Ezra 1:2 - Zokam International Version

² "Persia kumpipa Cyrus gen hih ahi hi: "‘TOPA vantung Pasian in leitunga kumpi-gam khempeuh kei hong pia a, Judah gam Jerusalem ah ama adingin biakinnpi khat lam dingin kei hong seh hi.

LAISIENGTHOU CL Bible (BSI)

² “Persia leengpa Sairas in tambang in agen hi. Mangpa van Pasian in leitung leenggam zousie keima ahing peta hi. Aman Juda gam a um Jerusalem ah Ama dinga inn lampieh dingin kei ma thu ahing pie hi.

Zo Bible

² “Persia kumpipa Cyrus in tam bangin gen hi: Vantung Pasien, Topa in leitung kumpi gam zosie kei ei pie zo ta a, Judah gama Jerusalem ah ama adingin biehinn khat a lampieh dingin kei ei sawl zo hi.

Ezra 1:2 ပူးပေါင်းရင်းမြစ်များ

1 Kumpite 8:27

Ahi hangin leitungah Pasian teng takpi ding ahi hiam? Vante, a sangpen van nangawn ah nang na ta zo kei hi. Hih ka lamsa biakinnpi neuzaw lua mahmah hi lo hiam!

2 Khangthute 2:12

Tuateh Hiram in: "Van le lei a bawl TOPA Israel Pasian kiphat hen! Amah in TOPA biakinnpi ding le ama kumpi inn ding a lam dingin thutheihna le theihkak-na a nei tapa pil khat Kumpi David a pia hi.

Ezra 1:5

Tua ciangin Judah le Benjamin innkuan makaite, siampite le Levi-te - Pasian in a lungsima a phawksak peuhmah - paito in Jerusalem a TOPA inn lam dingin a kithawi uh hi.

Ezra 3:7

Tua ciangin amaute in suangseek-te le khut siamte sum pia uh a, Sidon le Tyre mite in Persia kumpipa Cyrus tungpan a thu ngahna bangun tuipi-in Lebanon pan Joppa ah tamtak singluang a puaksuk nadingun annek tuidawn le sathau a pia hi.

Ezra 4:3

Ahi hangin Zerubbabel, Jeshua le adang Israel innkuan lutangte khempeuh in, "Kote Pasian biakinnpi lamna ah nong kihel kei ding uh hi. Tua ah Persia kumpipa Cyrus hong thupiak bangin TOPA Israel-te Pasian ading ko guakin ka lam ding uh hi," ci-in a dawng uh hi.

Ezra 5:15

ama tungah, ‘Hih nate la-in pai inla Jerusalem biakinnpi sungah va koih kik in. Tuateh tua munah Pasian inn lam kik in,’ ci hi.

Ezra 6:10

tua pen amaute in vantung Pasian a lungkim nadingin a piak theih nading uh le kumpipa le a tapate a cidam nadingun thu a ngetsak theih nading uh ahi hi.

Ezra 6:3

Kumpipa Cyrus a kum masapen kumin Jerusalem a Pasian biakinnpi tawh kisai thukip khensatna kumpipa in koih hi: Biakinnpi a munah kilam kikin innbul kinga henla biakna kipia hen. A sanna pi d sawmkua hi-in a zaina pi sawmkua mah hi dinga,

Ezra 7:12

a Artaxerxes, kumpite’ kumpipa, Siampi Ezra, vantung Pasian Thukham siapa tungah: Kong hopih hi.

Nehemiah 1:4

Hihte ka zak ciangin tusukin ka kap hi. Ni bangzah hiam khat vantung Pasian mai-ah an tangin thu ka ngen hi.

Nehemiah 1:5

Tua ciangin: "TOPA vantung Pasian, nang hong itin na thupiakte a mangte tunga a itna thukhunte a zui a lian mahmah a kihtakhuai Pasian aw,

Phatna-late 136:26

Vantunga om Pasian tungah lungdam ko un. Ama itna kip tawntung hi.

Phatna-late 85:2

Na mite tatkhialhna na maisak a, amau mawhnate khempeuh na khuhsak hi.

Paunakte 21:1

TOPA khut sungah Kumpipa lungtang om a, tuilaak bangin a lungkimnana ah hei kawikawi hi.

Isaiah 41:2

"Nasepna b-a a thumaan mi kua in hanthawn a nisuahna panin hong samkhia ahi hiam? Minamte ama khutah apin ama mai-ah kumpite uksak hi. Amah in a namsau tawh amaute leivui suaksak a, a thalin huih muta leng buhvai a bangsak hi.

Isaiah 44:26

a nasemte kammalte semkhia in, a kamtaite thugente a tangtungsakpa, Jerusalem tungah ‘Mi hong teng ding hi’ ci a, Judah khuapite tungah, ‘Amaute kilam ta ding hi,’ ci a, tuateh tua a siasate, ‘A ngei ka bangsak ding hi,’ a cipa,

Isaiah 44:28

Cyrus tungah, ‘Amah ka tuucingpa hi a, ka lungkimna khempeuh kimsakin, Jerusalem tungah, "Kilam kik in," ci a, biakinnpi tungah, "Na bulpi kiphut ding hi," a cipa ka hi hi.

Isaiah 45:1

Hih in ama mai ah minamte nuaisiaha kumpite a gal van uh a hawkkhia ding le kongpite a kikhak loh nadingin ama mai ah kongkhakte a hong dinga a taklam khut ka let, a sathau nilhpa Cyrus tunga TOPA in a gen ahi hi.

Isaiah 66:1

TOPA gen hih ahi hi: "Vantung ka tokhom hi a, leitung ka khe-ngakna ahi hi. Kei adingin na lam ding uh inn koi lai-ah om ahi hiam? Ka tawlngak nading mun koi lai ahi hiam?

Jeremiah 10:11

"Amaute kiangah, ‘Hih leitung le vantung a bawl lo pasiante, leitung le van kikhupsinte nuai panin a mangthang ding uh hi,’ ci-in gen in," b a ci hi.

Jeremiah 27:5

Keimah in ka vanglianpi tawh ka khut zanin leitung le a mite le a tunga om ganhingte ka bawla piak tuak ka sak khatpeuh ka pia hi.

Jeremiah 29:10

TOPA gen hih ahi hi: "Babylon hun sung kum sawm sagih a kim ciangin note kiangah kong pai dinga, a hehpihna tawh kamciamsate tangtungsakin hih munah kong puak kik ding hi.

Daniel 1:21

Tua hi-a, Kumpipa Cyrus kumpi a suah zawh a kum masapen dong tua lai-ah Daniel a om hi.

Daniel 2:21

Amah in hun le khuahunte a khel hi; kumpite koiha zong a hemkhia hi. Amah in mipilte tungah pilna guana theihsiamna neite tungah theihna a guan hi.

Daniel 2:28

ahi hanign thuthukte a laakkhia vantungah Pasian khat a om hi. Amah in Kumpi Nebuchadnezzar tungah mailam huna thu piang ding hong lak khin hi. Na mang le lupna tungah na lup laitaka na lungsim sunga na mangmuhte hihte ahi hi:

Daniel 4:25

Mihingte lak panin nang hong kihawlkhia-in gamsate tawh na tengkhawm ding hi; ganhonte bangin lopa na ne dinga, vantung daitui-in na kawtgawp ding hi. Mihingte kumpi-gamte tungah Sang Penpa a thupipen hi-a, a piak nop khatpeuh a piak theih ahi hi, ci-a na theihtel mateng hun sagih sung na tuaci om ding hi.

Daniel 4:32

Mite lak panin nang hong kihawlkhiamang dinga gamsate tawh na tengkhawm ding hi. Bawnghonte bangin lopa na ne ding hi. Mihingte kumpi-gam tungah Sang Penpa a thupipen hi-a, a piak nop khatpeuh a piak theih ahi hi, ci-in na theihtel mateng, hun sagih sung na tuaci om ding hi," a ci hi.

Daniel 5:23

Tua sangsikin nang le nang vantung Topa langah na pang hi. Ama biakinnpi-a hai-tungte na kiangah la-in nang le na uliante, na zite le na zinote in tuate zangin zu na dawn uh hi. Bangmah a mu thei lo, a za thei lo, a telcian thei lo, kham, ngun, sumngo, sik, sing le suang-a kibawl pasiante na phat uh hi. Ahi hangin na nuntakna le na vaite khempeuh a khut sunga a len Pasian na pahtawi kei hi.

Daniel 6:25

Tua ciangin Kumpipa Darius in gam sung buppi ah mite, minamte le pau nam tuamtuamte tungah lai paisak a: "No tungah daupaina lianpi tung ta hen!

Jonah 1:9

Amah in, "Kei Hebrew mi ka hi a, tuipi le leitung a bawlpa vana Pasian TOPA ka bia hi," ci-in dawng hi.