Ephesa-te 5:3 - Zokam International Version

³ Ahi hangin note lakah numei pasal paktatna lim ahi a, siantho lohna nam khat peuhpeuh le huaihamna ahi zongin a om peuhmah kei ding hi. Bang hang hiam cih leh Pasian misiangthote adingin hihte kilawm lo hi.

LAISIENGTHOU CL Bible (BSI)

³ Hinanleh misiengthoute umdan dinga kilawm mawng in um unlen, kingainate leh sienthoulouna zousie leh huoihamna na lah uah lawkhah in um nawn sih heh.

Zo Bible

³ Hinanle misiengthote lahah a om dinga a kilawm lo ahi bang ma-in note lahah numei-pasal pahtatna, sil sieng lo nam khat popo le huoihamna kicite nangawn genin kinei vet sih heh.

Ephesa-te 5:3 ပူးပေါင်းရင်းမြစ်များ

Phatna-late 10:3

Amah in ama lungtang lunggulhna kisaktheihpih a; a huaihamte thupha pia-in TOPA a kosia hi.

Phatna-late 119:36

Na ngeina kipte lamah ka lungsim hei inla angsung khualna lam ngasak kei in.

Paikhiatna 18:21

Ahi zongin mipi khempeuh panin mi kizen - Pasian a zahtak, a muanhuai, thumaan lo-a ngahna a mudah mi - tengkhia inla a tultul, a zaza, a sawmnganga le a sawmsawm ukin koih in.

Paikhiatna 20:17

"Na vengpa’ inn na deihgawh kei ding uh hi. Na vengpa’ zi ahi a, a nasem pasal, a nasem numei, a bawngtal ahikeh a laa ahi zongin na vengpa neihsa na khatpeuh na deihgawh kei ding uh hi," a ci hi.

Paikhiatna 23:13

"Nang tunga kong gensa thu limtakin thudon in. Adang pasiante min lo kei un; na muk pan un tuate kizasak kei un.

Paunakte 28:16

Thumaan lo-a gam ukpa thukhentel thei lo hi-a, amaan lo-a ngah a mudah mi ahileh khansawt nuam a sa ding hi.

Jeremiah 22:17

"Ahi hangin na lungsim uh le na mit un, aman lo-a metna bek mitsuana, mawhpengte sisan luansak ding, mi nuainet ding le ngongtat ding bek na sawm uh hi," a ci hi.

Jeremiah 6:13

"Aneupen pan alianpen dong a vekpi-un met nading ah huaiham uh a; kamsangte le siampite in a vekun a kibangin zuau a phuak uh hi.

Jeremiah 8:10

Tua ahi ciangin a zite uh midangte ka piaksak dinga, a lote uh midangte ka piaksak ding hi. Aneupen pan alianpen dong, met nading lamah a huaiham uh hi; kamsangte le siampite in a vek un a kibangin zuau a phuak uh hi.

Ezekiel 33:31

Ka mite a ngeina bangin na kiangah hong pai uh a, na thugen ngai-in na mai-ah tu uh hi; ahi hangin na gen bangin gamta lo uh hi. Amaute a kam-un ki-ap uh a, ahi hangin amaan lo-a ngah nadingin a huaiham uh hi.

Siampi Laibu 15:18

Pasal khat numei khat tawh lumkhawma a bawtui a teh ciangin pel loin amaute gel tui-in kipumsil ding uh a, nitak mateng asianglo hi ding uh hi.

Micah 2:2

Amaute in lo a deihgawh uh leh matsak uh a, inn a deihgawh uh leh a laksak uh hi. Amaute in khembawlin mi inn laksak uh a, a lawmte gouluah a sut uh hi.

Misimna 25:1

Shittim ah Israel a om laitakin pasalte, amau pasiante bia dinga a sam Moab numeite tawh

Matthew 15:19

Lungtang pana piangte: ngaihsut khel, tualthahna, angkawmna, numei le pasal paktatna, guktakna, zuau teci panna le gensiatna-te ahi hi.

Luke 12:15

Tua ciangin amah in amaute kiangah, "Kigalging un! Huaihamna nam khempeuh panin na kikem un; mihing nuntakna pen neih le lama bucinna tawh a kim kei hi," a ci hi.

Luke 16:14

Sum iplah Pharisee-te in hih thu a zak uh ciangin Jesu a zahpih uh hi.

Nasepte 15:20

I bawl sangsikin amaute lai khakin, milim biakna in a nitsak ante, numei-pasal paktatna, ngawng heklupte sate le sisante a tan dingun hilh zaw ni.

Nasepte 20:33

Mi khatpeuh neihsa, ngun ahi a, kham ahi a, nikten puansilh ahi zongin ka deih gawh kei hi.

Rome-te 1:29

Amaute tatsiatna, gitlohna, duhhopna le lungsim siat dimdemna tawh kidim uh hi. Amaute enna, tualthahna, kitotna, khemna le etsatna tawh a kidim uh hi. Amaute, gensiathatte,

Rome-te 16:2

Amah, kei-a kipan mi tampi a huh mahmah khat ahi manin huhna a kisap peuhpeuh na piak ding uh le misiangte hih dinga kilawm bangin amah Topa sungah na san dingun kong thum hi.

Rome-te 6:13

Tatsiatna vanzat dingin na pumpi nate uh mawhna tungah na pia kei un. Ahi hangin sihna pan nuntakna a kitunsate bangin Pasian tungah nomau na kipia zaw unla na pumpi nate uh thumaanna vanzat dingin amah na pia zaw un.

1 Corinth-te 10:8

Amaute pawlkhat in numei pasal paktatna a bawlna uh hangin ni khatin tul sawmnih le tulthum si uh hi - eite in tua bang mawhna bawl kei ni.

1 Corinth-te 5:1

Note lakah numei-pasal paktatna om a, lawkite lak nangawna a om ngei lo: Mi khat in a pa zi tenpih hi, cih thu hong kithang takpi hi.

1 Corinth-te 6:13

An in gilpi ading ahi mah bangin gilpi zong an ading mah ahi hi - ahi hangin Pasian in tuate gel a susia ding hi. Pumpi pen numei pasal paktatna-a zat ding hi loin Topa ading hi-a Topa zong pumpi ading ahi hi.

1 Corinth-te 6:18

Numei pasal paktatna na taisan un. Mihing in a bawl mawhna dangte khempeuh a pumpi pualam hi-a, ahi hangin numei pasal mawhna-a a mawhte ama pumpi tungah a mawh ahi hi.

2 Corinth-te 12:21

Note kiangah kong pai kik ciangin ka Pasian un note mai-ah hong niamkhiatin nidanga na khialhnasa uh: kihuai-gamtatna, numei-pasal mawhna, huk luatna lanluatnate hangin mawh napi a kisik lo mi tampite hangin ka dah khak ding ka lau hi.

Ephesa-te 5:12

Ahang in, thumang lote in a simthama a septe uh a kigenkhiat bek zong maizumhuai hi.

Ephesa-te 5:5

Ahang in, a thangtat, a siangtho lo ahikeh a huaiham, tua banga hihte milim bia hi-a, Christ le Pasian gam d ah luah ding bangmah a nei kei hi, cih na theitel uh hi.

Philippi-te 1:27

Bang khatpeuh piang ta leh, Christ lungdamna-thu tawh a kilawm in, ki-ukin na gamta un. Tua hileh hong hawhin note kong mu a, ka om loh kalin note thu ka galzak zongin lungdamna-thu upna hu in, lungsim kikhatin na dingkip uh cih ka thei ding hi;

Colosse-te 3:5

Tua ahi manin na leitung pianngei uh ahi: numei-pasal paktatna, siantholohna, kilunggulhluatna, gitlohnate le milim biakna ahi huaihamna na sisak un.

1 THESSALONIKA 4:3

Pasian deihna ahi: na siantho ding uh, numei pasal paktatna na pelh ding uh,

1 THESSALONIKA 4:7

Ahang in, Pasian in a nina nungta dingin hong sam lo-a, a siangtho-a nungta dingin hong samzaw hi.

1 Timothy 2:10

Pasian bia numeite adinga kilawm ciang gamtat hoih tawh a kizep ding uh hizaw hi.

1 Timothy 3:3

lenggahzu a kham lo, a ngongtat lo, a lungnem, kitot a hat lo, sum iplah lo hi pelmawh ding hi.

1 Timothy 6:10

Ahang in, sum itna in siatna namkim bulpi ahi hi. Mi kimkhatte in sum deih lua-in tua upna pan pialkhia uh a, dahna tampi-in amau le amau a kisunlet uh hi.

2 Timothy 3:2

Mite in, amau le amau ki-itte, sum deihluate, kisialhhatte, kisa theite, siatgenhatte, nu-le-pa thu amang lote, lungdamna mel thei lote, a siangtho lote,

Titus 1:11

Amaute kamhum ding uh hi. Ahang in, a hilh loh ding pipi uh hillhin innkuan sung buppi a siasak uh hi; tua zong a maan lo-a metna zonna ahi hi.

Titus 1:7

Saptuam kem b pen, Pasian na a kikemsak ahi khit nung sangin pel loin kawkbaanna a om lo, a kiliansak lua lo, a heh baih lo, zu a kham lo, a gamhtat lo, met nading zonga a zuautat lo mi hi ding hi.

Titus 2:3

Tua tawh kibangin numei khang hamte, amaute nuntakna ah zahtak baang ding, mi gensiat hat loin, zu hai lo ding, ahi hangin a hoih khempeuh a sinsak dingun hilh in.

Hebrews 12:16

Kuamah in numei-pasal paktatna bawl kei hen, ahikeh an nek khat tawh tapa upa luahna za a zuak pasian-milo Esau bangin om kei hen.

Joshua 7:21

Van lakte lakah Babylon f puan melhoih khat le ngun shekel g zanih tawh, shekel h sawmnga a khai kham tawn khat tawh ka muh ciangin iplah lua-in ka la mah hi. Tuate ka puanbuk sung leilakah ngun nuainunin ka sel hi," ci-in a dawng hi.

1 Peter 5:2

Pawlpi kemte nasep bangin note kep dinga hong kipia Pasian tuuhonte, a kemte na hi un - na hih pelmawh ding uh cihna hi lo Pasian in note hong deih bangin utna tawh, sum deihluatna hang hi lo sep ding lawpna hangin na cing un;

2 Peter 2:10

A diakdiakin a mawhdim pianngei d lunggulhna in a siatsakna a zuite le thuneihna a sim mawhte tungah amaan phadiak hi. Hih mite mawk hansanin ki-uangsak uh a, van mite nangawn gensia ngam uh hi.

2 Peter 2:14

Angkawm nopna mit bekbek tawh kidim uh a, mawhna a bawl den uh hi; a kip lo mite mawhna bawl dingin a zol uh hi; huaihamna lamah siam mahmah uh a, hamsiatna suante hi tazen uh hi!

2 Peter 2:3

Hih siate in huaihamin ama phuahtawm tangthute tawh note sumzonna in hong nei ding uh hi. Amaute a kimawhpaihna sawtvei zo a, amau kisiatna a ihsip kei hi.

Kilaakna 2:14

Ahi hangin kong mawhsakna tawm no a om hi: Milim thoihna ante nek ding ahi zongin numei-pasal paktat ding ahi zongin, a hih dinga Israel-te khem dingin Balak in a hilh Balaam thuhilhna a zui mi pawlkhat na nei hi.

Kilaakna 2:21

Tuanu a paktatna pan a kisik nading hun ka piak hangin a ut kei hi.

Kilaakna 21:8

Ahi hangin a meidawite, a umlote, a tatsiate, tualthatte, numei le pasal paktatte, mi bumte, milim biate le zuauphuakte khempeuh - amaute mun ding, kaat kuang meilipi sung hi ding hi. Hih pen sihna nihna ahi hi," hong ci hi.

Kilaakna 22:15

A pualam ah ahileh, uite, dawi-ai tawite, numei le pasal paktatte, tualthatte, milim biate, le zuauphuah nuamsa-a, zuauthu gente peuhmah a om ding uh hi.

Kilaakna 9:21

Amaute in tualthahnate, aisannate, numei-pasal paktatnate le a guktaknate uh zong a kisik tuan beek kei uh hi.

1 Samuel 8:3

Ahi hangin a tapate ama gamtat bangin a gamta kei uh hi. Amaute amaan lo-a ngahna lamah pial uh a, golhsum la-in thutang a lehhei uh hi.