Ephesa-te 4:16 - Zokam International Version

¹⁶ Amah panin pumpi na khempeuh thagui tekah kihuh kizom khawmin, amau sep ding tek a sep ciangin tua pumpi, itna sungah khangin amah le amah a kikhansuah hi.

LAISIENGTHOU CL Bible (BSI)

¹⁶ Aman Ama a kipat in tahsa pumpi a unpi in kizopna thagui zousie in akizomsah a, aphankhawm hi, tuate ziehin tahsa hiengte chietin ama ama sep ding chiet asep chiengin, tua tahsa pumpi akhangsah a, itna ah ama leh ama kibawl hoiin akhangtousah hi.

Zo Bible

¹⁶ Ama tung panin pumpi buppi tawh thahui thazam zosie kizomin kiphan dimdiem a, pumpi nate in a sep ding ciet uh hoitahin a sep ciengun itna sungah tua pumpi khangin ama le ama a kilamkip hi.

Ephesa-te 4:16 ပူးပေါင်းရင်းမြစ်များ

John 15:5

"Keimah, lengguipi ka hi hi. Note hiangte na hi uh hi. Mi khat kei sungah oma, ama sungah kei ka om leh gah tampi a gah ding hi. Kei loin bangmah na hih thei kei uh hi.

Rome-te 12:4

I pumpi in pumpi na tampi nei ciat a, tua pumpi nate khempeuh a nasep a kibat loh mah bangin,

1 Corinth-te 10:17

Bang hang hiam cih leh anlum khat om a, lum khat panin ne tek i hi manin a tampi eite pum khat i hi hi.

1 Corinth-te 13:13

Tu-in upna, lametna le itna hih thumte a om den hi. Ahi hangin hih thumte lakah itna a lianpen hi.

1 Corinth-te 8:1

Tu-in milim thoihna an tawh kisai-in: Eite khempeuh in theihna i neih lam i thei tek hi. b Theihna in mi kisatheisak a, itna in a khansuah hi.

Galatia-te 5:22

Ahi hangin Kha gah in: itna, lungnopna, kilemna, thuakzawhna, citna, hoihna, muanhuaina,

Galatia-te 5:6

Ahang in, Christ Jesu sungah vunat, ahi zongin, vunat loh ahi zongin kimanna a nei kei hi. Itna tungtawna kipulak tua upna bek in kimanna a nei hi.

Ephesa-te 1:4

Ahang in, ama mitmuh c ah ‘siangtho-a pau i ban loh nadingin leitung piansak ma-in ama sungah eite hong teel zo hi.

Ephesa-te 3:17

Tua pen upna tungtawnin note lungsungah Christ a ten theih nading ahi hi. Tua ciangin note ading kong ngetsakna in itna ah zungkha-in, kipin,

Ephesa-te 3:7

Ama vangliatna nasepna tungtawna kei tungah tua Pasian hehpihna letsong hong kipiak hanga hih lungdamna-thu nasempa a suak ka hi hi.

Ephesa-te 4:12

tuate in Christ pumpi a khansuah theih nadingun Pasian mite na sem dinga a bawlkholh nading ahi hi.

Ephesa-te 4:15

Tua sangsik in, itna tawh thutak genin, Lutang ahi pa Christ sungah, na khempeuh ah ama sungah i khangto ding hi.

Philippi-te 1:9

Ka thungetna in: note itna theihna le a sung thu khenteltheihna ah khang semsema,

Colosse-te 2:19

Amah in, sazang le thagui-in vaka kizomkhawmsakin Pasian in a khansak banga a khang pumpi buppi pan, Lutang tawh a kizopna pa a mansuah hi.

Colosse-te 2:2

Ka deihna in, amaute lungsungah kihanthawnin itna ah kigawm a, hauhna kicing theihtelna bukim nei-in Pasian thuthuk - tua Christ a theih theih nading uh ahi hi.

1 THESSALONIKA 1:3

Kote in, upna in a gahsak na sepna uh itna in a sepsak na nasep gimna uh le i Topa Jesu Christ sunga lametna in a guat na thuak zawhnate uh Pa Pasian mai ah ka na phawk den uh hi.

1 THESSALONIKA 2:13

Kote pana na zaksa uh Pasian thu na ngah uh ciangin, mihing thu bangin sang loin Pasian thu a hinatak bangin na sangpah uh a, tua thu in a um note sungah na sem ahi manin Pasian tungah ka lungdam tawntung uh hi.

1 THESSALONIKA 3:12

No kong itna uh a khan semsem bangin note khat-le-khat le midang khatpeuh na itna uh Pasian in khangsak in dimletsak ta hen.

2 THESSALONIKA 1:3

Note hangin Pasian tungah lungdam ka koh den ding uh kilawm hi. Sanggamte aw, amantakpi mah ahi hi, bang hang hiam cih leh na upna uh khangto semsem a, note khempeuh khat le khat na ki-itna uh a khangkhang hi.

1 Timothy 1:5

Hih thupiakna ngim kung in, lungsim siangtho, eima kitheihna hoih le upna taktak pana piang itna ahi hi.

1 Peter 1:22

Tu-in na sanggamte uh itna takpi na neih nading uh le khat le khat na lungsim tawng b uh tawh na ki-it tek nadingun thutak thu mangin no le no na kisiansuah khin zo uh hi.

1 John 4:16

Tuaci bangin Pasian in eite hong it lam i thei a, tua itna tungah i kinga hi. Pasian in itna ahi hi. Itna sungah a nungta mi peuhmah Pasian sunga nungta hi-a, ama sungah zong Pasian a nungta hi.