Daniel 8:13 - Zokam International Version

¹³ Tua ciangin a siangthopa khat kiko ka za a, a siangthopa khat mah in kei kiangah, "Hih mangmuhna - nisim biak piakna, a hawmmangsak lehdona, munsiangtho le mihonte a kituatcilna mangmuhnate a tangtun ding hun bang tanvei sawt lai ding hiam?" hong ci hi.

LAISIENGTHOU CL Bible (BSI)

¹³ Tuachi’n ken misiengthou khat in thu agen lai ka za a, misiengthou dang khat in tua misiengthou thugenpa kunga, “Nisim kithoinate, susegawppa bawlsietnate, munsiengthou leh galkap honte totchil a aumna ding tungtang a mengmuna khu bangtan a sawt ding ahiei?” achi hi.

Zo Bible

¹³ Tua ciengin a siengtho pa khat thugen ka za a, adang a siengthopa khat in tua thugenpa kungah, “Nisima meihal biehna, nate a hawmmangsah suhkhielna, le mun siengtho le vantung galkapte totcil dinga a kipieh nading tawh kisai tami mangmuna bang tanvei sawt ding ahei” a kici uhi.

Daniel 8:13 ပူးပေါင်းရင်းမြစ်များ

Phatna-late 74:10

Pasian aw, galte in nang bangtan vei hong simmawh lai ding uh hiam? Galte in na min daisak den ding uh ahi hiam?

Phatna-late 74:9

Kote, lim lamdangte lah hong kipia loin kamsangte lah om nawn lo a, hih hun bangtan sawt ding cih a thei ka om kei uh hi.

Phatna-late 79:5

TOPA aw, bang tanvei sawt lai ding hiam? Nang heh den ding na hi hiam? Na hazatna bang tanvei mei bangin kuang lai ding hiam?

Isaiah 28:18

Sihna tawh na thukhun uh a mawkna suak dinga; hankhuk tawh na thuciam uh a kip kei ding hi. Siatna tuihual in hong nawk ciangin note hong sattuk ding hi.

Isaiah 6:11

Tua ciangin, "Topa aw, bang tan sawt lai ding hiam?" ka ci hi. Tuateh amah in: "Khuapite kisia-in kuamah a ten nawnloh ciang, innte ah kuamah giak loin a kinusiat ciang, le lote tulin gamkhing a suah ciangin,

Isaiah 63:18

Na mite in hun tomno sung nangma munsiangtho nei uh a, ahi hangin tu-in ka galte un na munsiangtho tuancil ta uh hi.

Isaiah 9:6

Ahang in, eite tungah naungek khat hong suaka, tapa khat hong kipia hi; a liangko tungah ukna a tuang ding hi. Tua hi-a, amah Lamdang Thulakpa, b Thahat Pasian, Tawntung Pa, Lemna Kumpi, kici ding hi.

Jeremiah 12:10

Tuucing tampi in ka lenggui lo susia ding uh a, ka lo a tuancilgawp ding uh hi; a nuam mahmah ka lo a kikhul lotul a suaksak ding uh hi.

Daniel 11:31

"Agalkapte in biakinnpi um-in kulh buahsakin nisim biakpiakna a beisak ding uh hi. Tua ciangin amaute in a hawmmangsak kihhuaina a koih ding uh hi.

Daniel 12:11

"Nisim biakna kibeisak a, a hawmmangsak kihhuaina a kikoih hun panin ni 1,290 a om lai ding hi.

Daniel 12:8

Ka zak hangin ka telcian kei hi. Tua ciangin, "Ka topa aw, hihte khempeuh hong bangci piankhiat ding hiam?" ci-in ka dong hi.

Daniel 4:10

ka lupna tungah ka lup hithiat kawma ka mangmuh hihte ahi hi: Ka khuadak leh leitung laizanga singkung khat a po ka mai-ah na om hi. Tua singkung sang mahmah hi.

Daniel 4:13

Ka lupna ah ka lup hithiat laitakin mangte ka mu-a ka khuadak leh, ka mai-ah vantung panin kamtaipa b khat, a siangtho pa khat hong kumsuk hi.

Daniel 4:23

"Kumpipa aw, misiangtho kamtai khat vantung panin hong kumsuk na muh pen in, ‘Singkung phuk inla susia in, ahi zongin a bulpi nusia-in sik le sumngo-in vial in, a zungte gamsung lopa lak lei sunga nusia in. Amah vantung daituite-in kawtsak in; ama hun sagih vei a cin mateng gamsate bangin nungta hen,’ ci hi.

Daniel 7:16

Tua lai-a dingte khat kiang ka zuan a, hihte khempeuh a khiatna maan ka dong hi. "Tua ciangin amah in hong genin, hihte khiatna hong hilha:

Daniel 7:23

"Amah in hih bangin hong telgen hi: ‘Gamsa a lina in, leitunga om ding kumpi-gam lina ahi hi. Tua in kumpi-gam dang khempeuh tawh kibang lo dinga, leitung buppi valhtumin, suzanin a tuancil ding hi.

Daniel 9:27

Amah in mi tampi tawh ‘sagih’ g khat sung thukhun bawl dinga, ahi hangin tua ‘sagih’ h kimtan ciangin biakpiakna le biakna a beisak ding hi. Tua ciangin amah in ama tungah a beina thukip a kisunkhiat mateng biakinnpi meng khat tungah a hawmmangsak kihhuaina a koih ding hi," i hong ci hi. j

Zechariah 1:19

Kei hong hopih vansawltak kiangah, "Hihte bang hiam?" ci-in ka dong hi. Amah in "Hihte in Judah, Israel le Jerusalem a thehthang kite ahi hi," ci-in hong dawng hi.

Zechariah 14:5

Azel dongah mualkuam kizalh ding ahi manin note ka mualkuam tawnin na tai ding uh hi. Judah kumpipa Uzziah hun lai-a zinlin a a na tai bangun na tai ding uh hi. Tua ciangin TOPA ka Pasian hong pai dinga, a siangthote khempeuh amah tawh a paikhawm ding uh hi.

Matthew 11:27

"Ka Pa in na khempeuh kei hong ap zo hi. Pa longal kuamah in Tapa a thei kei hi. Tapa le Tapa in amah a lah theih nadinga a teel mite longal in Pa a thei kei uh hi.

Matthew 24:15

"Tua hi-a kamsangpa Daniel tung tawna kigensa, mun siangtho ah ‘a hawm mangsak kihhuaina’ a a din na muh uh ciangin—a simte in theitel ta hen.

Mark 13:14

"Note in ‘a hawmmangsak kihhuaina’ e a f kisai loh na munah a ding na muh uh ciangin—a simte in theitel ta hen—Judea gama omte mual tungah tai uh hen.

Luke 10:22

"Ka Pa in na khempeuh kei hong ap zo hi. Tapa kua hiam, cih Pa longal kumah in thei lo-a, Pa kua hiam, cih Tapa le Tapa in a theihsak dinga a teelte longal kuamah in a thei kei uh hi," a ci hi.

Luke 21:20

"Galkap honpi in Jerusalem a umcih na muh uh ciangin a hawmmang nading nai ta hi, cih na thei ding uh hi.

Luke 21:24

Amaute namsau in puk ding uh a, minamte khempeuh thongkiate bangin a kai ding uh hi. Gentile-te hunte a tangtun kim khit matengin Gentile-te in Jerusalem a tuancil ngi-ingei ding uh hi.

John 1:18

Kuamah in Pasian a mu ngei kei hi. Ahi hangin Pa kianga om Tapa neihsun bek e f in amah a kitheisak zo hi.

Thupiakkikna 33:2

Amah in: "Sinai panin TOPA hong pai a, Seir panin amaute tungah suakkhia-in, Paran Vum panin a tangkhia hi. Amah leitaw-lam panin ama mualdungah a misiangtho tampi tawh b hong ton hi.

1 THESSALONIKA 3:13

I Topa Jesu a misiangthote khempeuh tawh hong pai ciangin eite Pasian le Pa mai-ah siangtho-a kawkbaanna a om loh nadingin amah in na lungtang uh hong thakhauhsak ta hen.

Hebrews 10:29

Amah a siangsak thukhun sisan, a siangtho lo na bangin simmawh a, hehpihna Kha engko-in, Pasian Tapa a khenuai-a a tuancil mi, bangzah ta-a, a nasiazaw-in gawttakin na ngaihsun hiam?

1 Peter 1:12

Vantung pana kisawl Khasiangtho tawh note tunga lungdamna-thu hong hilhte in, tu-a no tunga hong kigensate hong gen lai-un, amaute na a sem hi loin no na a sem uh ahilam amaute tungah a kilaak hi. Vansawltakte nangawn in tua nate a encian nuam uh hi.

Jude 1:14

Hih mite thu, Adam pana a sagihna pa Enoch in a na genkholhna-ah: "En un Topa, a misiangthote tul mun tul tampi tawh hong pai in,

Kilaakna 11:2

Ahi hangin a tual puanung pen Gentile-te tunga kipiasa ahi manin teh lohin nusia in. Amaute in tua khuapi siangtho kha 42 sung a tuancil ding uh hi.

Kilaakna 6:10

Amaute in, "A siangtho le a thumaan Thuneipipen Topa aw, leitunga tengte thu na khen ding le kote sisan phu na lak ma bang tan sawt lai ding hiam?" ci-in nakpi in a kiko uh hi.

Thukhente 13:18

Amah in, "Bang hangin ka min hong dong na hi hiam? Tua in theihbanloh b ahi hi," ci-in a dawng kik hi.