Hebrews 11:3 - Zokam International Version

³ A kimu theite a kimu thei pana kibawl hi loin, khuavannuai, Pasian thupiaka piang ahi hi, cih upna-in i theitel hi.

LAISIENGTHOU CL Bible (BSI)

³ Ginna zieh a leitungte Pasian thu a lepkhawm ahi a, akimu thei silte zong, akilangthei silte a siem ahi sih chi ithei uhi.

Zo Bible

³ Eite in i mu thei nate pen i mu thei lo nate pana kibawl hi lo a, Pasien’ kammal tawh leitungte a kisiem ahi hi, ci thu upna tawh i theithei hi.

Hebrews 11:3 ပူးပေါင်းရင်းမြစ်များ

Piancilna 1:1

A kipatcilin Pasian in van le lei piangsak hi.

Phatna-late 33:6

TOPA thu-in vante kibawl-a - amau aksi honpite ama huusan tawh kibawl ahi hi.

Phatna-late 33:9

Ahang in, amah pau-a a cih bangin piang hi; amah in thu pia-a dingkip hi.

Isaiah 40:26

Dakto unla vante en dih un. Hihte khempeuh kua piansak ahi hiam? Amah in aksi honpite khatkhatin suaksak a, a min ciatun a sam hi. Ama vangliatna le thahatna hangin amaute khat beek a mangthang kei hi.

Jeremiah 10:11

"Amaute kiangah, ‘Hih leitung le vantung a bawl lo pasiante, leitung le van kikhupsinte nuai panin a mangthang ding uh hi,’ ci-in gen in," b a ci hi.

Jeremiah 10:16

Amah, Israel le ama luah ding a minamte kihelin, na khempeuh Bawlpa ahi manin Jacob’ Tanhtuampa hihte bang ahi kei hi - ama min Thahatpen TOPA ahi hi.

John 1:3

Ama tungtawnin na khempeuh kibawl hi. A kibawlsate khempeuh ama bawlloh a om kei hi.

Nasepte 14:15

"Mite aw, bang hangin hih bawl na hi uh hiam? Kote zong no mah bangin mihing lel ka hi uh hi. Kote in lungdamna thu no hong puakin, hih kimanna a nei lo nate panin, van le lei le tuipi le tuate sunga omte a bawl a nungta Pasian lama na kihei ding uh hong gen ka hi uh hi.

Nasepte 17:24

"Leitung le a sunga om na khempeuh a bawl Pasian, van le lei Topa hi-a khut tawh kilam biakinnpite ah a teng kei hi.

Rome-te 4:17

"Nang minam tampite pa kong suaksak khin zo hi." b ci-a kigelhsa bang ahi hi. Amah a site nuntakna pia-a a om lopi nangawn a omsa banga a genpa, a uppa Pasian muhna ah eite pa ahi hi.

1 Corinth-te 2:7

Hi lo hi, kote in a kiselcip pilna le hun kipat ma-a eite minthan nadinga Pasian sehkholhsa Pasian pilna thusim ka gen uh hi.

1 Timothy 4:5

Bang hang hiam cih leh Pasian thu le thungetna tawh siansaksa ahi hi.

Hebrews 1:2

ahi hangin hih ni nunungte ah khuavannuai a bawlpa na khempeuh a luah dinga a sehpa, ama Tapa zangin eite tungah thu hong gen zo hi.

Hebrews 6:5

Pasian thu hoihna le hong tung ding khanghun vangliatnate a ciam khin mite,

2 Peter 3:5

Ahi hangin tanglai pekin Pasian thuin vantungte om a, tui panin tui tawh leitung kibawl ahilam thei napi, a kitheihmawhbawl uh hi.

Kilaakna 4:11

"Kote Topa le Pasian aw, nangin na khempeuh na piangsak-a nangma deih bangin amaute kipiangsakin nungta uh ahi manin, minthanna, pahtawina le vangliatnate a ngah dingin na kilawm hi," a ci uh hi.