Ezra 3:8 - Zokam International Version

⁸ Jerusalem a Pasian inn a tun uh a kum nihna, a kha nihna kha in Shealtiel tapa Zerubbabel, Jozadak’ tapa Jeshua le amau sanggamte khempeuh (siampite le Levi-te le saltanna pan Jerusalem a ciah kikte khempeuh) in nasep pan uh a, TOPA inn lamna vaan dingin Levi-te, kum sawmnih pan a tungsiah phate a seh uh hi.

LAISIENGTHOU CL Bible (BSI)

⁸ Jerusalem a Pasian inn a ahing tun nua uh akum nina, aha nina ah, Shealtiel tapa Zerubbabel, Jozadak tapa Jeshua leh aunau dangte uh, siempute leh Levite, saltanna apat a Jerusalem a hing pei kiaten nasep apan ua, Levimite kum sawmni apat atunglamte, Mangpa inn lamna nasep enkai dingin aguot uhi.

Zo Bible

⁸ Jerusalem-a Pasien’ biehinn ah a tun zaw uh a kum nina, tua kum a hla nina sungin Shealtiel’ tapa Zerubbabel le Jozadak’ tapa Jeshua in a omlai amau’ mite, siempute, Levi-te, le saltanna pan Jerusalem a peikia-te zosie tawh nasep a kipan uhi. Amate in Levi-te, kum sawmni pan a tunglam sie poma Topa’ biehinn lam nasep van dingin a se uhi.

Ezra 3:8 ပူးပေါင်းရင်းမြစ်များ

Ezra 4:3

Ahi hangin Zerubbabel, Jeshua le adang Israel innkuan lutangte khempeuh in, "Kote Pasian biakinnpi lamna ah nong kihel kei ding uh hi. Tua ah Persia kumpipa Cyrus hong thupiak bangin TOPA Israel-te Pasian ading ko guakin ka lam ding uh hi," ci-in a dawng uh hi.

1 Khangthute 23:4

David in, "Hihte lak pan tul sawmnih le tul li in TOPA biakinnpi nasep uk dinga, tulgukte uliante le tukhente hi ding uh hi.

Misimna 4:3

Kikhopna Puanbuk ah nasema kuan thei ding kum sawmthum pan kum sawmnga ciang pasal khempeuh sim in.

Ezra 3:2

Tua ciangin Jozadak’ tapa Jeshua, ama siampi-pihte le Shealtiel tapa Zerubbabel le amah a huhte in, Pasian mipa Moses thukham sunga kigelhsa bangin, a tunga meihal biakna piak nading Israel-te Pasian biakna-tau dawh ding a kipan uh hi.

Ezra 5:16

Tua ciangin hih Sheshbazzar pai-in Jerusalem ah Pasian inn bulpi a va nga hi. Tua ni-a kipan tu hun mahmah ciang dong a kilamlam hi a, ahi hangin a kimansiang nai tuan kei hi," a ci hi.

Zechariah 4:9

Zerubbabel khut in hih biakinnpi bulpi phut khin hi; ama khut mah in a zosiang ding hi. Tua ciangin Thahatpen TOPA in note tungah kei hong sawl ahilam na thei ding uh hi.

Zechariah 6:12

Ama tungah hih Thahatpen TOPA thugen va gen in: "Hih lai-ah a min Hiang a kici mipa om a, amah in ama mun pan mengkhia-in TOPA biakinnpi a lam ding hi.

1 Khangthute 3:17

Sal-a kikai Jehoiachin suante: a tapa Shealtiel,

Ezra 2:2

Zerubbabel, Jeshua, Nehemiah, Seraiah, Reelaiah, Mordecai, Bilshan, Mispar, Bigvai, Rehum le Baanah tawh a tonte) ahi hi: Israel mi phazah in:

Ezra 4:24

Persia kumpipa Darius in a uk a kum nihna mateng Jerusalem a Pasian inn nasep tuaci-in a kidinkhawl hi.

Ezra 5:2

Tua ciangin Shealtiel tapa Zerubbabel le Jozadak tapa Jeshua in Jerusalem a Pasian inn lam kik ding a kipan uh hi. Tuateh Pasian kamsangte amau tawh omin a huh uh hi.

Ezra 10:18

Siampite suante lak panin gamdang numei a tenpih anuai-a te ahi hi: Jozadak tapa Jeshua sanggampate suante panin: Maaseiah, Eliezer, Jarib, le Gedaliah,

Haggai 1:1

Kumpipa Darius in a uk a kum nihna kum, a kha gukna a ni masa ni-in kamsangpa Haggai tungtawnin TOPA in, Judah gam-ukpa Shealtiel tapa Zerubbabel tung le tulpipa Jehozadak tapa Joshua a tungah thu a gen hi: