Hosea 1:2 - Zokam International Version

² TOPA in Hosea tungtawna thugen a kipat ciangin TOPA in ama kiangah "TOPA kiang panin kihemkhia-in hih gamah kizuakna nasia lua ahi manin nang mahmah pai inla a angkawm zi le a muanhuai lo tate la in." a ci hi.

LAISIENGTHOU CL Bible (BSI)

² Mangpa’n Hosea kam manga thu agen pat laiin, Mangpa’n Hosea kungah, “Gam in Mangpa taisan a, kizuana thupitah abawltaah ziehin, Pei inlen kizua mite tate lah a, kizua mi khat zi in va neiin,” achi hi.

Zo Bible

² Topa in Hosea tungtawnin thu a gen masah lai-in, Topa in Hosea kungah, “Pei-in numei pahtat khat na zi-in la inlen, tua nu tawh ta nei in, azieh pen gamsung mite in Topa taisanin pahtatna lienpi bawl uhi,” a ci hi.

Hosea 1:2 ပူးပေါင်းရင်းမြစ်များ

2 Khangthute 21:13

Ahi hangin Israel kumpite lampi na zui-a, Ahab innkuante hih bang tektekin Judah-te le Jerusalem a mite amau le amau na kizuaksak hi. Nang in nang sanga hoihzaw na pa innkuan sung mi nangma sanggam pasalte zong na that hi.

Phatna-late 106:39

Amau sepsa-in amau mah kininsak uh a, amau sepsate mahin a kizuak a suak uh hi.

Phatna-late 73:27

Nang tawh a kigamlate kisia ding uh hi; nang tunga a muanhuai lote khempeuh na susia hi.

Jeremiah 2:13

"Ka mite in mawhna nih a bawl khin uh hi; amaute in a nungta tuinak keimah hong taisanin tui a vung thei lo a kitamsa tuikhuk a to uh hi.

Jeremiah 2:20

"Sawtpek lai-in na hakkol na kuaitan a, hong kihenna khaute bottatin, ‘Nang na ka sem kei ding hi,’" na ci hi. Hi takpi hi, mualsang tung teng le singlian nuai tengah numei kizuakte bangin na lum kawikawi uh hi.

Jeremiah 2:23

"Bangci in, ‘Ka kihhuai kei hi; Baal nung ka delh kei hi,’ ci thei na hi hiam? Kuam sunga na gamtatnate en in; na sepsa ngaihsun pha in. Nang, a kawi taitai kala-oh nu na banga,

Jeremiah 3:9

Israel adingin a bawl mawhna neucik tawh a kibat hangin, amah in leitang ninsaka, singtawng le suangtum tawh a angkawm hi.

Ezekiel 6:9

Tua ciangin minamte laka salin a kikaihna peuhah tua a suaktate in, kei kiang pan kiheikhia-in a angkawmna lungsim uh hang le amaute milimte hanga uanglua-a a khialhnate uh hangin ka lungkhamsak ahilam a phawk ding uh hi. A gitlohna uh le a kihhuai gamtatnate uh hangin amau le amau a kihua ding uh hi.

Hosea 2:7

Amah in a lawmpate a nungdelh hangin a pha zo kei ding hi; amaute a zon hangin a mu zo kei ding hi. Tua ciangin tuanu in, ‘a cil lai-a bangin ka pasal kiangah ka ciah kik ding hi, tua hun lai-in tu hun sangin ka nuamsa zaw tham hi,’ ci hi.

Hosea 3:1

TOPA in kei kiangah, "Pai inla na zi midang khat tawh ki-it in numei paktat ahi zongin na itna lak kik in. Amaute in pasian dangte lamah kihei-in a siangtho lenggah-mohte a it uh hangin TOPA in Israel-te a it bangin nang zong tuanu it in," hong ci hi.

Hosea 5:3

Ephraim thu khempeuh ka thei hi; kei kiang panin Israel a kisel kei hi. Ephraim, nang tu-in na kizuak khin hi; Israel kisia gawp hi.

Mark 1:1

Pasian Tapa a Jesu Christ tawh kisai lungdamna-thu a kipatna.

Thupiakkikna 31:16

Tuateh TOPA in Moses kiangah, "Na pate tawh na tawlnga ta dinga, hih mipite a lut nading uh gama gamdang pasiante tungah a kizuak pah ding uh hi. Amaute in kei hong taisanin amaute tawh ka bawl thukhun a palsat ding uh hi.

2 Peter 2:14

Angkawm nopna mit bekbek tawh kidim uh a, mawhna a bawl den uh hi; a kip lo mite mawhna bawl dingin a zol uh hi; huaihamna lamah siam mahmah uh a, hamsiatna suante hi tazen uh hi!

Kilaakna 17:5

A taltang ah: THUTHUK ALIAN BABYLON NUMEI KIZUAKTE LE LEITUNG KIHHUAINATE’ NU ci-in a min kigelh hi.