Hosea 10:11 - Zokam International Version

¹¹ Ephraim in a kisinsa an cil nuamsa bawngla ahi hi; tua hi-a, a ngawng hoih ah hakkol ka suan ding hi. Ephraim ka hawl dinga Judah in pelloin kho dinga, Jacob in leitang a kalkaang pelmawh ding hi.

LAISIENGTHOU CL Bible (BSI)

¹¹ Ephraim pen bawngla chiilsiemsa ahi a, bu chil nuomtah ahi; Hinanleh keiman angawng kilawm tah ah, Ngawngkol ka posah ding a, lou ka kaisah ding. Juda in lei akal dinga Jakob in leitangte asunen ding hi.

Zo Bible

¹¹ Ephraim pen hoitaha a kisin ancil ding a thanuom bawnglaa ahi a, keima in a zol sipsep a ngawng ah kol ka na bul sih hi; Hinanle Ephraim pen lei ka kalsah ding hi. Judah in lo a kaih lo phamaw ding a, Jacob in ama adingin lo a hlo ding hi.

Hosea 10:11 ပူးပေါင်းရင်းမြစ်များ

Isaiah 28:24

Lokhopa in ankungno suan nading lo a khawh ciangin kho zom denden ahi hiam? A leikhalte velkhamin lei hoihte zelh niloh ahi hiam?

Jeremiah 28:14

Hih in Israel Pasian Thahatpen TOPA gen ahi hi: Babylon kumpipa Nebuchadnezzar na sem ding in hih minamte ngawng ah sik hakkol khat ka vawh dinga, amaute in a na a sem ding uh hi. Ganhing gilote nangawn ka uk zosak ding hi, ci hi,’ va ci in," a ci hi.

Jeremiah 46:20

"Egypt in a melhoih bawngla ahi hi; ahi hangin leilu-lam panin ama langah cippi khat hong leng hi.

Jeremiah 50:11

"Keima gouluah ding lawkgawpin lungnuamin kipakin, lonona khamin lungnuama kimawl bawngla le sakol tal ham hithit-te na bat uh hangin,

Hosea 11:4

Mihing migitna khauzente in amaute ka makaih a, itna in ka khih hi; a ngawng panun hakkolte ka sankhia a, amaute vak dingin ka kunsuk hi.

Hosea 2:5

Amaute’ nu muanhuai lo a, amaute maimawlsa-in a paii ahi hi. Amah in, ‘Ka an le ka tui ka samul puan le ka saihadial puan, ka sathau ding le ka dawn ding hong pia ka lawmpate nungah ka pai ding hi,’ ci hi.

Hosea 3:1

TOPA in kei kiangah, "Pai inla na zi midang khat tawh ki-it in numei paktat ahi zongin na itna lak kik in. Amaute in pasian dangte lamah kihei-in a siangtho lenggah-mohte a it uh hangin TOPA in Israel-te a it bangin nang zong tuanu it in," hong ci hi.

Hosea 4:16

Israel-te lungkhauh uh a, bawngla lungkhauh bang uh hi. Tua ahileh TOPA in bang ci-in lonona-a tuunote bangin lono-in vak thei ding hiam?

Hosea 9:1

Israel aw, lungnuam kei in; minam dangte bangin kipak kei in. Ahang in, na Pasian tungah na muanhuai kei hi; ancilna phual citengah kizuakna thaman na iplah hi.

Micah 4:13

Zion Tanu aw, tho inla cil in, ahang in, sik ki nang kong pia ding hi; sumngo khepek kong pia dinga, minam tampite na sikkham zan ding hi," cikhia hi. Amaute in a thulam lo-a a ngah khempeuh uh TOPA apin, leitung khempeuh’ Topa tungah a hauhna uh a ap ding uh hi.

Rome-te 16:18

Ahang in, tua bang mite i Topa Christ nasem hi loin amau ankam lim nading bek a sem ahi uh hi. Amaute in kamzolna le mi maitang phatna tawh mi melmawlte lungsim a khem uh hi.

Thupiakkikna 25:4

Bawngtal in an a cil laitakin a muk tuamsak kei un.