Ephesa-te 4:24 - Zokam International Version

²⁴ amaan thumaanna le sianthona taktak sungah Pasian tawh kibang dinga kipiangsak mithak na silh ding uh note hong kihilh hi.

LAISIENGTHOU CL Bible (BSI)

²⁴ Mihing tha, dihtatna leh sienthouna a Pasian kibahpi a siem pen sil un.

Zo Bible

²⁴ dihna le siengthona tahtah sungah Pasien tawh a kisun dinga ang kisiemsa na hina uh dung zui-in, mitha na sil nadingun thu ang kihil ahi hi.

Ephesa-te 4:24 ပူးပေါင်းရင်းမြစ်များ

Piancilna 5:1

Hih in Adam gui sutna ahi hi. Pasian in mi a piansak-in Pasian tawh a kibangin bawl hi.

Job 29:14

Puan bangin thumaanna ka silh a, thutangna ka puantualpi le ka dial saupi ahi hi.

Isaiah 52:1

Khanglo in, khanglo in, Zion aw, thahatna puanin silh in. Khuapi siangtho Jerusalem aw, na thupina puan silh in. Na sungah vunat lohte le a kihhuaite lut kik lo ding uh hi.

Isaiah 59:17

Amah in thumaanna awmdalin bulh a, a lu ah hotkhiatna sik lukhu a khu hi; amah in phulakna puan silh a, deihluatna-in kituama puantualpi-in a nei hi.

Luke 1:75

i nun sung teng ama mai-ah siangthona le thumaanna tawh ama na a sem ding i hi hi.

John 17:17

Amaute thutak tawh siangthosak a in; na thu thutak ahi hi.

Rome-te 12:2

Hih leitung deihna tawh kizui-in na gamta nawn kei unla, na lungsim uh thaksuaksakin na kipumkhel un. Tua hileh a hoih, a lungkimhuai, a hoihkim Pasian deihna bang ahi hiam, cih khentel thei-in na pakta thei ding uh hi.

Rome-te 13:12

Zan bei dektak hi; sun hong tung dektak hi. Tua ahi ciangin khuamial gamtatnate paikhia-in khuavak galvante silh ni.

Rome-te 13:14

Mawh dim pianngei a lunggulhnate ngaihsun kei unla Topa Jesu Christ na silh zaw un.

Rome-te 6:4

Tua ahi manin Pa minthanna tungtawnin misi pan Christ a thawh kik mah bangin eite zong nuntakna thak sungah i nuntak theih nadingin ama sihna sungah i kibaptisena tungtawnin amah tawh i kivuikhawm hi.

Rome-te 7:6

Ahi hangin tu-in ahileh hun khat lai-a eite hong hencip pen i sihsan zo-a a kigelhsa ngeina-bucinga nuntakna lui sung hi lo Kha a nuntakna thak sungah na i sep theih nadingin tua thukham panin eite hong kikhahkhia zo hi.

Rome-te 8:29

Ahang in, Tapa pen sanggam tampite lakah tacil a suah theih nadingin Pasian in a theihkholhsa mite ama Tapa tawh a kibang dingin a laitansa ahi hi.

1 Corinth-te 15:53

Ahang in, a siatheite in siat theihlohna silhin, a si theite in sihtheihlohna a silh ding hi.

2 Corinth-te 3:18

Maitang kikhuh lo-a Topa minthanna a tang sawnsak a kote pen Kha ahi Topa tung pana hong tung, a lian semsem minthanna tawh amah bang dingin hong kibawlpha den hi.

2 Corinth-te 4:16

Tua ahi manin ka lungkia kei uh hi. Ka pualam uh a kiamkiam hangin ka sunglam uh a ni a ni-in hong kithak suaksak hi.

2 Corinth-te 5:17

Tua ahi ciangin mi khatpeuh Christ ah a om leh amah piansak thak ahi hi; alui pen beimanga, athak a tung zo hi!

Galatia-te 3:27

ahang in, Christ sunga kibaptise note khempeuh Christ a silh na hi ta uh hi. Jew mi,

Galatia-te 6:15

Vunat le vunat loh in phattuamna a nei kei hi. A thaka piansakna bekin phattuamna a nei hi.

Ephesa-te 2:10

Ahang in, eite sep dinga Pasian geelkholh, nasep hoih sem dinga Christ Jesu sunga kipiangsak Pasian khutsiam i hi hi.

Ephesa-te 2:15

amah in ama ci-le-sa ah tua thukham le thukham’ thupiakte le ngeinate a beisak hi. Mi nihte panin mi thak khat a mahmah sunga piansak ding a ngimna hi-a, tua hangin kilemna bawlin

Ephesa-te 6:11

Dawimangpa hong sawmnate na nan zawh nadingun Pasian galvan a kimin silh un.

Titus 2:14

Amah, tatsiatna khempeuh pana eite hong tankhia ding le ama hong neihtuam dingin amahmah in hong siansuaha, a hoih a gamtat ding a lawp dingin eite ading amahmah hong kipia pa ahi hi.

Hebrews 1:8

Ahi hangin Tapa thu ah amah in, "Pasian aw, na kumpi tokhom, a tawntungin om den dinga, a kumpi-gam ukna sik ciangkhut, thumaanna hi ding hi.

Hebrews 12:14

Mi khempeuh tawh kilemin nungta a, na siantho nadingun nakpi-in hanciam un; sianthona lo tawh kuamah in Topa a mu kei ding hi.

1 Peter 2:2

Note hotkhiatna ah na khantoh theih nadingun naungek suak tungte bangin khalam nawizu siangtho na lunggulh un;

2 Peter 1:4

Hihte tungtawnin pasian pianngei ah tanh na neih theih nading uh leh lunggulhna gilo in a piansak leitung siatna pan note na suahtak theih nadingun amah in tuate tungtawnin alian pha mahmah le a manpha a kamciamte eite hong pia zo hi.