Hosea 13:7 - Zokam International Version

⁷ Tua ahi ciangin amaute tungah humpinelkai bang le gialbem bangin ka pai dinga, lam gei-ah ka pang ding hi.

LAISIENGTHOU CL Bible (BSI)

⁷ Tuachi’n ama ua dingin humpibahnei bang ka hi ding a, kamkei bangin lampi gei lah ah amaute ka buh ding hi.

Zo Bible

⁷ Tuaci’n amate adingin humpi ka bang ding a, kamkei bangin lampi gei-ah amate ka buhdap ding hi.

Hosea 13:7 ပူးပေါင်းရင်းမြစ်များ

Job 10:16

Ka lu phongkaang pan leng humpinelkai bangin nong gem khiankhian a, a kihtak huai na vangliatna nong tungsak hi.

Isaiah 42:13

Mi thahatpa bangin TOPA kuankhia a, galhangpa bangin deihluatna sosak dinga; galphawnna aw khatvei kiko in a galte a zo khin ding hi.

Jeremiah 25:38

A nengniampa namsau a le TOPA hehluatna hangin humpi in a kua a nusiat bangin amah in nusia dinga, a gam uh gam simtham a suak ding hi.

Jeremiah 5:6

Amaute hong lehdona lian lua-a, tam vei nungtolh mun lua ta uh ahi manin tulaka humpinelkai khat in amaute luh dinga, sehnel-gama keivom khat in susiagawpin a paikhia peuhpeuh a balzan dingin amau khuapi kiangah gialbem khat bokin a ngak ding hi.

Tamlawhna 3:10

Vompi bangin boksa in na ngak a, humpinelkai bangin hong buk hi.

Hosea 5:14

Ahang in, Ephraim adingin humpinelkai lianpi khat ka bang ding a, Judah adingin humpinelkai lianpi khat ka bang ding hi. Amaute balnenin ka paikhiamang ding hi; kuama hut lohin amaute ka puakhiamang ding hi;

Amos 1:2

Amah in: "Zion panin TOPA hawk a, Jerusalem panin kekte a kia hi; tuucingte lonona mun teng keucip b a, Carmel dawn teng keugaw ta hi," a ci hi.

Amos 3:4

A mat ding sa a muh loh ciangin sephih laka humpinelkai mawk hawk ahi hiam? Bangmah a mat loh ciangin a kua sungah mawk humham ahi hiam?

Amos 3:8

Humpinelkai hawk khin hi - kua in kihta lo ahi hiam? Thupipen TOPA in gen khin hi - kamsangte lo kua in gen ding hiam?

Kilaakna 13:2

Ka muh gamsa pen kamkei tawh kisun-a, ahi hangin a khepekte vompi aa tawh kibangin, a kam, humpinelkai kam a bang hi. Gulpi-sikhiam in ama vang liatna, a kumpi tokhom le a lian a thuneihna tua gamsa a pia hi.