Hosea 11:9 - Zokam International Version

⁹ Ka hehluatna ka tungsak nawn kei dinga, Ephraim zong ka sumaimang kik nawn kei ding hi. Keimah mihing hi loin Pasian ka hi a - note laka om Siangtho Pa ka hi hi. Thangpaisa c in kong pai kei ding hi.

LAISIENGTHOU CL Bible (BSI)

⁹ Ka lungthahna zauhuoi ka suohkhe sah sih ding a, Ephraim ka suse nawn sih ding hi. Aziehpen Kei Pasian ka hia, Mihing ka hisih hi. Na lah ua um a Siengthoupa ka hi a, zauhuoina toh ka hing pei sih ding hi.

Zo Bible

⁹ A zauhuoi ka lungthahna ka tungsah sih ding hi; Ephraim ka susiekia nawn sih ding hi; azieh pen keima Pasien ka hi a, note lahah a om mihing ka hi sih hi. Siengtho Pa ka hi ziehin a thangpaisa-in kang pei sih ding hi.

Hosea 11:9 ပူးပေါင်းရင်းမြစ်များ

2 Samuel 20:10

Joab in temtazum a tawi lam Amasa in awlmawh kha lo-a, Joab in a gilpi ah dawtin a gilzang leilakah a luangkhia hi. Dawt beh kul loin Amasa a si hi. Tua ciangin Joab le a sanggampa Abishai in Bicri’ tapa Sheba a delh uh hi.

Phatna-late 46:5

Ama sungah Pasian om a, a puk kei ding hi; Pasian in phalvak tungin amah a huh ding hi.

Phatna-late 78:38

Hinapi aman lainat veve a; amau tatkhialhnate maisakin a siasak kei hi. Hun khat khit hun khat a hehna ki-ip a, a thangpaihna a kimin a suahkhia kei hi.

Phatna-late 85:4

Kote Honpa Pasian aw, kote a ngei hong bangsak kik inla ko tunga na lungkimlohnate beisak in.

Isaiah 12:6

Note lakah Israel-te Siangtho Pa lian ahi manin, Zion mite aw, ngaihtakin awng unla lungdamna la sa un," na ci ding uh hi.

Isaiah 31:1

Egypt huh nading deiha a paisukte, sakolte tungah kinga-in sakolleng tampite le a sakol-tuangte uh thahatna muanga Israel-te siangtho Pa en lo ahikeh TOPA tung pana huhna a zong lote tungah gimna tung ta hen.

Isaiah 41:14

Tangtel lel Jacob aw, aneu Israel aw, keimahmah in hong huh ding ka hi manin kihta kei in," note Tanpa, Israel-te Siangtho Pa, TOPA in a cikhia hi.

Isaiah 41:16

Na haih ding uh a, amaute huihin lenin huihpi in a mutmang ding hi. Ahi hangin TOPA sungah note na lungnuam ding uh a, Israel-te Siangtho Pa sungah na minthang ding uh hi.

Isaiah 48:9

Ka min ka khualna-in ka thangpaihna diah in; kei hong kipahtawina ka khualna-in note kong thahmang loh nadingin note panin ka ki-ip hi.

Isaiah 5:24

Tua ahi ciangin meikuang in buhtu a liahtum bangin, meikuang lai-ah lopa keu khulsuk bangin amaute zungte muat dinga, a pakte uh leivui bangin a leengmang ding hi; ahang in, amaute in Thahatpen TOPA thukham nial uh a, Israel Siangtho Pa kammal a simmawh uh hi.

Jeremiah 26:3

Amaute in na thugen ngai-in gitlohna panin kihei thei kha ding uh hi. Tua ciangin amau gitlohnasate hanga amau tunga tunsak dinga ka geelsa siatna ka tungsak nawn kei ding hi.

Jeremiah 30:11

Nang kong ompih hi, kong hon ding hi,’ TOPA in cikhia hi. Amaute lakah kong thehthangna minamte ka suksiatmang hangin nang kong susiamang kei ding hi. Thutang bekbek tawh nang kong sek dinga; dan pia loin lah kong mawk koih kei ding hi.

Hosea 12:1

Ephraim huihin kivak hi; sun nilohin nisuahna huih nungdelh a, zuauthu le ngongtatna behlap hi. Amah le Assyria in thukimna bawl uh a, Egypt ah olive thau a khak hi.

Hosea 14:4

"Amaute tungah heh nawn lo ka hi manin amaute lampialna ka damsak dinga, man ngen loin ka it ding hi.

Malachi 3:6

"TOPA keimah ka kikhel kei hi. Tua ahi ciangin no Jacob suante na kisia nai kei uh hi.

Misimna 23:19

Pasian pen zuau gen dingin mihing hi lo a, a lungsim kheng themthum dingin mihing tapa zong ahi kei hi. A cihsa hih lo ding ahi hiam? A khapsa tangtun lo ding ahi hiam?

Thupiakkikna 13:17

TOPA hehluatna a dam kik nadingin tua a kikoihdak nate b note khut sungah khat beek a kimu kei ding hi; tua hileh amah in na pute uh tungah kiciamin a khap bangin note hong lainatin hong khuatuah dinga, hong pungsak ding hi,

1 Samuel 26:8

Abishai in David kiangah, "Tuni-in Pasian in na galpa na khut sungah hong pia zo hi. Tu-in ka teipi tawh khatvei sutin lei tawh hong suncipsak in; nihvei sut kul kei," a ci hi.