Haggai 2:22 - Zokam International Version

²² Keimah in kumpi tokhomte lumletin, gamdang kumpi-gamte’ vangliatna ka beisak ding hi. Sakollengte le a hawlte ka lawnthal ding hi; sakolte le a tunga tuangte ama sanggampa namsau mahin a tuk ding uh hi.

LAISIENGTHOU CL Bible (BSI)

²² Leng gamte leengtoupha ka paikhe dinga, namte leenggam thahatnate ka suse ding hi. Kangtalaite leh atunga tuongte ka paikhe dinga, Sakolte leh atung ua tuongte ahing kumsuh ding ua, Michin asanggampa namsau a shi ding ahi.

Zo Bible

²² kumpi gamte’ mang tophate ka khuleh ding a, namcin kumpi gamte’ hatna susie-in a sakol leengte le a hawlte ka khuleh ding hi; sakolte le a hawlte koipo a guolpa’ namsau tawh a si ding uhi.

Haggai 2:22 ပူးပေါင်းရင်းမြစ်များ

2 Khangthute 15:6

Pasian in lungdonna namkim tawh amaute lauthawngsak ahi manin minam khat in adang khat, khuapi khat in adang khat a kisu ciat uh hi.

2 Khangthute 20:22

Amaute in la sa a phat dingin a kithawi laitakun Judah a sim Ammon, Moab le Seir Vum a mite langkhatah TOPA in a pangsimte koih a, amaute a kizo hi.

2 Khangthute 20:23

Seir Vum a mite susia-a a maimangsak dingin Amon mite le Moab mite a dingkhia uh hi. Amaute in Seir pana mite a gawhmang khit uh ciangin amaute khat le khat a kisiatsak tuahna a huh uh hi.

Phatna-late 46:9

Amah in leitung mongte dongin gal beisak a, thalpeu kuaitanin, teipi tumtan a, lumte a mei-in a hal hi.

Phatna-late 76:6

Jacob Pasian aw, nang na tai-a sakol le sakollengte khawlcip hi.

Paikhiatna 14:17

Amaute in a sungah a nungdelh theih nadingun Egypt-te lungtang ka khauhsak ding hi. Tua ciangin Pharaoh le a galkapte khempeuh tungtawn le a sakollengte le a sakol-tuangte tungtawnin minthanna ka ngah ding hi.

Paikhiatna 14:28

Tui luang kika, sakollengte le sakol-tuangte - tuipi sung donga Israel-te a delh Pharaoh’ galkapte a vekpi-un a tuum hi. Amaute khat zong a suakta kei hi.

Paikhiatna 15:19

Pharaoh’ sakolte, sakollengte le sakol-tuangte f tuipi sungah a pai uh ciangin TOPA in amaute tungah tuipi tui luangsak kika, ahi hangin Israel-te in leikeu tawnin tuipi a kantan uh hi.

Paikhiatna 15:4

Amah in Pharaoh’ sakolleng le a galkap honpi tuipi sung a denna hi. Pharaoh’ ulian hoih pente San Tuipi c sungah kia lum uh hi.

Isaiah 19:2

"Egypt-te do dingin Egypt-te mah kilok ding uh a - a sanggampa in a sanggampa do-in, a vengpa in a vengpa do dinga; khuapi in khuapi do-in, kumpi-gam in kumpi-gam mah a do ding hi.

Isaiah 60:12

Ahang in, nang na a sem lo minam ahikeh kumpi-gam peuhmah mangthang dinga; a kisiamang ding hi.

Isaiah 9:19

Thahatpen TOPA thangpaihna hangin leitung kangzul dinga mite mei-a cih ding sing suakin kuamah in a sanggampa a hawi kei ding hi.

Ezekiel 21:27

Kisiagawp! Kisiagawp! Ka siasak gawp ding hi! A neipa taktak hong pai mateng a kipia kik kei ding hi; amah ka pia ding hi,’ ci hi.

Ezekiel 26:16

Tua ciangin tuipi gei-a gam-ukte khempeuh a kumpi tokhom panun tuakkhia ding uh a, a puantualpite uh koihkhia in a kizepna thupite uh a suahkhia ding uh hi. Patauhna bek silhin lei lakah tu ding uh a, a paisuk a paitohna-uah nang hong gimneihin lingling ding uh hi.

Ezekiel 38:21

Ka mualliante khempeuh tunga om Gog sim dingin namsau khat ka sam ding hi, Thupipen TOPA in cikhia hi. Mite khempeuh in a sanggampa namsau in do ding hi.

Ezekiel 39:20

Note in ka sabuai ah sakolte le a tunga tuangte, mi thahatte le galkap namkimte khamtakin na ne ding uh hi, Thupipen TOPA in cikhia hi.

Daniel 8:25

Amah in zuauthu khangsak dinga amah le amah a kiliansak ding hi. Amaute a lung muan uh ciangin amah in tampi that dinga uliante Ukpa langah pang ding hi. Amah a tua cih hangin mihing thahatna kizang loin a kisusia ding hi.

Amos 2:15

Thal tawite in do zo lo ding uh a, a taihat galkapte taikhia thei loin sakol tuangte in a nuntakna uh a hu zo kei ding uh hi.

Micah 5:10

TOPA in, "Tua ni ciangin note laka na sakolte uh maimangsakin na sakollengte uh ka susia ding hi.

Micah 5:15

Keimah in ka thu hong mang lo minamte tungah hehna le thangpaihna tawh a phu uh ka la ding hi," cikhia hi.

Micah 5:8

Minamte lakah a baanglai Jacob-te, om ding uh a, mi tampite laizangah tulaka gamsate laka humpinelkai le tuuhonte laka humpinelkai khanglaite in a pai kawmun mancipin balzan uh a, kuamah in a hotkhiat theih loh bangin a gamta ding uh hi.

Micah 5:9

Na galte uh zawhna khut hong kilaamtosak dinga, na galte khempeuh a kisusia khin ding hi.

Micah 7:16

Minamte in mu ding uh a, a vangliatna uh maizumpih ding uh hi. A kam uh hum ding uh a, a bil uh a ngong ding hi.

Zephaniah 3:8

TOPA in cikhia hi, "Tua ahi ciangin ka mawhsak a ding ni na ngak un; ka hehluatna khempeuh- amaute tunga ka thangpaihna a thuak dingin minamte kumpi-gamte tawh kaihkhop ding ka lungsim ka khentat khin zo hi. Haza a ka hehluatna meikuang in leitung buppi a kangtum ding hi.

Zechariah 10:11

Amaute in lungkhamna tuipi kantan ding uh hi; tuipi hualte ki-uk zo-in Nile thuknate khempeuh a kangcip ding hi. Assyria kiphatsakna kinuaisiah dinga, Egypt sik ciangkhut a mangthang ding hi.

Zechariah 10:5

Amaute a a vekpi un galsimna-a kongzing buannawi a tuancilgawp mi thahatte bang ding uh hi. TOPA in amaute ompih ahi manin gal do ding uh a, sakol galkapte a lawnthal ding uh hi.

Zechariah 12:9

Tua ni ciangin Jerusalem a sim minam khempeuh a susia dingin ka kuankhia ding hi.

Zechariah 14:3

Tua ciangin TOPA kuankhia-in gal kido hun lai-a kido bangin tua minamte a do ding hi.

Zechariah 4:6

Tua ciangin amah in kei kiangah, "Hih in Zerubbabel tunga tung TOPA thu ahi hi: Thahatna hi lo, vangliatna zong hi loin keima Kha hang ahi hi,’ Thahatpen TOPA in ci hi.

Zechariah 9:10

Ephraim panin a sakollengte uh leh, Jerusalem panin a galsimna sakolte uh ka lakkhiatsak dinga, a galsimna thalpeute uh ka kuaitan ding hi. Amah in minamte tungah kilemna a tangko ding hi. Ama ukna tuipi khat pan tuipi khat, Gunpi c panin leimong d dong a zai ding hi.

Matthew 24:7

Minam khat le minam khat kido dinga, gam khat le gam khat a kido ding uh hi. Mun tuamtuamah kialpi tung dinga, zin a ling ding hi.

Kilaakna 11:15

Vansawltak a sagihna in a pengkul muta, vantung ah aw ngaih mahmah in: "Leitung gam teng i Topa gam le ama Christ gam suak zo a, amah in a tawntung in uk den ding hi,"a ci hi.

Thukhente 7:22

Pengkul zathum a gin ciangin TOPA in giahphual sunga om mite khempeuh khat le khat a namsau un a kisat tuahsak hi. Galkapte in Beth Shittah ah Zererah lam manawh uh a, Tabbath kianga Abel Meholah gamgi dong a tai uh hi.

1 Samuel 14:16

Benjamin-a om Gibeah a Saul galvilte in galkap honpi mun citenga kikhenthang a mu uh hi.