Daniel 7:14 - Zokam International Version

¹⁴ Amah thuneihna, minthanna le alianpipen vangliatna kipia hi; mite, minamte le pau nam khempeuh in amah a bia uh hi. Ama ukna bei ngei loin a kisia ngei kei ding hi; ama kumpi-gam kuamah in a susia kei ding hi.

LAISIENGTHOU CL Bible (BSI)

¹⁴ Tuachi’n Ama kungah, vaihawmnate thuneinate, thupina leh leenggam, pieh in a um a, mi chin, nam chin leh hamchin a miten Ama nna asem ding uhi. Ama vaihawmna leenggam khu tawpni neilou ding kumtawn vaihawmna leenggam ahi a, tualeh aleenggam khu suhsiet a um ngailou ding leenggam ahi.

Zo Bible

¹⁴ Ama tungah uhna aana, vang le kumpi za kipie a, mi zosie, nam zosie, le ham zosie in a na sem ding uhi. Ama’ uhna aana pen kumtawn uhna aana hi a, tua uhna tawp ngai loin a kumpi gam zong kisusie ngai lo ding hi.

Daniel 7:14 ပူးပေါင်းရင်းမြစ်များ

Phatna-late 102:22

Zion ah TOPA min kipulakin, Jerusalem ah amah phatna a kigenkhia ding hi.

Phatna-late 103:19

TOPA in vantung ah a tokhom kipsak a, a kumpi-gam in na khempeuh a uk hi.

Phatna-late 145:13

Na kumpi-gam pen tawntung kumpi-gam hi-a, na kumpi ukna zong khang tawntungin a kip hi. A thuciam khempeuh ah TOPA muanhuai-a, a bawlsate khempeuh a it hi, e

Phatna-late 146:10

TOPA in uk tawntung a, Zion aw, na Pasian in khang tawntungin uk hi. TOPA phat un.

Phatna-late 45:6

Pasian aw, na kumpi tokhom a tawntungin omden dinga; thutang sik ciangkhut khat na kumpi-gam sik ciangkhut hi ding hi.

Phatna-late 72:11

Kumpite khempeuh ama mai-ah kun ding uh a, minam khempeuh in a na sem ding uh hi.

Phatna-late 72:17

Ama min kip tawntung henla; ni a om laitengin kizomsuak ta hen. Ama tungtawnin minam khempeuh thupha kipia dinga, amaute in amah thupha ngah ci ding uh hi.

Phatna-late 8:6

Na khuta na bawlte amah na uksak a; ama khe nuai ah na khempeuh:

Isaiah 16:5

Itna tawh kumpi tokhom kikipsak dinga; muanhuaina tawh a tungah mi khat tu-in - David innkuan c pan hi dinga - thutang zonga thukhenpa thumaan manlanga a zangpa hi ding hi.

Isaiah 60:12

Ahang in, nang na a sem lo minam ahikeh kumpi-gam peuhmah mangthang dinga; a kisiamang ding hi.

Isaiah 9:6

Ahang in, eite tungah naungek khat hong suaka, tapa khat hong kipia hi; a liangko tungah ukna a tuang ding hi. Tua hi-a, amah Lamdang Thulakpa, b Thahat Pasian, Tawntung Pa, Lemna Kumpi, kici ding hi.

Isaiah 9:7

Ama ukna le kilemna khangin bei hun a nei kei ding hi. Amah in David tokhom luah dinga, tua huna kipan a tawntungin thumaan le thutang tawh a gam phutin a lenkip ding hi. Thahatpen TOPA deihluatna in hih thu a tangcingsak ding hi.

Daniel 2:35

Tua ciangin tua sik, tua buan, tua sumngo, tua ngun le tua kham-te thakhatin kitamzan a, khuakhal lai-a ancilna-a ansi leng tawh kibang hi. Huih in mutmang a, amel-amang kimu nawn lo hi. Ahi hangin tua milim a dengkham suangtum mual lian mahmah khat suaka leitung buppi a dim hi.

Daniel 2:37

Kumpipa aw, nang kumpite kumpipa na hi hi. Vantunga Pasian in nang tungah kumpi-gam, vangliatna, thahatna le minthanna hong pia khin hi;

Daniel 2:44

"Tua kumpite hun sungin vantunga Pasian in a kisusia zo lo ding, midangte zong a kiluahsak lo ding kumpi-gam khat a phut ding hi. Tua in tua huna kumpi-gamte khempeuh suzan dinga bei mangsak ding hi; ahi hanign tua gam a kip tawntung ding hi.

Daniel 3:4

Tua ciangin tangkopa in angaih mahmahin tangko-a, "Mite aw, minamte aw, pau namkimte aw, hih in na hih dingua hong kisawl ahi hi:

Daniel 4:3

Hong lah ama limte lian lua a, ama nalamdangte thahat na lawmlawm e! Ama kumpi-gam a kip tawntung kumpi-gam hi a; ama ukna khang khat khit khang khat kizomsuak hi.

Daniel 6:26

"Thukip khat kong piak inah: Ka kumpi-gam mun tuamtuama mite khempeuh in Daniel Pasian kihta in a zahtak pelmawh ding uh hi. "Ahang in, amah a nungta Pasian hi a, a om tawntung ahi hi; a kumpi-gam kisusia ngeilo dinga, ama ukna a bei ngei kei ding hi.

Daniel 7:18

Ahi hangin Sangpen Pa misiangte in kumpi-gam ngah ding uh a, a nei tawntung ding uh hi - hihi a tawntungin nei den ding uh hi,’ ci hi.

Daniel 7:27

Tua ciangin van kikupsin nuai-a kumpigam thupi-penna, vangliatna le liatnate Sang Penpa mi misiangte tungah ki-ap ding hi. Ama kumpi-gam in tawntung kumpi-gam hi dinga gam-ukte khempeuh in amah bia-in a thu a mang ding uh hi,’ ci hi.

Obadiah 1:21

Esau mualte uk dingin a hukhia ding mite, Zion mualtungah a paito ding uh hi. Tua ciangin tua kumpi-gam TOPA aa hi ding hi.

Micah 4:7

Khebaite a baanglai-in ka bawl dinga, gamlapi-a minam khauhin ka bawl ding hi. Tua ni-a kipan Zion mual tungah TOPA in a uk tawntung ding hi.

Matthew 11:27

"Ka Pa in na khempeuh kei hong ap zo hi. Pa longal kuamah in Tapa a thei kei hi. Tapa le Tapa in amah a lah theih nadinga a teel mite longal in Pa a thei kei uh hi.

Matthew 28:18

Tua ciangin amaute kiangah Jesu pai a, "Vantung le leitungah thuneihna khempeuh kei hong kipia khin hi.

Luke 1:33

amah in Jacob suante uk denin ama gam a bei ngei kei ding hi," a ci hi.

Luke 10:22

"Ka Pa in na khempeuh kei hong ap zo hi. Tapa kua hiam, cih Pa longal kumah in thei lo-a, Pa kua hiam, cih Tapa le Tapa in a theihsak dinga a teelte longal kuamah in a thei kei uh hi," a ci hi.

John 12:34

Mihonpite in, "Thukham sungah, ‘Christ, a a om tawntung ding hi,’ cih ka za uh hi. Tua hi napi bang dinga, ‘Mihing Tapa kikhaito ding,’ ci thei na hi hiam? Hih Mihing Tapa kua ahi hiam?" a ci uh hi.

John 3:35

Pa in Tapa it a; na khempeuh a khutah a koih hi.

Hebrews 12:28

Tua ahi manin eite, a kiling thei lo gam a ngah i hi nungsangin lungdam ni. Tua ciangin zahtakna le launa tawh san theih dingin Pasian bia ni.

1 Peter 3:22

Amah vantungah kahto khina tu-in Pasian taklamah om-a, vansawltakte, thuneihna le vangliatnate ama khutnuai-ah a om hi.

Kilaakna 1:6

ama Pasian le Pa nasem dinga kumpi-gam le siampi hong hisak ama tungah minthanna le vangliatna a tawntungin om den ta hen! Amen.

Kilaakna 11:15

Vansawltak a sagihna in a pengkul muta, vantung ah aw ngaih mahmah in: "Leitung gam teng i Topa gam le ama Christ gam suak zo a, amah in a tawntung in uk den ding hi,"a ci hi.

Kilaakna 17:14

Amaute in Tuuno va do ding uh hi, ahi hangin kumpite’ Kumpipa le tote’ Topa tua Tuuno in amaute zo dinga, a sapsa a teelsa le a muanhuai ama nungzuite tawh a omkhawm ding uh hi," hong ci hi.

Kilaakna 3:21

Kei gualzo-in ka Pa tawh ama kumpi tokhom tungah ka tut bang tektek in, a gualzopa, kei tawh ka kumpi tokhom tungah a tut theih na ding thu ka pia ding hi.