Ephesa-te 4:14 - Zokam International Version

¹⁴ Tua ciangin mite in zuau siamna le khelpilna tawh a geel uh amau khemna ah, tuihual in a lapsuk a laptoh, thuhilhna huih citeng in amut kawikawi naungekte i hi nawn kei ding hi.

LAISIENGTHOU CL Bible (BSI)

¹⁴ Tuachi’n dihlouna solna leh lepchie pila mihing sol a uma, thuhilna huipi chintengin alang alanga asem leeng kawi kawi naupangte ihi nawn sih ding a;

Zo Bible

¹⁴ Eite i hi ule mihingte’ ngiensiemna le a pilkhel a zuouthu gelna uh ahi thuhilna hui namcin in ei mutna zieha a hawisuh a hawito kawikawi naupangte i hi nawn sih uhi.

Ephesa-te 4:14 ပူးပေါင်းရင်းမြစ်များ

Phatna-late 10:9

Humpinelkai bangin bukin pang a, a huh ding nei lote ngakin a tu hi; a huh ding nei lote manin ama lenthang sungah a kaigawp hi.

Phatna-late 59:3

Amaute in kei hong pansim lam uh mu in! TOPA aw kei mawh, kei khialhna om lopi-in mi ngongtatte in hong sawmsim uh hi.

Isaiah 28:9

"Amah in hilh a sawm kua ahi hiam? Amah in a thupuak kua tungah telgen sawm ahi hiam? Ang tawh kikhen khin phet nawi goih lai naupangnote tung ahi hiam?

Micah 7:2

A pasian-mite leitungah beimangta a, thutaka dingtang mi khat beek a om kei hi. Mi khempeuh in sisan luansak ding bek ngak uh a; amau sanggamte lenthang a siah uh hi.

Matthew 11:7

John nungzuite a dinkhiat laitakun Jesu in mihonpite kiangah John thu hih bangin a gen hi: "Bang en dingin gamlakah pai na hi uh hiam? Huih muta huang pumpeng en ding na hi uh hiam?

Matthew 24:11

Kamsang-zuau tampi hong kilangin mi tampi a khem ding uh hi.

Matthew 24:24

Ahang in, Christ-zuaute le kamsang-zuaute hong kilang ding uh a, ahi thei hileh telsate nangawn a khem nadingun lim le na lamdang lianpipite bawl ding uh hi.

Nasepte 23:21

Amaute thu mang peuhmah kei in. Bang hang hiam cih leh amaute, mi sawmli sanga tamzaw in amah lamkalah na pangsim ding uh hi. Amaute in amah a thah khit matengun, an ne tui dawn om lo dingin kiciamna bawl zo uh hi. Amaute tu-in a kigingsa-in om uh a, a ngetna uh na phal ding bek ngakin om uh hi," a ci hi.

1 Corinth-te 12:2

Note lawki na hih lai-un, a pau thei lo milimte lamah midangte thuzawh le pimangin na om lam uh na thei uh hi.

1 Corinth-te 14:20

Sanggamte aw, naupang banga na ngaihsutnate uh tawp ta un. Gitlohna lamah naungeekte hi un; ahi hangin lungsim ngaihsutna lamah a khang hamsate na hi un.

1 Corinth-te 3:19

Ahang in, hih leitung pilna Pasian mitmuh ah haina ahi hi. "Amah in a pilte amau zuau siamna a ah a man hi" a cihleh

2 Corinth-te 2:17

Mi tampite tawh kibang loin met nadingin Pasian thu ka thangbawl kei uh hi. Tua sangsikin Pasian kiang pana kisawl mite bangin Pasian mai-ah cihtakna tawh Christ sungah thu ka gen uh hi.

2 Corinth-te 4:2

Tua sangin a simtham le a zumhuai-a gamtatnate ka tawpsan uh hi. Khem bawlnate zang loin Pasian thu zong ka lehkaih kei uh hi. Tua sangsikin tua thutak teltakin ka pholak uh a, Pasian mitmuh ah mi khempeuh lungsim tawh kituakin ka om zaw uh hi.

Galatia-te 3:1

No Galatia mihaite! No kua in hong bumhai ahi hiam? Jesu Christ a kilhlup bangin a kiteltakin note mitmuh tektek ah hong kilak hi.

Ephesa-te 6:11

Dawimangpa hong sawmnate na nan zawh nadingun Pasian galvan a kimin silh un.

1 Timothy 3:6

A piangthak tung hi lo ding hi. Tua hi kei leh kimisak dinga, dawimangpa thuak bang thukhenna a thuak kha ding hi.

2 Timothy 1:15

Phygelus le Hermogenes-te zong kihel in, Asia gama omte khempeuh in kei hong taihsat lam na thei hi.

2 Timothy 3:13

migilo le mi kheltatte, mi khem le khemna thuakin a siat semsem laitak uh hi ding hi.

2 Timothy 4:3

Ahang in, mite in thu-up bucing a cimtak hun hong tung ding hi. Tua sangsikin, amaute lunggulhna tawh kituakin, a bil thakna uh tawh kituak, a zaknophuai lel thu a gen dingin amau kiangah sia tampitak a kaikhawm ding uh hi.

Hebrews 13:9

Thuhilhna tuamdangte khempeuh na kipimangsak kei un. A nete adingin kimanna a nei lo biakna ngeina ante sangin, hehpihna hanga a kithakhauhsak i lungtangte adingin a hoih hi.

James 1:6

Ahi hangin a nget ciangin lunghei nei loin a up pelmawh kisam hi. Bang hang hiam cih leh a lunghei neite, huih muta kilok tuipi hual tawh kibang hi.

James 3:4

Ahi kei leh tembawpi gentehna in nei ni. Tuate lian mahmah a huih khauh mah mah in a mut hangin a hawlpa in a pai nopna peuhpeuh ah a heina neuno-in a hei hi.

2 Peter 2:18

Ahang in, amaute in kisaktheihna mawkna kamte zangin, khialhna tawh a nungta mite lak pana a suakta lai liailiaite, pianpih mawhdim kilunggulhna-in a zol uh hi.

1 John 2:19

Amaute, eite lak pana paikhia ahi uh hi. Ahi hangin eite aa taktak ahi kei uh hi. Ahang in, eite aa taktak hi uh hileh eite lak mah ah omden ding uh hi. Ahi hangin amaute paikhiatna in, amaute khat beek eite aa ahi lohna uh hong lak hi.

1 John 2:26

Note lam pialsak hong sawmte tawh kisai-in hih thute kong gelh hi.

1 John 4:1

Kong it lawmte aw, kha khatpeuh um kei un; ahi hangin leitung ah kamsang zuau tampi paikhia khin ahi manin amaute kha Pasian pan hi hiam, hi lo hiam cih sittel un.

Jude 1:12

Hih mite in na itna pawite uh melhemsak in, zumna nei loin no tawh an ne uh a - amau kia bek a kivakkhop tuucingte ahi uh hi. Amaute huih in a mutleng kawikawi guah a paii lo meii; gah a gah lo, a kibulkalh - nihvei a si sikhiau singkung ahi uh hi;

Kilaakna 19:20

Ahi hangin tua gamsa kiman ta a, amah tawh ama tunga lim lamdang a bawl zuau kam sangpa kiman hi. Amah in hih limte tawh gamsa ciamtehna ngahsate le a lim a biate a khem hi. Amaute lakah tua nihte a hingtangin a kihtakhuai kaat kuanglai lipi sungah kipai hi.