Hosea 11:10 - Zokam International Version

¹⁰ Amaute in TOPA zui ding uh hi; humpinelkai bangin amah a hawk ding hi. Amah a hawk ciangin nitumna-lam panin a tate lingkawmin hong pai ding uh hi.

LAISIENGTHOU CL Bible (BSI)

¹⁰ Amaun Mangpa nua azui ding ua, tualeh Ama ahawh chiengin, humpibahnei bangin ahawh dinga, tuachi’n atate tumlam a kipat in, chitun kawm in ahing pei ding uhi.

Zo Bible

¹⁰ Amate in humpi banga a hawh Topa a zui ding uhi; ama a hawh ciengin nitumna panin citun kawmin a tate ang pei ding uhi.

Hosea 11:10 ပူးပေါင်းရင်းမြစ်များ

Job 37:1

"Hih thu ah ka lungtang kisai-a ka diip vana khai bang hi.

Phatna-late 119:120

Nang hong kihta-in ka sa ling a; na thukhamte ka kihta hi.

Phatna-late 2:11

Lau kawmin TOPA na sem unla, ling kawmin nuam un.

Isaiah 11:11

Tua ni ciangin Topa in Assyria pan, Egypt khanglam pan, Egypt d saklam pan, Cush e pan, Elam pan, Babylonia f pan Hamath pan, le tuipi tuikulhte panin a baanglaite a kinusia ama mite a ngah kik nadingin a nihveina a khut a zankhia ding hi.

Isaiah 2:5

Jacob innkuante aw hong pai un, TOPA khuavak sung ah kalsuan ni.

Isaiah 31:4

TOPA in kei tungah hong gen hih ahi hi: "Humpinelkai humham in, humpinelkai lianpi a sa nek tungah bok a - amah nawhkhia dingin tuucing buppi a kikaihkhop uh hangin amau otna in lausak loin, amau husa in a nawngkaisak zawh loh bangin, Zion Vumte le a sannate ah galdo dingin Thahatpen TOPA hong kuansuk ding hi.

Isaiah 42:13

Mi thahatpa bangin TOPA kuankhia a, galhangpa bangin deihluatna sosak dinga; galphawnna aw khatvei kiko in a galte a zo khin ding hi.

Isaiah 49:10

Amaute gilkial lo dangtak loin sehnel-gam nisa in a kang kha kei ding hi. Amaute a khuatuahpa in makaih dinga, ciktuite gei-ah a pi ding hi.

Isaiah 64:2

Mei in selkang kuangsak a tui a so bangin, hong paisukin na galte tungah na min kitheisak inla na mai-ah minamte lingsak in.

Isaiah 66:2

Hih nate khempeuh ka khut in a bawlsa hi a, tua ciangin tuate na-a hong om hi lo ahi hiam?" TOPA in ci hi. "Ka thupi ngaihsut hih mipa ahi hi: kiniamkhiatin a lungsimin kisika ka thu hanga a lingpa ahi hi.

Isaiah 66:5

No ama thu hanga lingte aw, TOPA kammal za un: "Na sanggamte un keima min hangin hong mudahin hong hawlkhia uh a, ‘Na lungnopna uh i muh theih nadingin TOPA kiminthangsak hen!’ ci uh hi. A tua cih uh hangin amaute a kimaizumsak ding hi.

Jeremiah 2:2

"Pai inla Jerusalem-te zakin va tangko in: "Na khangno lai-a nong kipiakna, mothak banga kei nong itna, sehnel-gam kantan le gamtaak sunga nong zuihnate ka phawk hi.

Jeremiah 25:30

"Tu-in amaute tungah hih thugen kholhna khempeuh gen in: "‘A sangna mun panin TOPA hawkin; a tenna mun siangtho panin kektang khiat dinga nakpitakin a gam a hawksan ding hi. Amah lenggah cilte bangin awng dinga, leitunga teng khempeuh a otsan ding hi.

Jeremiah 31:9

Amaute kap kawmin hong pai ding uh a; amaute ka puak kik kawmin thu a ngen ding uh hi. Tui omna lui gei-ah amaute ka pi dinga lam sialsa totpihin amaute a tuk kei ding uh hi; bang hang hiam cih leh Israel-te’ pa ka hi a, Ephraim ka tapa upapen ahi hi.

Jeremiah 33:9

Tua ciangin hih khuapi in ama tunga na hoih ka bawlte a za minam khempeuh mai-ah hong minthangsak, hong lungnuamsak hong phatin hong pahtawi dinga; a tunga ka piak vangphatna le lemna hangin lau-in a ling ding uh hi,’ ci hi.

Jeremiah 5:22

Kei hong kihta lo ding na hi uh hiam? TOPA in cikhia hi, "Ka mai-ah ling lo ding na hi uh hiam? Tuipi gamgi dingin sehnel ka bawl a, a kantan theih loh dingin, dai-a kimang den ding ahi hi. Tuihualte a kilok hangin phukhia zo lo uh a; a hawk uh hangin a kantan thei kei uh hi.

Jeremiah 50:4

"Tua ni tua hun ciangin Israel mite le Judah mite in khitui tawh TOPA amaute Pasian a zong khawm ding uh hi," TOPA in cikhia hi.

Jeremiah 7:6

pemtate, pa nei lote le meigongte nuainet loin hih munah mawhpengte sisan na luansak kei uh a, note siat nadingin pasian dangte nung na zuih kei uh leh,

Jeremiah 7:9

"Note guta in, tual thatin, angkawmin, a ahi lopi-in kiciamin, Baal tungah meihal biakna pia-in, na theih loh uh pasiante nung zui-in,

Ezekiel 26:16

Tua ciangin tuipi gei-a gam-ukte khempeuh a kumpi tokhom panun tuakkhia ding uh a, a puantualpite uh koihkhia in a kizepna thupite uh a suahkhia ding uh hi. Patauhna bek silhin lei lakah tu ding uh a, a paisuk a paitohna-uah nang hong gimneihin lingling ding uh hi.

Hosea 3:5

Tua khit ciangin Israel-te kihei kik ding uh a, TOPA amaute Pasian le a kumpi uh David a zong ding uh hi. Nitawp ni ciangin amaute TOPA le a thuphate zuanin ling kawmin hong pai ding uh hi.

Joel 3:16

Zion panin TOPA hawk dinga, Jerusalem panin kek kia ding hi; lei le van kiling ding hi. Ahi hangin TOPA a mite bukna suak dinga, Israel mite mun muanhuai ahi ding hi.

Amos 1:2

Amah in: "Zion panin TOPA hawk a, Jerusalem panin kekte a kia hi; tuucingte lonona mun teng keucip b a, Carmel dawn teng keugaw ta hi," a ci hi.

Amos 3:4

A mat ding sa a muh loh ciangin sephih laka humpinelkai mawk hawk ahi hiam? Bangmah a mat loh ciangin a kua sungah mawk humham ahi hiam?

Amos 3:8

Humpinelkai hawk khin hi - kua in kihta lo ahi hiam? Thupipen TOPA in gen khin hi - kamsangte lo kua in gen ding hiam?

Micah 4:5

Minam khempeuh amau pasian min tekin a kalsuan ciat ding uh hi; ei i hileh a tawntungin TOPA eite Pasian minin i kalsuan den ding hi.

Habakkuk 3:16

Ke’n ka za a, ka lungtang kisai damdamin ka muk linga, ka guh ka tang hong zenin, a muatkhia ding banga, ka khete a ling daldal hi. Tua hi taleh ko hong simgawp minamte tungah kisiat ding ni lungduaitakin ka ngak ding hi.

Zechariah 10:10

Egypt panin amaute ka paikhiatpih dinga, Assyria panin amaute ka kaikhawm ding hi. A om nading uh om lo zah dongin Gilead le Lebanon ah ka tunpih ding hi.

Zechariah 10:12

TOPA sungah amaute ka thakhauhsak dinga, ama minin a kalsuan ding uh hi," TOPA in cikhia hi.

Zechariah 8:7

Thahatpen TOPA gen hih ahi hi: "Nitumna le nisuahna gamte panin ka mite ka honkhia ding hi.

John 8:12

Jesu in mihonpi tungah thu a gen khit ciangin, "Keimah leitung khuavak ka hi hi. Kei hong zui peuhpeuh khuamial lakah pai loin nuntakna khuavak a nei ding hi," a ci hi.

Nasepte 24:25

Paul in, thumaanna, ei le ei pumpi ki-ukna le hong tung ding thukhenna thute a gen ciangin Felix lau a, "Pha zo! Ciah ta in. Hun hoih ka sak ciangin kong sam kik ding hi," a ci hi.

Rome-te 8:1

Tua ahi manin Christ Jesu sunga omte adingin b tu-in mawhpaihna a om kei hi.

2 Peter 2:10

A diakdiakin a mawhdim pianngei d lunggulhna in a siatsakna a zuite le thuneihna a sim mawhte tungah amaan phadiak hi. Hih mite mawk hansanin ki-uangsak uh a, van mite nangawn gensia ngam uh hi.

Kilaakna 10:3

Humpi nelkai hawk bangin ngaihtakin a kiko hi. Amah a kiko ciangin kek kia ging sagihte in thu a gen uh hi.