hi.

Malachi 1:12

"Ahi hangin note in, ‘Topa sabuai nin lel, a ante simmawhhuai,’ cihna tawh Topa sabuai na buahsak uh hi.

Malachi 1:13

Tua ciangin, ‘Cimhuai lel,’ na ci uh a, simmawhin na mukpiksan uh hi," Thahatpen TOPA in a ci hi. "Ganhing liamsa, a khebai ahikeh a cina hong paipihin biakna-a na piak uh ciangin note khut panin tuate hong sang ding ka hi hiam?" TOPA in ci hi.

Malachi 1:9

"Tu-in Pasian in note hong hehpih theih nadingin thum un. Tuaci-a note khut pan a na biaknate uh tawh note hong sang na diam?" Thahatpen TOPA in ci hi.

Thupiakkikna 33:26

"Nang hong huh dingin vante tunga tuang le thupina tawh meii tunga tuang Jeshulun’ Pasian tawh a kibang khat beek a om kei hi.

Thupiakkikna 33:29

Israel aw, nang thupha hong kipia hi! TOPA in nang banga a hotkhiat kua om ahi hiam? Amah nang hong huhpa le na lum hi a, a minthang na namsau ahi hi. Na mai panun na galte uh maizum dinga, amau munsangte na tuancil ding uh hi," a a ci hi.