Habakkuk 3:2 - Zokam International Version

² TOPA aw, na minliatna ka za khin a, na sepsate lamdang ka sa mahmah hi, TOPA aw. Ko hunin hong thaksuaksakin, ko hun mahin kitheikhiasak inla, na thangpaih hunin nong lainat ding phawk in.

LAISIENGTHOU CL Bible (BSI)

² Aw Mangpa na thugen ka zata a, ka zau hi. Aw Mangpa Kumte lah ah, na nasep suhal inlen, Kumte lah ah kitheisah kia in; Na lungthah chiengin khotuona thei zingin.

Zo Bible

² Topa aw, na minthanna ka za zo a, Topa aw, na silbawlte lamdang ka sa mama hi. Ko hunin hing thasuosah inlen, ko hunin hing kitheisah in; na thangpai ciengin na hepina phawh in.

Habakkuk 3:2 ပူးပေါင်းရင်းမြစ်များ

Ezra 9:8

"Hih bangin tu-in, hun tomkha sung bek TOPA kote Pasian in nong hehpih-a a sibaang hong omsakin na mun siangtho ah panmun kip nong pia hi; tua ciangin kote Pasian in ka mit uh nong vaksak a, ka saltanna panun tawmkha nong kolsak hi.

Job 42:5

Na thugen ka bilin ka za a, ahi hangin tu-in ka mitin nang kong mu khin hi.

Phatna-late 119:120

Nang hong kihta-in ka sa ling a; na thukhamte ka kihta hi.

Phatna-late 25:6

Na lainatna lian le na itna liante tanglai pek pan ahi manin phawk in, TOPA aw.

Phatna-late 38:1

TOPA aw, hehsa in hong taihilh kei inla; thangpaisa in hong sek kei in.

Phatna-late 44:1

Pasian aw, tanglai pek ka pate uh hun lai-a na bawlte amaute in hong gen uh a, ka bilun ka za uh hi.

Phatna-late 71:20

Lungkhamnate nong tuaksak a, a haksa tampi om napi ka nuntakna hong thaksuaksak a; leisung thukpi panin nong pito kik ding hi.

Phatna-late 78:38

Hinapi aman lainat veve a; amau tatkhialhnate maisakin a siasak kei hi. Hun khat khit hun khat a hehna ki-ip a, a thangpaihna a kimin a suahkhia kei hi.

Phatna-late 85:6

Na mite in nang sung nuam a sak nadingin kote hong puahpha lo ding na hi hiam?

Isaiah 53:1

Kote thupuak kua in um a, kua kiangah TOPA khut kilak ahi hiam?

Isaiah 54:8

Heh lua-in tomno sung kong lehngatsan a, ahi hangin tawntung migitna-in nang kong khuatuah ding hi," nang hong Tanpa TOPA in ci hi.

Isaiah 63:15

Vantung panin hong ensuk inla, a siangtho a minthang sangpi-a om na tokhom panin hong mu in. Na deihluatna le na liatna koi-ah om ahi hiam? Na lungnemna le na khuatuahna kote tung panin kidokkik ta ahi hiam?

Isaiah 66:2

Hih nate khempeuh ka khut in a bawlsa hi a, tua ciangin tuate na-a hong om hi lo ahi hiam?" TOPA in ci hi. "Ka thupi ngaihsut hih mipa ahi hi: kiniamkhiatin a lungsimin kisika ka thu hanga a lingpa ahi hi.

Jeremiah 10:24

TOPA, kei hong bawlpha in, thutangin hong bawl inla - hehsa-in hong puahpha kei in, heh lecin bangmah lo ka suak ding hi.

Jeremiah 10:7

Minamte’ Kumpipa aw, kua in hong kihta lo ding ahi hiam? Nang lah kihtak ding mah na hi hi. Minamte’ mipilte khempeuh lak le amau kumpi-gam khempeuh sungah nang tawh a kibang khat beek a om kei hi.

Jeremiah 29:10

TOPA gen hih ahi hi: "Babylon hun sung kum sawm sagih a kim ciangin note kiangah kong pai dinga, a hehpihna tawh kamciamsate tangtungsakin hih munah kong puak kik ding hi.

Jeremiah 46:28

Ka nasempa Jacob aw, nang hong ompih ka hi manin lau kei in," TOPA in cikhia hi. "Note kong thehthangna minamte khempeuh ka susiamang zongin, nang kong susiamang kei ding hi. Thutang bek tawh nang kong sek dinga, dan thuaksak loin lah kong khahkhong sam kei ding hi," a ci hi.

Tamlawhna 3:32

Dahna hong thuaksak zongin a khuatuahna hong lak ding hi, a kip tawntung ama itna lianlua hi.

Daniel 8:17

Ka dinna geiah amah hong pai-a laulua in ka khup bawhsuk hi. Amah in kei kiangah, "Mihing tapa aw, na mangmuhna hun tawpna tawh kisai ahilam thei in," hong ci hi.

Daniel 9:2

kumpi a suah zawh a kum masapen kumin, keimah Daniel in, Laisiangtho sunga TOPA in kamsangpa Jeremiah tunga a piak, Jerusalem a siatmang nading kum sawm sagih a sawt ding hi, a cih tawh kizui thu ka telcian hi.

Habakkuk 3:1

Kamsangpa Habakkuk thungetna. Shigionoth a tawh kithuah.

Habakkuk 3:16

Ke’n ka za a, ka lungtang kisai damdamin ka muk linga, ka guh ka tang hong zenin, a muatkhia ding banga, ka khete a ling daldal hi. Tua hi taleh ko hong simgawp minamte tungah kisiat ding ni lungduaitakin ka ngak ding hi.

Zechariah 1:12

Tua ciangin TOPA vansawltak in, "Thahatpen TOPA aw, Judah khuapite le Jerusalem tungah kum sawm sagih sung na heh ta hi. Amaute na lainatna bangtan vei ip lai ding na hi hiam?" a ci hi.

John 10:10

Gutate ahileh, a gu ding, a that ding le a siasak ding beka pai ahi hi. Kei ka hileh amaute in nuntakna a neih nading, adim a neih nadingun hong pai ka hi hi.

Rome-te 10:16

Ahi hangin Israel mite khempeuh in lungdamna thuthak a sang kim kei uh hi. Tua hangin, Isaiah in, "Topa aw, kote thupuak a um kua om ahi hiam?" m a na ci hi.

Philippi-te 1:6

Note sunga nasep hoih a panpa in Christ Jesu ni dongin a bucing dingin semsuak ding cih ka muang hi.

Hebrews 11:7

Noah in upna hangin a kimu nai lo nate ah a kivauhilh ciangin kihtakna siangtho tawh, a innkuanpihte hotkhiat nading gunkuangpi a lem hi. Ama upna hangin leitung mawhpaih a, upna hanga thumaanna a luahpa a suak hi.

Hebrews 12:21

Tua a muh pen lipkhaphuai lua ahi manin Moses in, "Lau in ka ling hi," b na ci hi.

Kilaakna 15:4

Topa aw, kua’n nang hong kihta loin, na min thangsak lo ding hiam? Ahang in, nangmah bek na siangtho hi. Amaan nangma sepnate, kilaak khin zo ahi manin, minam khempeuh hong pai-in, na mai-ah hong bia ding uh hi," a ci uh hi.