Ezra 4:3 - Zokam International Version

³ Ahi hangin Zerubbabel, Jeshua le adang Israel innkuan lutangte khempeuh in, "Kote Pasian biakinnpi lamna ah nong kihel kei ding uh hi. Tua ah Persia kumpipa Cyrus hong thupiak bangin TOPA Israel-te Pasian ading ko guakin ka lam ding uh hi," ci-in a dawng uh hi.

LAISIENGTHOU CL Bible (BSI)

³ Hinanleh Jerubbabel, Jeshua leh Israel phungsunga upa pen ten akung uah, ka Pasian ua dinga biehinn lam na ah, “Koute lah ah bangma na bawl ding uh aum sih hi, hinanleh Persia leengpa Sairas hing thupieh dungzui in kouma tangin Mangpa Israelte Pasian biehinn ka lamna ding uh,” achi uhi.

Zo Bible

³ Ahi vangin Zerubbabel, Jeshua, le Israel sunga innkuon lutang a omlai teng in amate kungah, “Kote Pasien adingin biehinn ka lamna vuah note ei lamhu ding kisam lo hi; Persia Kumpipa Cyrus in ei thupieh bangin Israel Pasien Topa adingin ko guohin ka lam lel ding uhi,” a ci uhi.

Ezra 4:3 ပူးပေါင်းရင်းမြစ်များ

2 Khangthute 36:22

Persia kumpipa Cyrus kumpi a suah a kum masapenin, Jeremiah gen TOPA kammal a tangtun theih nadingin TOPA in Persia kumpipa Cyrus lungsim hei-a a kumpi-gam sung tengah tangkosakin lai-in zong koihsaka tua lai sungah:

Ezra 1:1

Persia kumpipa Cyrus kumpi a suah zawh a kum khatna kumin, Jeremiah tunga TOPA thugen a tangtun nadingin TOPA in Persia kumpipa Cyrus lungsim ah suaksak a, a kumpi gamsung khempeuh ah tangkosak in lai-a gelhsa-in a koihsak hi:

Ezra 1:2

"Persia kumpipa Cyrus gen hih ahi hi: "‘TOPA vantung Pasian in leitunga kumpi-gam khempeuh kei hong pia a, Judah gam Jerusalem ah ama adingin biakinnpi khat lam dingin kei hong seh hi.

Ezra 1:3

Note laka om ama mi peuhmah - a Pasian in ompih henla, Judah gama Jerusalem ah paito-in, TOPA, Israel Pasian - Jerusalem a om Pasian biakinnpi lam hen.

Ezra 3:8

Jerusalem a Pasian inn a tun uh a kum nihna, a kha nihna kha in Shealtiel tapa Zerubbabel, Jozadak’ tapa Jeshua le amau sanggamte khempeuh (siampite le Levi-te le saltanna pan Jerusalem a ciah kikte khempeuh) in nasep pan uh a, TOPA inn lamna vaan dingin Levi-te, kum sawmnih pan a tungsiah phate a seh uh hi.

Nehemiah 2:20

Amaute ka dawnna-in, "Vantung Pasian in kote hong zosak ding hi. Ama nasem kote in a cian kik ka kipan ding uh hi; no na hi uh leh Jerusalem ah tanh na nei kei uh a, gam thukhun lampan ahi-a, tangthu lampan ahi zongin thuneihna na nei kei uh hi," ka ci hi.

Isaiah 44:28

Cyrus tungah, ‘Amah ka tuucingpa hi a, ka lungkimna khempeuh kimsakin, Jerusalem tungah, "Kilam kik in," ci a, biakinnpi tungah, "Na bulpi kiphut ding hi," a cipa ka hi hi.

Isaiah 45:4

Ka nasempa Jacob, ka teelsa Israel ka cihna-in na minun kong sama, nong theih loh uh hangin pahtawina za min note kong pia hi.

Matthew 10:16

"Ngiate lakah tuute bangin note kong sawlkhia hi. Tua ahi ciangin gul bangin na pilvang unla, vakhu bangin na cinghkam un.

John 4:9

Samaria numei in, "Nang Jew mi hi-in, kei Samaria numei ka hi hi, bangci-a tui dawn ding hong ngen na hi hiam?" a ci hi. (Ahang in, Samaria mite tawh Jew-te kithuah lo uh hi. e)

Nasepte 8:21

Pasian mai-ah na lungtang maan lo ahi manin hih nasepna sungah tanh ahi a, panna ahi zongin na nei kei hi.