Hebrews 4:3 - Zokam International Version

³ Pasian in, "Tua ciangin ka heh a, ‘Amaute ka khawlna ah a lut ngei kei ding uh hi,’ ci-in kiciamin ka genkhia hi," d a cih bang tektek in, tu-in a umsa eite tua khawlna ah i lut hi. Tua hi-a leitung a kipiansak khit nungsang a nasep a zawhsa ahi hi.

LAISIENGTHOU CL Bible (BSI)

³ Ei agingtasate pen Akhawldamna ah ilut uhi, “Ka lungthahna a ka kichiem bangin, amaute khawldamna ah alut sih ding uhi,” Leitung kisiem chiila pata nnate, sep zou sieng hitama nanleh, chi a agen bangin.

Zo Bible

³ Azieh pen ei a um mite i hi leh tua tawlngahna munah i lut vua, leitung a kiphu cila kipanin a silbawlte a man siengsa hi napi Pasien in, ‘Ka tawlngahna-ah amate a lut sih ding uhi,’ a ci ma bangin, “Ka lungthah a, ka kiciem zo hi,” a ci hi.

Hebrews 4:3 ပူးပေါင်းရင်းမြစ်များ

Piancilna 1:31

Pasian in a bawlsa na khempeuh mu a, a hoih mahmah hi. Nitak omin zingsang om a - ni gukna ahi hi.

Phatna-late 95:11

Tua ciangin hehsa in ka kiciam a, "Amaute ka khawlna ah a lut ngei kei ding uh hi," ka cikhia hi.

Paikhiatna 20:11

Ahang in, TOPA in niguk sungin lei le vante, tuipi le tuate sunga omte bawla, ahi hangin a ni sagihna ni-in a khawl hi. Tua ahi ciangin TOPA in Sabbath ni thupha pia-a, a siangthosak hi.

Isaiah 28:12

amaute tungah, "Hih in khawlmun ahi hi, a gimte khawl ta hen," ci a, "Hih in tawlngakna mun ahi hi" ci napi amaute in a ngai kei uh hi.

Jeremiah 6:16

TOPA thugen hih ahi hi: "Lamkabomte ah dingin en unla, tanglai lampite dong un, lam hoih koi pen hiam cih dongin tawnpah un, tua ciangin na hinna un tawldamna a mu ding hi. Ahi hangin, ‘Tua lampi tawn dah ni," na ci uh hi.

Ezekiel 20:38

Note lak panin kei hong langpana kei hong lehdote ka siaksiang ding hi. Amaute tenna gam panin ka paikhiatpih hangin Israel gamah a lut kei ding uh hi. Tua ciangin note in keimah TOPA ka hilam na thei ding uh hi.

Matthew 13:35

Hih in kamsangpa tungtawna kigen: "Gentehnate zangin ka kamka dinga, leitung piansak cil-a kipan a ki-imcip thute ka genkhia ding hi," c cih thu a tangtunna ahi hi.

Matthew 25:34

"Tua hun ciangin Kumpipa in a taklama omte kiangah, ‘Ka Pa in thupha hong piaksate aw, hong pai un; leipiansak cil-a kipan no adinga kibawlsa na luah ding uh gam hong luah un.

Ephesa-te 1:4

Ahang in, ama mitmuh c ah ‘siangtho-a pau i ban loh nadingin leitung piansak ma-in ama sungah eite hong teel zo hi.

Hebrews 3:11

Tua ciangin ka heh a, ‘Amaute ka khawlna-ah a lut ngei kei ding uh hi,’ ci-in kiciamin ka genkhia hi," h a ci hi.

Hebrews 3:14

Eite in a masa-a i neih kimuanna, a tawp dongin kiptaka i letkip leh Christ sungah tanh a nei i hi hi.

Hebrews 9:26

Tua bang hi hileh leitung kipiansak nungsang Christ in tamveipi a na thuak kul ding hi. Ahi hangin tu-in khanghunte bei hunin khatvei-a kimang den mawh maisak nadingin amahmah biakpiakna-in hong kilang zo hi.

1 Peter 1:20

Leitung kipiansak ma-in amah kiteel zo a, ahi hangin note khualna-in hih hun nunungte a hong kilaaksak pan ahi hi.