Ezra 3:7 - Zokam International Version

⁷ Tua ciangin amaute in suangseek-te le khut siamte sum pia uh a, Sidon le Tyre mite in Persia kumpipa Cyrus tungpan a thu ngahna bangun tuipi-in Lebanon pan Joppa ah tamtak singluang a puaksuk nadingun annek tuidawn le sathau a pia hi.

LAISIENGTHOU CL Bible (BSI)

⁷ Tuachi’n amaun suong khengte leh, sing bawl siemte kungah sum apie ua, Sidon mite leh Tai-ar mite kungah Lebanon a kipata Joppa tuipi donga sidar singte, hing puoh dingin neh dingte leh dawn dingte apie uhi.

Zo Bible

⁷ Tuaci’n amate in suongkhengte le khutsiemte tungah sum pie-in Persia Kumpipa Cyrus tung pan a sum nga dan uh tawh kizui-in Lebanon panin tuipi gei Joppa ah taamtah singte a puohsuh nadingun Sidon-te le Tyre-te tungah anneh tuidawn le sathau a pie uhi.

Ezra 3:7 ပူးပေါင်းရင်းမြစ်များ

1 Kumpite 5:6

"Tua ahi ciangin Lebanon a tamtakte kei adingin a kiphuk nading thu pia in. Ka mite in na mite tawh semkhawm ding uh a, amau thaman na seh bangbang nang tungah kong pia ding hi. Sidon mite zah a singphuk siam ko lakah khat beek a om loh lam na thei hi," a ci hi.

Nasepte 12:20

Amah Tyre le Sidon mite tawh a kitawng den ahi hi. Amaute kipawl khawmin amah tawh kihopih a sawm uh hi. Amaute in kumpipa nasem muan pa Blastus panpihna tawh lemna a ngen uh hi. Bang hang hiam cih leh amaute an ngahna ama kumpipa gam sung bek ahi hi.

Nasepte 9:36

Joppa ah (a khiatna Dorcas a ahi) Tabitha kici nungzui khat om a, amah in mizawngte huhin, na hoih sem tawntung khat ahi hi.

Jonah 1:3

Ahi hangin TOPA kiang pan Jonah taikhia-a, Tarshish lam a manawh hi. Joppa ah paisuk a, tua lai-ah Tarshish pai ding tembaw khat a mu hi. A sap a piak khit ciangin tembaw tungah kah a, TOPA taisan dingin Tarshish lam a manawh hi.

Ezekiel 27:17

"‘Judah le Israel in nang tawh sum bawlkhawm uh a, na vanzatte, Minith pana piang mangbuh, moh namkim h khuaizu, sathau le sing namtui tuamtuamin hong kheng uh hi.

Nasepte 9:38

Lydda pen Joppa khua kiang ahi hi. Tua hi-a a nungzuite in Lidda ah Peter om cih a zak uh ciangin ama kiangah mi nih sawl uh a, "Hehpihna in hong paipak dih in!" ci-in a kun uh hi.

Nasepte 9:43

Joppa a Simon min nei savun bawlpa tawh Peter tawmvei sung a om hi.

2 Samuel 5:11

Tu-in Tyre kumpipa Hiram in David kiangah kamtai sawla, tam-taak luangte le khutsiamte le leisek siamte tonpihsak a, amaute in David adingin kumpi inn a lam uh hi.

Ezra 3:6

A kha sagihna a ni masa pen ni-in TOPA biakinnpi bulpi suang a kingak nai loh hangin TOPA tungah meihal biaknate piak a kipan uh hi.

2 Kumpite 12:10

Singkuang sungah sum tam omta cih a muh hunhun un kumpipa thuvanpipa le tulpipa in TOPA biakinnpi-a kipuaksa sumte sim uh a ip sungah a seng uh hi.

2 Kumpite 12:13

Biakinnpi sunga kipuak sumte, ngun tuikuangte, taitehte, tui thehna kuang-ukte, pengkulte le TOPA biakinnpi sunga ngun le kham a kibawl vanzatte leina in kizang lo hi;

2 Khangthute 34:10

Tua ciangin amaute in TOPA biakinnpi a nasepte cing dinga kisehte tungah a ap uh hi. Hihte pen biakinnpi a ngei a bangsak dinga a puahphate tungah a piasawn uh hi.