Hosea 1:10 - Zokam International Version

¹⁰ "Tua hi napi Israel-te a kiteh thei lo, a kisim thei lo tuipi gei-a sehnel a bang ding uh hi. Amaute tungah, ‘Note ka mi na hi kei uh hi,’ a kicihna munah a maute, ‘A nungta Pasian tate kici ding hi,’ ci hi.

LAISIENGTHOU CL Bible (BSI)

¹⁰ Hinanleh Israel tate tamdan pen koima te senglou leh koima simsenglou, tuipi pieu a senel bang ahi ding ua, “Noute, ka mite hisih uteh” kichina mun ah, “Noute, Pasian hing tate nahi uh,” akung uah chi ahita ding uhi.

Zo Bible

¹⁰ Hinanle Israel mite pen tezawh lo, simzawh lo za dongin tuipi senel bangin a tam ding vua, “Ka mite hi lo,” ka cisa amate, “A hingzing Pasien’ tate,” kici ta ding hi.

Hosea 1:10 ပူးပေါင်းရင်းမြစ်များ

Piancilna 13:16

Na suante leivui ka bangsak dinga, mi khatpeuh in leivui a sim theih leh na suan-le-khakte zong kisim thei ding hi.

Piancilna 22:17

Nang thupha kong pia pelmawh dinga, na suan-le-khakte van-a aksi zah le tuipi gei-a sehnel zah ka phasak ding hi. Ka thu hong mang na hi manin na suan-le-khakte in a galte uh khuapite tang ding uh a,

Piancilna 32:12

Nang kong lamzangsak pelmawh dinga, na suan-le-khakte a kisim thei lo zah in tuipi sehnel ka bangsak ding hi,’ nong ci khin hi," ci hi.

2 Samuel 7:24

A tawntunga na aituam dingin na mi Israel-te na kipsak khin a, amaute Pasian na suak khin hi, TOPA aw.

Isaiah 43:6

Leilu-lam kiangah, ‘Amaute piakhia un,’ ci in, leitaw-lam kiangah, ‘Amaute lehkaih kei un,’ ka ci ding hi. Gamlapi panin ka tapate, leimongte panin ka tanute -

Isaiah 48:19

Na suan na khakte sehnel bang dinga na tate sim zawh loh sehnel tang zah a pha ding hi; keima mai-ah amaute min kiphiat loin zong a kisusia kei ding hi," a ci hi.

Isaiah 63:16

Ahi hangin nang kote Pa na hi a, Abraham in kote hong thei loin, Israel in kote hong phawk khak loh hangin TOPA aw, nang kote Pa, tang lai-a kipan na min kote Tanpa na hi hi.

Isaiah 64:8

Tua hi napi TOPA aw, nang kote Pa na hi lai veve hi. Nang beelseekpa hi-in kote tungman ka hi uh a; na khuta nong bawlsa ka hi uh hi.

Isaiah 65:1

"Kei hong kan lote tungah kei le kei ka kilaak a; kei hong zong lote in hong mu uh hi. Ka min hong sam lo minam khat tungah, ‘Hiah ka om hi, hiah ka om hi,’ ka ci hi.

Isaiah 66:20

Tuateh amaute in minamte khempeuh tung panin TOPA tunga biakna-in Jerusalem a ka mual siangtho ah sakol tung, sakolleng tung, leng tung, laa-sakol tung le kala-oh tungah na sanggamte khempeuh uh hong puak ding uh hi," TOPA in a ci hi. "Israel-te in TOPA biakinnpi ah thukham ngeina-in a siangtho beelte in an-a biakna a puak bangun amaute in hong puak ding uh hi.

Jeremiah 33:22

Keimah in ka nasempa David suante le ka mai-a biakna nasem Levi-te mite, a kisim zo lo vana aksi zah le a kiteh zo lo tuipi gei-a sehnel zah ka phasak ding hi,’ ci hi," a ci hi.

Daniel 6:26

"Thukip khat kong piak inah: Ka kumpi-gam mun tuamtuama mite khempeuh in Daniel Pasian kihta in a zahtak pelmawh ding uh hi. "Ahang in, amah a nungta Pasian hi a, a om tawntung ahi hi; a kumpi-gam kisusia ngeilo dinga, ama ukna a bei ngei kei ding hi.

Hosea 1:9

Tua ciangin TOPA in,"Note ka mite na hi kei uh a, keimah note Pasian hi lo ka hi manin ama min Lo-Ammi c phuak in."

Hosea 2:23

Kei ma adingin amaute leitungah ka suan ding hi; ‘Ka itpa hi kei,’ g ka cihpa ka itna ka lak ding hi. ‘Ka mi hi kei,’ h ka cihte, ‘ka mi na hi uh hi,’ ka ci dinga, amaute in, ‘Nang ka Pasian na hi hi,’ hong ci ding uh hi,’ " a ci hi.

John 1:12

Ahi zongin amah a sangte khempeuh, ama min a umte khempeuh tungah Pasian tate suah nading thuneihna a pia hi.

Rome-te 8:19

A kipiangsak na khempeuh in Pasian tapate a kilaak nading lawptakin lamenin a ngak uh hi.

2 Corinth-te 6:18

"Keimah note Pa ka hi dinga, note ka tanu ka tapate na hi ding uh hi. Thahatpen Topa in ci hi." f a cihsa ahi hi.

Hebrews 11:12

Tua hi-a hih a si tawh a kibang mi khat panin vantunga om aksite zaha tam le tuipi sehtak-a sehnel kisim zo lote zah, suan le khakte zong a piang hi.