Hosea 11:6 - Zokam International Version

⁶ Amau khuapite sungah namsau kilek dinga, amau kongpi kalhnate kisusia in a geelnate uh kibeisak ding hi.

LAISIENGTHOU CL Bible (BSI)

⁶ A khopite uah namsau aleeng dinga, akulpi kot kalnate uh asuse ding a, akatum ding hi, amaute mama lemguotna zieh in.

Zo Bible

⁶ A khuopite sung vuah namsau kileh ding a, tua in thuphuon nga siempute vatmai-in, a gelnate ma un amate valtum ding hi.

Hosea 11:6 ပူးပေါင်းရင်းမြစ်များ

Hosea 13:16

Samaria mite in Pasian langah lehdo uh ahi manin amau khialhna thuak ding uh hi. Amaute namsau in puk ding uh hi; a ta ngekte uh leilak kidenna-in, a numei gaite uh kikuikham ding hi" ci hi.

Hosea 10:14

Shalman in gal do ni-in Beth Arbel vatmai a, nupite le a tate uh tawh leilak a denna hun lai-a bangin na kulh muanhuai khempeuh a kiphiat mai nadingin na mite langkhat ah gal husa a hawk ding hi.

Hosea 10:6

Tua pen Assyria ah kumpi lianpa adingin siah in kipuak ding hi. Ephraim maimawl ding hi; Israel in a sing milimte b a maizumpih ding hi.

Malachi 4:1

"A ni hong tung takpi ta hi; pummei-a kang hong bang ding hi. A kiphasakte le migilote khempeuh ninpa keu tawh kibang ding uh a, hong tung ding tua ni-in amaute meikhuk ah a khul ding hi," Thahatpen TOPA in ci hi. "A bul a hiangin amaute a kinusiat kei ding hi.

Micah 5:11

Na gam khuapite uh ka susia dinga, na mun muanhuaite uh ka balkham ding hi.

Ezekiel 20:47

Leitaw-lam tulak tungah, ‘TOPA kammal za in. Hih in Thupipen TOPA gen ahi hi: Nang mei-in kong hal dinga na singkungte khempeuh asi ahingin a kangtum ding hi. Meikuang kiphelh zo lo dinga, leilu pan leitaw dong maitang peuhmah tua mei hangin hulkhin ding hi.

Jeremiah 5:17

Amaute in na an laksate uh le na ante uh hong gaihsak ding uh a, na tanu na tapate uh hong gaihsakin, na tuuhon na ganhonte uh hong gaihsak ding uh a, na lenggahte uh le na theigahte uh hong gaihsak khin ding uh hi. Na muan uh kulh-a ki-um khuapi, namsau-in a susia ding uh hi.

Isaiah 30:1

"Thumang lo tate in gimna ngah ta hen," TOPA in cikhia a, "amaute kei ngimna lo ngimna a neite, kei’ Kha tawh kop lo a kipawlna a phuante, mawhna tungah mawhna a suangsawnte;

Isaiah 27:10

A muanhuai khuapi a hawmin om a, a teng mi tampi in sehnel-gam bangin a taisan uh hi; tua lai-ah bawngnote gamta in tua lai mah ah giak uh a, a hiangte a hawkmai uh hi.

Isaiah 18:5

Ahang in, anlak hun ma a pakteng a pulh khit ciangin a pak teng lenggah min a suah ciangin singheuhna tem in a meng teng heuhkhia dinga, phukin a hiang zaam teng a lakhiamang ding hi.

Isaiah 9:14

Tua ahi ciangin TOPA in ni khat sungin Israel pan a lu le a mei - nisuh hiang le pumpengte a bantan khawm ding hi;

Phatna-late 106:43

Amah in amaute tamveipi hukhia hi, ahi zongin amaute in lehdo teitei uh a, amau mawhna hangin kiamkiam uh hi.

Phatna-late 106:39

Amau sepsa-in amau mah kininsak uh a, amau sepsate mahin a kizuak a suak uh hi.

Thupiakkikna 32:25

Namsau in kongzing lakah amaute ta nei loin omsak dinga, a inn uh launa in a uk ding hi. Nungakte le tangvalte naungekte le samkangte a simang ding uh hi.

Thupiakkikna 28:52

Na muan uh kulh muanhuai sangpipite a puk matengin na gamsung khempeuh ua khuapite khempeuh hong umcih ding uh hi. TOPA note Pasian in hong piak ding gama khuapi om khempeuh amaute in hong umcih ding uh hi.

Siampi Laibu 26:33

Minamte lakah note kong thehthang dinga, ka namsau dokin note kong delh ding hi. Na gam uh kimawk nusiat dinga na khuapi uh a kisia dikdek ding hi.

Siampi Laibu 26:31

Na khuapite uh ka susiamang dinga, na munsiangthote uh a mawkna suaksakin, na biaknate uah lungkimna ka nei kei ding hi.

Jeremiah 50:35

"Babylon mite langkhat, Babylon a tengte langkhat, le ama uliante le a mipilte’ langkhatah namsau khat a pang hi!" TOPA in cikhia hi.

Tamlawhna 2:9

A kongpite lei sungah tumin a kalhnate sutan a, a susia hi. A kumpipa le a kumpi tapate minamte lakah salin kikai a, thukham om nawn loin kamsangte in TOPA tung pan mang a mu nawn kei uh hi.

Hosea 4:16

Israel-te lungkhauh uh a, bawngla lungkhauh bang uh hi. Tua ahileh TOPA in bang ci-in lonona-a tuunote bangin lono-in vak thei ding hiam?

Hosea 4:17

Ephraim pen milimte tawh kipaikan hi; ama omin omsak lel in!

Amos 6:8

Thupipen TOPA amahmah kiciam khin a - TOPA Thahatpen Pasian in genkhia hi: "Jacob kiphatsakna ka kih a, a kulh muanhuaite uh ka hua hi; khuapi le a sunga om na teng ka hukhia ding hi,"

Siampi Laibu 26:25

Thukhunte na palsatna uh pulakna-in note tungah namsau kong tungsak ding hi. Note khuapi sungah na nung kik uh ciangin note lakah pulpi kong tungsak dinga, na galte uh khut sungah hong kipia ding hi.