Daniel 5:23 - Zokam International Version

²³ Tua sangsikin nang le nang vantung Topa langah na pang hi. Ama biakinnpi-a hai-tungte na kiangah la-in nang le na uliante, na zite le na zinote in tuate zangin zu na dawn uh hi. Bangmah a mu thei lo, a za thei lo, a telcian thei lo, kham, ngun, sumngo, sik, sing le suang-a kibawl pasiante na phat uh hi. Ahi hangin na nuntakna le na vaite khempeuh a khut sunga a len Pasian na pahtawi kei hi.

LAISIENGTHOU CL Bible (BSI)

²³ Kingiemkhieh nahsangin van Mangpa douin na kitawisang a; abiehinn anoute na masang ah na lasah a, nang leh na miliente leh na zite leh na meiten zu dawnna in na zang uhi. Tualeh mutheilou, zatheilou, thei-theilou, sana, dangka, sum-eng sia leh sing leh suong a, kibawl pasiente phat in na pahtawi hi, tualeh Pasian akhut a na haitheina kempa leh na gamtat dan zousie Ama a hipa khu na pahtawi sih hi.

Zo Bible

²³ Nang in Vantung’ Topa na do a, nang le nang na kitawisang hi! Ama’ biehinn sunga haite nangma kungah ang kitawi zo a, nang le na uliente, na zite le na meite un tuate tawh zu dawn zo ta uhi. Khuo a mu lo, khuo a za lo, a theithei lo, ngun le kham, sumngo, sia, sing le suong pasien-te’ min na phat uhi; ahi vangin a vanglietna sungah na hinna hu uh omin na gamtatna zosie uh ang saipieh Pasien na zatah sih uhi.

Daniel 5:23 ပူးပေါင်းရင်းမြစ်များ

Piancilna 14:19

Abram thupha pia in, "Van le lei a Piangsakpa c a Sang Pen Pasian in Abram, thupha pia henla,

Piancilna 2:7

TOPA Pasian in leitang vui panin mi f bawla a nak vang sungah nuntakna huu muamin mi pen a nungta khat suak hi.

2 Kumpite 14:10

Edom na zo takpi-a tu-in na kiphasak hi. Na gualzawhna thangsak lel inla inn ah om hithiat in! Bang hangin lungkham nading zonga, nang le Judah zong a kiat nading zong na hi hiam?" ci-in a thuk hi.

Job 12:10

A nungta ganhing peuhmah nuntakna le mihing khempeuh naksuk naktohna ama khut sungah om hi.

Job 31:4

Ka lampite mu loin ka kalsuan simin sim lo ahi hiam?

Phatna-late 104:29

Na lehngatsan ciangin amaute patau uh a; a husan uh na laksak ciangin amaute si-in leivui suak uh hi.

Phatna-late 115:16

A sangpen vante TOPA aa hi-a, leitung ahileh mihingte a piaksa ahi hi.

Phatna-late 139:3

Ka pusuahna le ka lupna nong tel a; ka lampite khempeuh na theihsa ahi hi.

Phatna-late 146:4

Amaute kha a paikhiat ciangin lei ah ciah kik uh a; tua ni mah in amaute ngimna bangmah suak lo hi.

Paunakte 20:24

Mi khat kalsuannate TOPA uk ahi hi; kua in ama lampi theitel thei ding ahi hiam?

Isaiah 13:11

Leitung-a tatsiatna hang le migilote mawhna hangin dan ka thuaksak khawm ding hi. Mi kiphasakte’ ki-uatsakna beisakin, mi gamhtatte kisaktheihna ka niamkhiat ding hi.

Isaiah 14:13

Na lungsim ah, "Van ah ka kahto ding hi; Pasian aksite tunglam ah ka tokhom ka sangkhan ding hi; mual siangtho d sanpenna mun mihonpi kikhopna vum tungah ka kumpi tokhomin ka tu ding hi.

Isaiah 2:12

Thahatpen TOPA in a kisathei le a kiliansak khempeuh, a kitawisangte khempeuh (tuateh amaute a kiniam koih ding hi),

Isaiah 33:10

"Tu-in ka ding dinga, tu-in ka kitawisang ding hi; tu-in ka kilaamto ding hi.

Isaiah 37:19

Amaute in pasian ahi lo amau pasiante mihing khuta kibawl sing le suang hi lel ahi manin meikhuk ah pai-in a susia uh hi.

Isaiah 37:23

Na zahko a na daisak kua ahi hiam? Kua langah na aw sangsakin na kiphatsakna mit tungliik na hi hiam? Israel-te Siangtho Pa langah maw!

Isaiah 42:5

Vante piangsakin tuate a zalpa, leitung phah a, a sung pana piangkhia khempeuh a piangsakpa leitung mite tungah huu a guanpa le a tunga lampai khempeuh nuntakna a piapa - Pasian TOPA in:

Jeremiah 10:23

TOPA aw, mihingte nuntakna ama aa ahi loh lam ka thei hi; ama kalsuannate ama kilamlah ding ahi kei hi.

Jeremiah 48:26

"TOPA langah tuanu kiliansak ahi manin zu khamsak un. Ama luak lakah Moab bualsak unla; mite nuihsat suaksak un.

Jeremiah 50:28

TOPA eite Pasian in a phulaknasa - a biakinnpi hanga a phulakna Zion ah gen dingin Babylon gama tai, galtaite thugen ngai dih un.

Jeremiah 50:29

"Babylon sim dingin thal tawi thei khempeuh khawm un. A kimkot ah giahphual sat unla; khat beek suaktasak kei un. Ama gamtatnasa ama tungah thuk kik unla; ama sepsa bangin ama tungah sem un. Ahang in, amah in TOPA Israel Siangtho Pa a simmawh hi.

Ezekiel 28:17

Na mel hoihna na kisaktheihpih a, na thupina hangin na pilna na siasak hi. Tua ciangin leitung kong denna-a, kumpite mai-ah pawi-et-a et kong suaksak hi.

Ezekiel 28:2

"Mihing tapa aw, Tyre ukpa tungah gen in, Hih in Thupipen TOPA gen ahi hi: "‘Na lungsim sungah kiphasakin, "Kei pasian khat ka hi hi; tuipi laizang a pasian tokhom tungah ka tu hi," na ci hi. Nang pasian khat zaha pilin na kingaihsut hangin pasian na hi kei a, mihing lel khat na hi hi.

Ezekiel 28:5

Sumbawl na siamna hangin na hauhna kibehlap toto a, na hauhna na kisaktheihpih hi.

Ezekiel 31:10

"‘Tua ahi ciangin hih in Thupipen TOPA gen ahi hi: "A tehphate tung pekah a dawn khangto in a sanna a kisaktheihpihna hangin

Daniel 11:12

Galkapte a kipaikhiatpih ciangin leitaw-lam kumpipa kiphasakin tul tampi ngawng-at dinga, tua hi napi a gualzo suak kei ding hi.

Daniel 4:37

Tu-in keimah Nebuchadnezzar in vana kumpipa phat in, tawisangin ka minthangsak hi, bang hang hiam cih leh na khempeuh thumaanin sema, ama lampi khempeuh thutang ahi hi. Tua hi-a a kisatheite a niamkhiat thei hi.

Daniel 8:11

Amah le amah mihonte Kumpipa zaha lianin kikoih hi; nisima ama biakpiaknate beisakin a munsiangtho zong a niamkhiat hi.

Habakkuk 2:4

"En in, amah kisathei hi; amah in thutang lo a deih hi - ahi hangin thumaan mi ama upna hangin a nungta ding hi. d

Nasepte 17:25

Amah in kisapna khat peuhpeuh a nei bangin mihing khuta na a kisepsak hi lo hi. Bang hang hiam cih leh amah mah in mite khempeuh nuntakna le huu le adang khempeuh a pia hi.

1 Corinth-te 8:4

Tua tak ciangin milim thoihna an nekna thu panin milim pen, leitung ah bangmah a hi lopi hi-a Pasian khat longal adang om lo cih i thei hi.

1 Timothy 3:6

A piangthak tung hi lo ding hi. Tua hi kei leh kimisak dinga, dawimangpa thuak bang thukhenna a thuak kha ding hi.

Hebrews 4:13

A kipiangsak khempeuh Pasian muhna pan a kisel bangmah a om kei hi. I thu i tut nading mitmuhin a kisin bangmah om loin kitel sinsen in a om hi.

Kilaakna 9:20

Hih pulpite in a thah baang a om lai leitung mite, a khut uh tawh a sep uh nate panin a kisik nai kei uh hi; amaute in dawite, kham, ngun, sumngo, sing le suang milimte - khua mu thei lo, khua za thei lo, lam pai thei lo milimte a biak uh a tawp tuan kei uh hi.

Thukhente 16:23

Tu-in Philistia gam ukte a pasian uh Dagon tungah biakna lianpi bawl dingin, ‘I pasian in i galpa Samson eite khutah hong pia khin hi,’ ci-in a ai dingin a kikhawm uh hi.

1 Samuel 17:26

David in a kianga ding mite kiangah, "Hih Philistia-pa that a, Israel maimawlna a beisak zopa bang kicih ding ahi hiam? A nungta Pasian galkapte a ngapthawh hih vun-at loh Philistia-pa kua ahi hiam?" ci-in a dong hi.

1 Samuel 17:36

Na nasempa in humpi le vompi a nihin ka that hi; hih vun-at loh Philistia-pa in a nungta Pasian galkapte ngapthawh vial ahi manin hihte khat tawh kibang lel ding hi.