Daniel 9:24 - Zokam International Version

²⁴ "Na mite le na khuapi siangtho in khialhna beisak a nading, mawhna beisak nading, gitlohna thoihdam nading, tawntung thumaanna a tun nading mangmuhna le kamsanna imcip nading le siangthopen b sathau nilh nadingin "Sawm sagih ‘sagihte’ c thukip hi khin hi.

LAISIENGTHOU CL Bible (BSI)

²⁴ “Tawnkhelna suhbeina ding leh khelnate tawpna bawl ding leh, gitlouna a dinga kilemna bawlna ding leh kumtawn dihtatna lahlutna ding leh mengmuna leh genlawhna khakhumna ding leh Munsieng thou pen sathau nuna dingin, na mite leh na khopi Siengthou tungah hapta sawmsagi guot ahi.

Zo Bible

²⁴ “Na mite le khuopi siengtho in khielna a tawpsan nading, mawna suhmang nading, le khielna zieha mawsut nading, kumtawn dihna a tun nading, kamsanna le mangmuna khahcip nading, le siengtho pen mun sathau nu nadingin nipikal sawmsagi sung kise zo hi.

Daniel 9:24 ပူးပေါင်းရင်းမြစ်များ

2 Khangthute 29:24

Tua ciangin siampite in tua keelte go uh a, kumpipa in Israel khempeuh adingin meihal biakna le mawhna hanga biakna-a piak dingin thu pia khin ahi manin Israel khempeuh aitangin mawhna hanga biakna-in biakna-tau tungah tuate sisan a theh uh hi.

Phatna-late 2:6

"Ka mual siangtho Zion tungah ka Kumpipa c ka tusak khin hi." a ci hi.

Phatna-late 45:7

Thumaanna na it a gitlohna na mudah hi; tua ahi ciangin Pasian, na Pasian in nopna sathau hong nilhna tungtawnin na pawlte tungah hong koih hi.

Isaiah 42:4

Leitungah thutang a kipsak khit mateng ngaklah loin a lungkia kei ding hi; tuikulhte in ama thukham a lamen ding uh hi," a ci hi.

Isaiah 51:6

Daktoin vante ento unla, nuai-a leitung zong en un; vante meikhu bangin mang dinga, leitung puan bangin paatkhia-in a tunga tengte tho bangin a si ding uh hi. Ahi hangin ka hotkhiatna kip tawntung dinga ka thumaanna a bei ngei kei ding hi.

Isaiah 51:8

Ahang in, nget in puan a nek bangin amaute netummang dinga; siim in samul a nek bangin amaute a valh ding hi. Ahi hangin ka thumaanna bei ngei lo dinga, khang tawntungin ka hotkhiatna a kip den ding hi," a ci hi.

Isaiah 56:1

TOPA gen hih ahi hi: "Ka hotkhiatna nai mahmah ta a, ka thumaanna hong kilaak pah ding ahi manin thutang zang unla amaanin gamta un.

Isaiah 61:1

Mizawngte tungah lungdamna thu hilh dingin TOPA in kei sathau hong nilh khin ahi manin Thupipen TOPA’ Kha kei tungah a om hi. Amah in lungsim kitamte khui kik ding, sal-a kimante suahtak nading le thong a kiate a khahkhiat nading tangko ding,

Tamlawhna 4:22

Zion Tanu aw, na dan thuakna beita ding hi. Amah in nang salin hong kikaisak nawn kei ding hi. Ahi hangin Edom Tanu aw, na mawhna dan hong pia dinga, na gitlohnate a pholak ding hi.

Ezekiel 28:12

"Mihing tapa aw, Tyre kumpipa tawh kisai-in taamlo inla, ama kiangah ‘Hih in Thupipen TOPA gen ahi hi: "‘Nang pen pilna le melhoihna kim tawh a kidim, kicinna ettehna na hi hi.

Ezekiel 4:5

Amaute mawh kum zah na thuak ding ni ka seh khin hi. Tua ahi ciangin ni 390 sung Israel innkuante mawhna na thuak ding hi.

Ezekiel 4:6

Hih banga na hih na man khit ciangin na taklam delhphahin lum leuleu inla Judah innkuante mawhna thuaksak in. Ni khat ciangin kum khat a kiseh ni 40 ka sehsa ahi hi.

Siampi Laibu 25:8

"‘Sabbath kum, kum sagih - kum sagih mun sagih - sim un; tua bangin sabbath kum sagih, kum sawmli le kua hun sung hi ding hi.

Siampi Laibu 8:15

Moses in tua bawngtal go-in a sisan pawlkhat la-a, biakna-tau siansuahna-in a khutme tawh biakna-tau ki khempeuh a nuh hi. Sisan a omlai teng biakna-tau bulah a sungkhia hi. Tua bangin biakna-tau adingin thoihdamna bawlin a ap hi.

Zechariah 4:14

Tua ciangin amah in, "Hihte gel in leitung khempeuh’ Topa nasem dinga sathau kinilhte b ahi uh hi," hong ci hi.

Misimna 14:34

Gam na et sung uh ni sawmlite ni khat tangin kum khat - kum sawmli sung na mawhna uh hangin na thuak ding uh a, note kong langbawlna bang tawh kibang hiam, cih na thei ding uh hi,’ ci hi.

Matthew 1:21

Tapa khat a nei ding hi; tua tapa in ama mite a mawhna uh panin honkhia ding ahi manin a min Jesu b na phuak in," a ci hi.

Matthew 11:13

Ahang in, Kamsangte khempeuh le Thukham in, John hun dong thu na gen khol zo hi.

Matthew 4:5

Tua ciangin dawimangpa in amah khuapi siangtho ah paipih-a, biakinnpi khum a sang penna ah a dingsak hi.

Mark 1:24

"Nazareth mi Jesu aw, kote bang hong cih nuam na hi hiam? Kote susia dingin hong pai na hi hiam? Nang kua na hiam cih kong thei hi - Pasian Mi Siangtho na hi hi!" ci-in a kiko hi.

Luke 1:35

Vansawltak in, "Nang tungah Khasiangtho hong tung dinga Sang Penpa vang in nang hong sung ding hi. Tua ahi ciangin a suak ding misiangthopa, Pasian Tapa kici a ding hi.

Luke 21:22

Tua in, a kigelhsa khempeuh a tangtun nadingin gawtna hun ahi hi.

John 1:41

Andrew in a hih masak pen a sanggampa Simon zonga, "Messiah (Christ cihna) ka mu zo uh hi," ci-in a va gen ahi hi.

John 3:34

Ahang in, Pasian sawlpa in Pasian thute a gen hi. Pasian c in ama tungah ciangtan loin Kha a pia hi.

Nasepte 3:14

Note in a Siangtho le Thumaan Pa na nolh uh a, tualthat khat no kianga hong khah dingin na ngen uh hi.

Nasepte 3:22

Ahang in, Moses in, ‘Topa na Pasian un nomau mite lak panin note adingin kei tawh kibang kamsang khat hong khangkhiasak ding hi; amah in note tungah hong gen peuhmah na man pelmawh uh kul hi.

Nasepte 4:26

Topa langa pang ding le a Sathau Nilh-pa e langpang dingin, leitung kumpite panmun la-in, gam-ukte a kikhawm uh hi,’ f ci hi.

Rome-te 5:10

Pasian gal i hi laitakin, ama Tapa sihna tungtawnin eite amah tawh hong kilemkiksak ahileh tua banga kilem khinsate ama hinna tungtawnin hotkhiat in i om zawsem ding hi!

1 Corinth-te 1:30

Ama hangin eite adinga Pasian tung pana pilna a hong suakpa Christ Jesu sungah note na om uh a, tua in eite thumaanna, sianthona le tatkhiatna ahi hi.

Philippi-te 3:9

ama sungah ka om theih nading hi-a, thukham pana hong pai keima thumaanna hi loin Pasian pana upna tawh hong pai Christ upna tungtawna kingah thumaanna pen hizaw hi.

Colosse-te 1:20

singlamteh tunga luang sisan tungtawnin kilemna piangsakin, leitunga om nate hitaleh vantunga om nate hitaleh na khempeuh ama tungtawnin amah tawh a kilemkik-sakna in Pasian lungkimna ahi hi.

Colosse-te 2:14

eite langa pang eite hong do, a kigelhsa ngeina-bucing le a zuih ding ngeinate phiat-a, singlamteh ah kilhin a lakhiamang hi.

Hebrews 10:14

ahang in, a kisangthosak mite, khatvei biakpiakna tawh a tawntungin a hoihkimsak hi.

Hebrews 2:17

Hih thu hangin Pasian na a sepna sungah mi lainat siam le a muanhuai tulpi a suah nading le mite mawhnate thoihdamna a bawl theih nadingin g lam khempeuh ah a sanggamte mah bangin hong suah ding mah ahi hi.

Hebrews 7:26

Tua bang tulpi khat - a siangtho, a kawkbaang lo, a siang, mawhneite pana kikhenkhia, vante tunglama a kitawisang pa khat in, eite kitaksapna hong pia zo mahmah hi.

Hebrews 9:26

Tua bang hi hileh leitung kipiansak nungsang Christ in tamveipi a na thuak kul ding hi. Ahi hangin tu-in khanghunte bei hunin khatvei-a kimang den mawh maisak nadingin amahmah biakpiakna-in hong kilang zo hi.

2 Peter 1:1

Jesu Christ nasem le sawltakpi Simon Peter in, Eite Pasian le i Honpa Jesu Christ thumaanna tungtawnin kote aa banga a manpha upna a ngahte tungah:

1 John 3:8

A kipatcil-a kipan dawimangpa a mawhden ahi manin mawhna a bawl mi peuhmah dawimangpa pana piang ahi hi. Pasian Tapa hong kilatna ahang pen dawimangpa nasepna a susia ding ahi hi.

Kilaakna 14:6

Tua khit ciangin vansawltak dang khat van kimlai-a leng ka mu-a amah in, minam khempeuh, beh khempeuh, pau khempeuh le mi khempeuh tunga tangko ding, tawntung lungdamna-thu a nei hi.

Kilaakna 3:7

"Philadelphia a pawlpi vansawltak tungah gelh in: Hihte, a siangtho le a thumaan-pa, David tawhtang tawipa kammalte ahi hi. Ama honsa kuamah in khak thei lo a, ama khaksa kuamah in a hong thei kei hi.