Ezra 3:5 - Zokam International Version

⁵ Tua khit ciangin amaute in a hunhunin meihal biaknate, Kha Thak sima biaknate le a kisehsa TOPA pawite bawlin tuate tawh TOPA tungah utthu-a biaknate a puakkhawm uh hi.

LAISIENGTHOU CL Bible (BSI)

⁵ Tuazouin halmang sillat ngainate alan ua, Hatha sillatte leh akiguotsa Mangpa pawi siengthoute zousie leh Mangpa adinga michin kiphalna sillatte alan uhi.

Zo Bible

⁵ tuale tatsat lo meihal biehnate a bawl zaw ciengun, amate in hla tha siela biehnate, le a siengtho Topa’ pawi zosiete le Topa tungah amau’ nopthu tawh a pie mi zosie’ biehnate a pie uhi.

Ezra 3:5 ပူးပေါင်းရင်းမြစ်များ

Misimna 29:39

"‘Na kiciamnasate uh le utthu-a biaknate banah meihal biaknate, an-a biaknate, dawntheih-a biaknate le kilawmtakna biaknate - a kisehsa pawite hunin TOPA adingin bawl un,’ ci in," a a ci hi.

Thupiakkikna 12:17

Note in na an uh sawma khat ahi a, na zuthak uh le na sathau uh ahi zongin na bawnghon na tuuhonte uh tacilte ahi a, piak dinga na kamciamsate uh ahi zongin utthu-a biakna na piakte uh le na citpiakte uh, no khuapi sungah na ne peuhmah kei ding uh hi.

Thupiakkikna 12:6

tua lai-ah meihal biakna le biakpiaknate, sawma khatte le citpiakte, piak dinga na kam ciamsate uh le utthu-a biaknate , bawnghonte le tuuhonte tacilte na puak ding uh hi.

Misimna 29:13

TOPA lungkimsakna gimnamtui mei-a hal biakna, meihal biakna-in bawngtalno sawm le thum, tuutal nih le kum khat a pha tuuno apa sawm le li pia un, a veka poina nei lo hi ding hi.

Misimna 29:8

TOPA tungah lungkimsakna gimnamtui dingin a veka poina a nei lo, bawngtalno khat tuutal khat le kum khat a pha tuuno apa sagih meihal biakna-in pia un.

Misimna 29:2

TOPA a lungkimsak gimnamtui dingin meihal biakna-in a veka poina a nei lo bawngtalno khat, tuutal khat le kum khat a pha tuuno sagih pia un.

Misimna 28:27

TOPA a lungkimsak gimnamtui-in bawngtal-no nih, tuutal khat le kum khat a pha tuuno apa sagih meihal biakna-in pia un.

Misimna 28:19

TOPA tungah meihal biakna-in a veka poina a nei lo bawngtalno nih, tuutal khat le kum khat a pha tuuno apa sagih meihal biakna-in pia un.

Misimna 28:14

Bawngtal khatah dawntheih-a biakna-in zu hin f lang ta; tuutal tawh hin g khat sehsawm suah sehkhat; le tuuno ah hin khat sehli suah sehkhat ciat hi ding hi. Hih in kum khat sung khathak siala khasim meihal biakna ahi hi.

Siampi Laibu 1:3

Tua biakna pen bawnghon pana meihal biakna ahileh a a sitbaang lo a pa-in a bia ding hi. Tua pen TOPA santheih a suah nadingin Kikhopna Puanbuk lutna ah a pia ding hi.

Ezra 3:6

A kha sagihna a ni masa pen ni-in TOPA biakinnpi bulpi suang a kingak nai loh hangin TOPA tungah meihal biaknate piak a kipan uh hi.

Jeremiah 33:18

Ka mai-ah a kizom suakin meihal biakna pia ding, an-a biakna hal ding le kithoihna pia dingin a ding den ding Levi mi siampi a kibansam ngei kei ding hi,’ ci hi," a ci hi.

Siampi Laibu 1:2

"Israel-te hopih inla, amaute tungah: ‘Note khatpeuh in TOPA tungah biakna khatpeuh na puak uh ciangin bawnghon lak pan ahikeh keelhon lak panin ganhing khat biakna-in keng uh hen.

Siampi Laibu 23:2

"Israel-te hopih inla amaute tungah: ‘Hihte in ka sehsa pawite, mipi kikhopna siangtho hi, ci-a na tangko ding uh TOPA sehsa pawite ahi hi.

2 Khangthute 31:14

Nisuahna Kongpi cingpa Levi-te Imnah tapa Kore in Pasian tunga kipia utthu-a biaknate, TOPA tungah piak dinga kisehte le a ki-apsa letsongte zong uk ding hi.

Nehemiah 10:34

"Thukham-a kigelhsa bangin ko - siampite, Levi-te le mipite in - kumsima a kisehsa hun zui-in TOPA eite Pasian, biaknatau-a cih ding sing, eite Pasian inn sungah innkuan simin a puak huna puak nading ai ka lawn uh hi.