Daniel 9:15 - Zokam International Version

¹⁵ "Tu-in a mite Egypt pan a khut thahat tawh a lakhia tuni dongin a min a kipsak den Topa Pasian aw, kote mawh in ka khial zo uh hi.

LAISIENGTHOU CL Bible (BSI)

¹⁵ Tualeh tuin Aw Mangpa ka Pasian uh, Izipt gam a kipat a na mite khut hattah a hing puidoh a, tunia ma banga na min umden ding a kibawlpa aw, koute ka na khielta ua, giloutah in ka bawlta uhi.

Zo Bible

¹⁵ “Khut thahat khat tawh Egypt panin na mite peipi-in tuni cieng dong nangawnin na min a thangsah kote’ Topa Pasien aw, tu-in kote ka maw vua, ka gitlo gamtat ta uhi.

Daniel 9:15 ပူးပေါင်းရင်းမြစ်များ

1 Kumpite 8:51

ahang in, amaute nangma mi, nangma gouluahte, Egypt pan - sikhaltuina pum mei mai pana na paikhiatpihte ahi uh hi.

2 Kumpite 21:15

bang hang hiam cih leh amaute ka muhna ah a sia in gamta uh a, a pute uh Egypt pana a paikhiat ua kipan tuni dong hong phinin hong hehsak uh hi," a ci hi.

2 Khangthute 6:37

saltangin a omna uh gamah a lungsim uh kikhel-a amau saltanna gamah kisikin, ‘Ka mawh zo uh hi. Ka takhial khin uh a, gilo in ka gamta khin uh hi,’ hong cih uh a;

Nehemiah 1:10

"Amaute, na hat mahmah na le a thahat na khutin na tatsa na nasemte, na mite ahi uh hi.

Nehemiah 1:6

na nasem Israel mite adingin na nasempa in nangma mai-ah sun le zana kong thungetna a za dingin na bil hong ngat inla na mit hong hak in. Keimahmah le ka pa innkuanpihte a kipan ko Israel mite in nang tunga kong bawlsa uh mawhnate kong pulaak hi.

Nehemiah 9:10

Egypt-te in amaute a bawlsiat zia uh ciantakin thei na hi manin Pharaoh tung, a uliante le a gam mite khempeuh tungah a piandang le a lamdang limte na bawl hi. Tuni donga om lai min khat nang le nang na phuah hi.

Phatna-late 106:8

Hi napi, a thahat ama vangliatna a kitheih nadingin ama min a khualna-in amaute honkhia hi.

Paikhiatna 13:14

"Mailam hunah na tapa in hong dot-a, ‘Hih bang cihnopna hiam?’ hong cihleh ama kiangah, ‘TOPA in khut thahat tawh Egypt-a sila suahna panin hong paikhiatpih hi.

Paikhiatna 13:16

Tua in na khutah lim bang hi henla, na taltang tungah ciamtehna lim hi hen; ahang in, TOPA in a khut thahat tawh Egypt panin hong paikhiatpih hi," a ci hi.

Paikhiatna 13:3

Tua ciangin Moses in mite tungah, "Tuni, Egypt pana na paikhiat ni uh, sila suahna gam pana na paikhiat ni uh phawk un; bang hang hiam cih leh TOPA in a thahat khutin tua lai pan hong paikhiatpih hi. Silngo kisawh bangmah ne kei un.

Paikhiatna 13:9

Hih pawibawlna pen, note khut-ah note adingin lim hi henla, na muk-uah TOPA’ thukham hi-in, na taltang-uah phawkkiksakna hi hen. Ahang in, TOPA in a khut thahat tawh Egypt panin hong pikhia hi.

Paikhiatna 14:18

Pharaoh le ama sakollengte le a sakol-tuangte tungtawnin minthanna ka ngah ciangin Egypt-te in keimah TOPA ka hilam a thei ding uh hi," a ci hi.

Paikhiatna 32:11

Ahi hangin Moses in TOPA ama Pasian’ angvanna a zong hi. Amah in, "TOPA aw, vanglianpi le a thahat khut tawh Egypt pana na paikhiatpih na mite tungah bang hangin na hehna kuang ding ahi hiam?

Paikhiatna 6:1

Tua ciangin TOPA in Moses kiangah, "Tu-in Pharaoh tunga ka hih ding na mu ding hi: A thahat ka khut hangin amaute a paisak ding hi; a thahat ka khut hangin ama gamsung panin amaute a hawlkhia ding hi," a ci hi.

Paikhiatna 6:6

Tua ahi ciangin Israel mite kiangah, ‘Keimah TOPA ka hi a, Egypt-te hakkol nuai panin note kong paikhiatpih ding hi. Amaute khuta sila suahna pan kong tankhia dinga, khut zankhiatna le thukhenna vangliatna nasep tawh note kong tan ding hi.

Paikhiatna 9:16

Ahi hangin ka vangliatna le leitung khempeuhah ka min a kitangko theih nadingin hih thu hangin nang kong sangsak to b hi.

Isaiah 55:13

Lingkung tangin takkung po dinga thangling kung tangin muikung a po ding hi. Hih in a tawntunga TOPA kiphawkna a kisusia ngei lo a kipden lim hi ding hi.

Isaiah 64:4

Tanglai-a kipan, amah a ngakte cihna-a na a sepsak nang longal Pasian khat beek kiza lo a, bil in zong za kha loin mit khat beek in a mu ngei kei hi.

Jeremiah 14:20

TOPA aw, kote in ka gitlohna uh le ka pate uh khialhna ka thei uh a; nang tungah a mawh taktak mah ka hi uh hi.

Jeremiah 32:10

Thukimna lai tungah min thuhin seal ka tum uh a, tecite theisakin a tehna ah ngun ka tehkhia hi.

Tamlawhna 3:42

"Kote ka mawh uh hi, kong lehdo khin uh a, ka mawhna uh nong maisak kei hi.

Ezekiel 5:6

Tua hi napi a kima mi namdangte le gamdangte sangin gilo zaw uh a ka thukhamte le ka thukipte a lehdo zaw uh hi.

Daniel 9:5

kote gamtakhialin ka mawh zo uh hi. Giloin kong lehdo uh hi; na thupiakte le na thukhamte ka lehngatsan ta uh hi.

Luke 15:21

"A tapa in ama kiangah, ‘Pa aw vantung le nangma tungah ka mawh zo hi. Nang ta cih dingin ka kilawm nawn kei hi,’ b ci hi.

Luke 18:13

"Siahdongpa ahileh a gamlapi-ah a ding hi. Amah in vantung lam nangawn ento loin a awm tum-a, ‘Pasian aw, mawhneipa keimah hong lainat in,’ ci hi.

2 Corinth-te 1:10

Amah in kote tua banga lauhuai sihtheihna panin hong hukhia khin a, hong hukhia lai ding hi. Na thungetna uh tawh nong huhna uh hangin amah in hong hukhia lai ding ci-in amah ka lamen uh hi.

Thupiakkikna 5:15

Note Egypt ah sila na hina uh le TOPA note Pasian in tua lai pana a thahat khut le a zankhiat ban tawh hong paikhiatpih ahilam phawk un. Tua ahi manin TOPA note Pasian in Sabbath ni na tan dingun thu hong pia hi.