Daniel 8:11 - Zokam International Version

¹¹ Amah le amah mihonte Kumpipa zaha lianin kikoih hi; nisima ama biakpiaknate beisakin a munsiangtho zong a niamkhiat hi.

LAISIENGTHOU CL Bible (BSI)

¹¹ Van galkap hon leengtapa banga lien leh sang in ama leh ama akitawisanga, tualeh nisim kithoina sillatte alamanga, Amun siengthoumunte suhmang in a um hi.

Zo Bible

¹¹ Ama kiliensahin van galkap lamkaipa nangawn a do hi; ama in a kibawl zing meihal biehna lahpiehin ama’ mun siengtho zong a lemangpieh hi.

Daniel 8:11 ပူးပေါင်းရင်းမြစ်များ

Isaiah 37:23

Na zahko a na daisak kua ahi hiam? Kua langah na aw sangsakin na kiphatsakna mit tungliik na hi hiam? Israel-te Siangtho Pa langah maw!

Isaiah 37:29

Kei nong hehsakna hang le nong thusimlohna ka zakna hangin na nakah sikkawi kong bulh dinga na kamah kamkaih kong bulh dinga nong kuanna lampi ah kong ciahsak kik ding hi.

Jeremiah 48:26

"TOPA langah tuanu kiliansak ahi manin zu khamsak un. Ama luak lakah Moab bualsak unla; mite nuihsat suaksak un.

Jeremiah 48:42

Moab in TOPA langpan ahi manin minam khat bangin kisusia ding hi.

Ezekiel 46:14

Zingsang simin tuate tawh an-a biakna ephah khat sehguk suah seh khat le annel a neelsak dingin sathau hin khat sehthum suah seh khat helkhawmin na pia ding uh hi. Hih TOPA tunga an-a biakna pen ngeina kip hi ding hi.

Daniel 11:22

Tua ciangin zawhlah a nei lo galkap honpi, ama mai panin a kisiakmai ding hi; tuate le thukhunna bawl gam ukpa a kisusia khawm ding hi.

Daniel 11:31

"Agalkapte in biakinnpi um-in kulh buahsakin nisim biakpiakna a beisak ding uh hi. Tua ciangin amaute in a hawmmangsak kihhuaina a koih ding uh hi.

Daniel 12:11

"Nisim biakna kibeisak a, a hawmmangsak kihhuaina a kikoih hun panin ni 1,290 a om lai ding hi.

Daniel 5:23

Tua sangsikin nang le nang vantung Topa langah na pang hi. Ama biakinnpi-a hai-tungte na kiangah la-in nang le na uliante, na zite le na zinote in tuate zangin zu na dawn uh hi. Bangmah a mu thei lo, a za thei lo, a telcian thei lo, kham, ngun, sumngo, sik, sing le suang-a kibawl pasiante na phat uh hi. Ahi hangin na nuntakna le na vaite khempeuh a khut sunga a len Pasian na pahtawi kei hi.

Daniel 7:25

Amah in Sang Penpa langdona kam pau dinga a misiangte nengniamin a kisehsa hun le upadite khek ding a hanciam ding hi. Ama tungah hun khat le hun lang b sung misiangte a kipia ding hi.

Daniel 8:12

Tua lehdona hangin misiangtho honpite a le nisim biakpiakna tua ki tungah kipia hi. A hihna peuhpeuh ah lawhcing-a leitungah thumaan a kilawnsuk hi.

Daniel 8:24

Amah hat mahmah dinga, ahi hangin ama hatna ahi kei ding hi. A dipkuathuai piangsakin a hihna peuhpeuh a zo ding hi. Amah in mi thahatte le misiangte a susia ding hi.

Daniel 8:25

Amah in zuauthu khangsak dinga amah le amah a kiliansak ding hi. Amaute a lung muan uh ciangin amah in tampi that dinga uliante Ukpa langah pang ding hi. Amah a tua cih hangin mihing thahatna kizang loin a kisusia ding hi.

Daniel 9:25

Hih thu thei inla telcian in: Thukip d a kipiaka kipan Jerusalem a ngei bangin a kilam kik dong sagih ‘sagihte’ hi dinga, Jerusalem kilam kika kipan Sathau-kinilh Pa e, ukpa hong pai dong, sawmguk lenih ‘sagihte’ hi ding hi. Kongzing lampite le guampi nei-in kilam kik dinga, ahi hangin lungkham hun sung hi ding hi.

Misimna 28:3

Amaute tungah, ‘Hih in TOPA tunga na piak ding uh mei-a hal biakna hi ding hi: meihal biakna-in poina a nei lo kum khat a pha tuuno nih, nisimin pia un.

Luke 21:24

Amaute namsau in puk ding uh a, minamte khempeuh thongkiate bangin a kai ding uh hi. Gentile-te hunte a tangtun kim khit matengin Gentile-te in Jerusalem a tuancil ngi-ingei ding uh hi.

2 THESSALONIKA 2:4

Amah in Pasian a kici na khempeuh ahikeh a kibia khempeuh langdo dinga, Pasian biakinnpi sungah kikoihin, amah le amah kitawisangin amah le amah Pasian kici-in a kitangko hi.

Hebrews 2:10

Tapa tampi minthanna ngahsakna ah ama ading le ama tungtawna na khempeuh a omna pa Pasian in, amaute hotkhiatna a piangsak pa thuakna tungtawna, a bukimsak ding mah kilawm hi.

Kilaakna 17:14

Amaute in Tuuno va do ding uh hi, ahi hangin kumpite’ Kumpipa le tote’ Topa tua Tuuno in amaute zo dinga, a sapsa a teelsa le a muanhuai ama nungzuite tawh a omkhawm ding uh hi," hong ci hi.