Daniel 6:26 - Zokam International Version

²⁶ "Thukip khat kong piak inah: Ka kumpi-gam mun tuamtuama mite khempeuh in Daniel Pasian kihta in a zahtak pelmawh ding uh hi. "Ahang in, amah a nungta Pasian hi a, a om tawntung ahi hi; a kumpi-gam kisusia ngeilo dinga, ama ukna a bei ngei kei ding hi.

LAISIENGTHOU CL Bible (BSI)

²⁶ Ka leenggam thuneina mun china um miten, Daniel Pasian masangah chitun in zau uheh. Aziehpen Ama Pasian hing ahi a, kumtawn a umden ahi. Ama leenggam suhsiet ahi ngai sih dinga, aleenggam thuneina in bei ni anei sih ding hi.

Zo Bible

²⁶ Keima in thupieh khat ka bawl a, ka uhna kumpi gam sunga om mi zosie in Daniel’ Pasien mai-ah zatahin citun ding uhi: Azieh pen ama a hing zing Pasien hi a, kumtawnin ama a om zing hi. A kumpi gam kisusie ngai lo ding a, a vaihawmna tawp ngai lo ding hi.

Daniel 6:26 ပူးပေါင်းရင်းမြစ်များ

Ezra 1:3

Note laka om ama mi peuhmah - a Pasian in ompih henla, Judah gama Jerusalem ah paito-in, TOPA, Israel Pasian - Jerusalem a om Pasian biakinnpi lam hen.

Ezra 7:21

Tu-in kumpipa keimah Artaxerxes in Euphrates-Gal gama sumkem khempeuh tungah siampi Ezra, vantung Pasian Thukham, siapa in no tungah hong nget peuhpeuh -

Phatna-late 119:120

Nang hong kihta-in ka sa ling a; na thukhamte ka kihta hi.

Phatna-late 146:10

TOPA in uk tawntung a, Zion aw, na Pasian in khang tawntungin uk hi. TOPA phat un.

Phatna-late 2:11

Lau kawmin TOPA na sem unla, ling kawmin nuam un.

Phatna-late 29:10

Tuikhang tungah Kumpi tokhomin TOPA tu d a; Kumpi tokhom ah TOPA kumpi-in a tu tawntung hi.

Phatna-late 42:2

Pasian, a nungta Pasian lunggulhin ka hinna a dangtak hi. Cik ciangin Pasian tawh kimu dingin pai thei ding ka hi hiam?

Isaiah 66:2

Hih nate khempeuh ka khut in a bawlsa hi a, tua ciangin tuate na-a hong om hi lo ahi hiam?" TOPA in ci hi. "Ka thupi ngaihsut hih mipa ahi hi: kiniamkhiatin a lungsimin kisika ka thu hanga a lingpa ahi hi.

Isaiah 9:7

Ama ukna le kilemna khangin bei hun a nei kei ding hi. Amah in David tokhom luah dinga, tua huna kipan a tawntungin thumaan le thutang tawh a gam phutin a lenkip ding hi. Thahatpen TOPA deihluatna in hih thu a tangcingsak ding hi.

Jeremiah 10:10

Ahi hangin amaan Pasian TOPA hi a; amah a nungta Pasian, a tawntunga Kumpipa ahi hi. Amah a heh ciangin leitung kilinga, ama thangpaihna minamte in a nang zo kei uh hi.

Daniel 2:44

"Tua kumpite hun sungin vantunga Pasian in a kisusia zo lo ding, midangte zong a kiluahsak lo ding kumpi-gam khat a phut ding hi. Tua in tua huna kumpi-gamte khempeuh suzan dinga bei mangsak ding hi; ahi hanign tua gam a kip tawntung ding hi.

Daniel 3:29

Tua ahi ciangin minam khatpeuh paunam khatpeuh sunga mite in Shadrach, Meshach le Abednego-te Pasian langpanna khatpeuh a gen leh ki-atnen dinga a innte uh nin buakna mun a suak ding hi, cih thukip kong pia hi, ahang in, hih bangin pasian dangte in a honkhia zo kei ding hi," a ci hi.

Daniel 4:3

Hong lah ama limte lian lua a, ama nalamdangte thahat na lawmlawm e! Ama kumpi-gam a kip tawntung kumpi-gam hi a; ama ukna khang khat khit khang khat kizomsuak hi.

Daniel 4:34

Tua hun a bei ciangin keimah Nebuchad­nezzar van lamah ka dakto a, ka khuatheihna ka ngah kik hi. Tua ciangin Sang penpa ka phat-a a tawntunga nungta pa pahtawi-in a min ka thangsak hi. Ama ukna gam kip tawntung hi; a kumpi-gam khang khat khit khang khat kizomsuak hi.

Daniel 6:20

Tua kuavang gei a tun ciangin aw lingsa in, "A nungta Pasian nasempa Daniel aw, a tawntunga ama na na sep na Pasian in humpinelkaite panin hong hukhia hiam?" a ci hi.

Daniel 7:14

Amah thuneihna, minthanna le alianpipen vangliatna kipia hi; mite, minamte le pau nam khempeuh in amah a bia uh hi. Ama ukna bei ngei loin a kisia ngei kei ding hi; ama kumpi-gam kuamah in a susia kei ding hi.

Daniel 7:27

Tua ciangin van kikupsin nuai-a kumpigam thupi-penna, vangliatna le liatnate Sang Penpa mi misiangte tungah ki-ap ding hi. Ama kumpi-gam in tawntung kumpi-gam hi dinga gam-ukte khempeuh in amah bia-in a thu a mang ding uh hi,’ ci hi.

Hosea 1:10

"Tua hi napi Israel-te a kiteh thei lo, a kisim thei lo tuipi gei-a sehnel a bang ding uh hi. Amaute tungah, ‘Note ka mi na hi kei uh hi,’ a kicihna munah a maute, ‘A nungta Pasian tate kici ding hi,’ ci hi.

Malachi 3:6

"TOPA keimah ka kikhel kei hi. Tua ahi ciangin no Jacob suante na kisia nai kei uh hi.

Matthew 6:13

Zia-etna sungah hong pi kenla, gilopa panin hong hukhia in.’ e ci un.

Luke 1:33

amah in Jacob suante uk denin ama gam a bei ngei kei ding hi," a ci hi.

Luke 12:5

Ahi hangin na kihtak ding uh kua hiam cih kong lak ding hi: Pumpi a thah khit ciangin hell khuk sunga hong paii thei dinga vangliatna a neipa na kihta un. Hi hi, ken kong geninah amah na kihta un.

Nasepte 17:25

Amah in kisapna khat peuhpeuh a nei bangin mihing khuta na a kisepsak hi lo hi. Bang hang hiam cih leh amah mah in mite khempeuh nuntakna le huu le adang khempeuh a pia hi.

Rome-te 9:26

le " ‘Note, keima mite na hi kei uh hi,’ ci-a amau tunga ka genna mun tekek ah amaute, ‘a nungta Pasian tapate,’ b kici ding hi, cih thu a tung ding hi." ci-in a gen hi.

Thupiakkikna 5:26

Ahang in, a si thei mihing, eite zak bangin mei sungah a nungta Pasian aw za a, a hing lai kiza ngei ahi hiam?

1 THESSALONIKA 1:9

Ahang in, amaute mah in kote nong sanna zia uh hong zasak sawn uh hi. Milimte na biakna uh pan, a nungta a maan Pasian nasem dingin Pasian lama na kihei zia uh le

Hebrews 12:29

Ahang in, eite Pasian pen a haltum mei ahi hi d.

James 1:17

A hoih le a bukim letsong peuhmah tunglam pan hi-a, vantung khuavakte’ Pa pana hong kipia ahi hi. Amah, niliimte banga a kilaihlaih hi lo hi.

Kilaakna 11:15

Vansawltak a sagihna in a pengkul muta, vantung ah aw ngaih mahmah in: "Leitung gam teng i Topa gam le ama Christ gam suak zo a, amah in a tawntung in uk den ding hi,"a ci hi.

Kilaakna 4:10

tua upa sawmnih le lite, kumpi tokhom tunga tupa mai-ah bok uh a, a tawntunga nungta den pa a bia uh hi. Tua kumpi tokhom mai-ah a kumpi lukhute uh nga uh a:

Kilaakna 5:14

A nungta ganhing lite in, "Amen," ci uh a upate in bokin a bia uh hi.

1 Samuel 17:26

David in a kianga ding mite kiangah, "Hih Philistia-pa that a, Israel maimawlna a beisak zopa bang kicih ding ahi hiam? A nungta Pasian galkapte a ngapthawh hih vun-at loh Philistia-pa kua ahi hiam?" ci-in a dong hi.

1 Samuel 17:36

Na nasempa in humpi le vompi a nihin ka that hi; hih vun-at loh Philistia-pa in a nungta Pasian galkapte ngapthawh vial ahi manin hihte khat tawh kibang lel ding hi.