Daniel 4:34 - Zokam International Version

³⁴ Tua hun a bei ciangin keimah Nebuchad­nezzar van lamah ka dakto a, ka khuatheihna ka ngah kik hi. Tua ciangin Sang penpa ka phat-a a tawntunga nungta pa pahtawi-in a min ka thangsak hi. Ama ukna gam kip tawntung hi; a kumpi-gam khang khat khit khang khat kizomsuak hi.

LAISIENGTHOU CL Bible (BSI)

³⁴ Tualeh tua hunte abeitahin, Kei Nebukadnezzar vanlam en in ka dahtou a, ka theisiemnate ka kungah ahing kinuale kiata hi; tualeh ken Tungnung Sangpen ka pahtawi a, ka phat a, zatatna ka pie hi: Aziehpen, Ama thuneina khu kumtawn thuneina ahi a, Aleenggam zong akhang akhangin a umden ding hi.

Zo Bible

³⁴ Khum hun ang tawp ciengin keima Nebuchadnezzar in van lam ka ento leh khuo ka phawhkia hi. Sangpen Pa ka phat a, a hing zing pa phatin ka patawi hi. Azieh pen a thuneina in kumtawn thuneina hi a, ama’ kumpi gam zong a khangkhangin a om hi.

Daniel 4:34 ပူးပေါင်းရင်းမြစ်များ

2 Samuel 22:31

"Pasian adingin ama lampi hoih-kim a; TOPA’ kammal in melhemna a nei kei hi. Ama sunga bute khempeuh adingin amah lum ahi hi.

1 Khangthute 29:10

A kikhawm mipi bup omin David in TOPA phat a, "Kote pa Israel Pasian TOPA aw, tawntung pan a tawntung dongin nang hong kiphat hen.

1 Khangthute 29:13

Kote Pasian aw, tu-in nang tungah lungdam kong ko uh a, a minthang na min ka phat uh hi.

Job 1:21

"Ka nu sung pan guaktangin ka suaka, guaktang mah in ka ciah a kik ding hi. TOPA in hong pia a, TOPA mah in lakhia khin hi; TOPA min kiphat hen," a ci hi.

Phatna-late 10:16

TOPA a tawntungin Kumpi hi den a; ama gam panin minamte a kisia ding uh hi.

Phatna-late 102:24

Tua ciangin: "Ka Pasian aw, ka nuntak kimtanin kei hong lamang kei in; nang kumte khang tawntungin a kizomsuak ding hi.

Phatna-late 107:15

Ama itna kip hang le mite adingin a sep ama nalamdangte hangin amaute in TOPA tungah lungdam ko uh hen;

Phatna-late 107:22

Amaute in lungdamkoh biakna pia uh henla lungdamna late in ama nasepnate gen uh hen.

Phatna-late 107:31

Ama itna kip hang le mite adingin a sep ama nalamdangte hangin amaute in TOPA tungah lungdam ko uh hen.

Phatna-late 107:8

Amaute in a kip tawntung TOPA itna le mite adingin a nalamdang bawlte hangin lungdam ko uh hen.

Phatna-late 111:7

Ama khuta a sepsate muanhuai-in thutang a; a thusehte khempeuh muantak hi.

Phatna-late 121:1

Mualte lam ka mitsuan to hi - kei huhna koi panin hong pai hiam?

Phatna-late 123:1

Nang, vantunga tokhom ompa, nanglam kong mitsuan to hi.

Phatna-late 145:13

Na kumpi-gam pen tawntung kumpi-gam hi-a, na kumpi ukna zong khang tawntungin a kip hi. A thuciam khempeuh ah TOPA muanhuai-a, a bawlsate khempeuh a it hi, e

Phatna-late 146:10

TOPA in uk tawntung a, Zion aw, na Pasian in khang tawntungin uk hi. TOPA phat un.

Phatna-late 50:14

Pasian tungah lungdam koh biakpiakna pia un, Sangpen Pa tungah na thuciamte uh tangtun unla,

Phatna-late 66:7

Amah in a vangliatna tawh uk tawntung a, a mit in minamte a vil gige hi - amah langdo dingin kuamah ding kei hen.

Phatna-late 7:17

TOPA a thumaanna hangin ama tungah lungdamna ka ko dinga, Sang Pen TOPA minphatna ka sa ding hi.

Phatna-late 9:2

Nang sungah nuamin ka kipak dinga; na min phatna ka sa ding hi, Sang Penpa aw.

Phatna-late 92:1

TOPA phat dingin hoih a, Sang Penpa aw, na minphatna sa in

Isaiah 13:11

Leitung-a tatsiatna hang le migilote mawhna hangin dan ka thuaksak khawm ding hi. Mi kiphasakte’ ki-uatsakna beisakin, mi gamhtatte kisaktheihna ka niamkhiat ding hi.

Isaiah 2:11

Mite kiliatsakna mitte kiniamkoih dinga, mite kiphatsakna kiniamsak ding hi; tua ni ciangin TOPA bek kitawisang ding hi.

Isaiah 24:15

Tua ahi ciangin tuipi tuikulhte a nisuahna lam mite in; TOPA min thangsakin; TOPA Israel-te Pasian min a tawisang ding uh hi.

Jeremiah 10:10

Ahi hangin amaan Pasian TOPA hi a; amah a nungta Pasian, a tawntunga Kumpipa ahi hi. Amah a heh ciangin leitung kilinga, ama thangpaihna minamte in a nang zo kei uh hi.

Tamlawhna 3:38

Tuahsiatna le a hoih nate Sang Penpa’ kam pana piang khawm hi lo ahi hiam?

Daniel 12:7

Saihadial puan silh gun tui tunga pa in vantung lamah a khut taklam le veilam vanto in a nungta tawntungpa tawh amah kiciama, "Tua hun in, hun khat hunte le hun b lang ahi ding hi. A tawpna-ah misiangthote vang-liatna a kisiat hun ciangin hih nate khempeuh a kicinna hi ding hi," a cih ka za hi.

Daniel 2:44

"Tua kumpite hun sungin vantunga Pasian in a kisusia zo lo ding, midangte zong a kiluahsak lo ding kumpi-gam khat a phut ding hi. Tua in tua huna kumpi-gamte khempeuh suzan dinga bei mangsak ding hi; ahi hanign tua gam a kip tawntung ding hi.

Daniel 4:2

A Sang Pen Pasian in kei tungah lim le a lamdang hong lahte note tungah kong gen nuam hi.

Daniel 4:26

Singbulpi a zung tawh tuaci nusiat in, ci-a hong thupiak pen Vantung in a uk hi, ci-in na theihtel ciangin na kumpi-gam hong kipia kik ding hi, cih na ahi hi.

Daniel 4:3

Hong lah ama limte lian lua a, ama nalamdangte thahat na lawmlawm e! Ama kumpi-gam a kip tawntung kumpi-gam hi a; ama ukna khang khat khit khang khat kizomsuak hi.

Daniel 4:32

Mite lak panin nang hong kihawlkhiamang dinga gamsate tawh na tengkhawm ding hi. Bawnghonte bangin lopa na ne ding hi. Mihingte kumpi-gam tungah Sang Penpa a thupipen hi-a, a piak nop khatpeuh a piak theih ahi hi, ci-in na theihtel mateng, hun sagih sung na tuaci om ding hi," a ci hi.

Daniel 4:36

Tua hun mahin ka khuatheihna kei tungah hong tung kika, ka kumpi-gam minthan nadingin kei hong kipahtawina le thupinate kei tungah hong tung kik hi. Ka thudotte le ka uliante kei hong muak dingin hong kuankhia uh a, ka kumpi tokhom luah kikin a beisa hun sang nangawnin ka lianzaw hi.

Daniel 5:18

"Kumpipa aw, Sang Pen Pasian in na pa Nebuchadnezzar a lianpipenin koih a, liatna, minthanna le thupinate a pia hi.

Daniel 5:21

Mite lak panin kihawlkhiamang a, ganhing lungsim kineisak hi; gamsung sakolte tawh tengkhawma, bawnghonte bangin lopa a ne hi; tua ciangin vana daituite in a pumpi kawtsak a, mihing kumpi-gam ah Sang Pen Pasian a lianpen hi-a, a deih khatpeuh kumpi a suaksak hi, ci-in a telsiang theih matengin tua bangin a om hi.

Daniel 6:26

"Thukip khat kong piak inah: Ka kumpi-gam mun tuamtuama mite khempeuh in Daniel Pasian kihta in a zahtak pelmawh ding uh hi. "Ahang in, amah a nungta Pasian hi a, a om tawntung ahi hi; a kumpi-gam kisusia ngeilo dinga, ama ukna a bei ngei kei ding hi.

Daniel 7:14

Amah thuneihna, minthanna le alianpipen vangliatna kipia hi; mite, minamte le pau nam khempeuh in amah a bia uh hi. Ama ukna bei ngei loin a kisia ngei kei ding hi; ama kumpi-gam kuamah in a susia kei ding hi.

Daniel 7:27

Tua ciangin van kikupsin nuai-a kumpigam thupi-penna, vangliatna le liatnate Sang Penpa mi misiangte tungah ki-ap ding hi. Ama kumpi-gam in tawntung kumpi-gam hi dinga gam-ukte khempeuh in amah bia-in a thu a mang ding uh hi,’ ci hi.

Daniel 9:14

TOPA kote Pasian a sepna peuh ah thumaan ahi manin kote tungah siatna hong tun ding TOPA in haksa a sa kei hi; tua hi napi a thu lah ka mang tuan kei uh hi.

Jonah 1:14

Tua ciangin TOPA tungah kiko uh a, "TOPA aw, hih mipa ka sihsak manun kote hong sisak kei in. Mawhpeng khat a thatin hong ngawh kei in TOPA aw, nangma lunkimna banga na bawl ahi hi," a ci uh hi.

Micah 4:7

Khebaite a baanglai-in ka bawl dinga, gamlapi-a minam khauhin ka bawl ding hi. Tua ni-a kipan Zion mual tungah TOPA in a uk tawntung ding hi.

Luke 1:33

amah in Jacob suante uk denin ama gam a bei ngei kei ding hi," a ci hi.

Luke 18:13

"Siahdongpa ahileh a gamlapi-ah a ding hi. Amah in vantung lam nangawn ento loin a awm tum-a, ‘Pasian aw, mawhneipa keimah hong lainat in,’ ci hi.

John 5:26

Ahang in, Pa in amah mah-a nuntakna a neih bangin Tapa in zong amah mah-a nuntakna a neih nadingin a pia zo hi.

Thupiakkikna 32:4

Amah Suangpi hi a, a nasepte kicingin a lampi khempeuh thutang ahi hi. A muanhuai, a khial lo Pasian, thudikin thutang hi.

1 Timothy 1:17

Tu-in tawntung Kumpipa, a si thei lo, a kimu thei lo, amah bek Pasian tungah, a tawntungin pahtawina le minthanna om den ta hen.

1 Timothy 6:16

amah bek a si thei lo, a kineh thei lo khuavak sunga nungtapa, kuama muh ngei loh le a muh theih loh pa ahi hi. Ama tungah pahtawina le thahatna om tawntung ta hen. Amen.

Kilaakna 10:6

Amah a tawntung a nungta den pa, vantungte le a sunga omte khempeuh lei le a tunga omte khempeuh le tuipi le a sunga omte khempeuh a piangsakpa lo-in kiciam a, "A ziakai nawn kei ding hi!

Kilaakna 11:15

Vansawltak a sagihna in a pengkul muta, vantung ah aw ngaih mahmah in: "Leitung gam teng i Topa gam le ama Christ gam suak zo a, amah in a tawntung in uk den ding hi,"a ci hi.

Kilaakna 4:10

tua upa sawmnih le lite, kumpi tokhom tunga tupa mai-ah bok uh a, a tawntunga nungta den pa a bia uh hi. Tua kumpi tokhom mai-ah a kumpi lukhute uh nga uh a:

Kilaakna 4:9

Tua a nungta ganhingte in tua kumpi tokhom-a tu, a tawntung a nungta den pa tungah minthanna, pahtawina le lungdam thu a puak peuhpeuh uh ciangin