Daniel 4:3 - Zokam International Version

³ Hong lah ama limte lian lua a, ama nalamdangte thahat na lawmlawm e! Ama kumpi-gam a kip tawntung kumpi-gam hi a; ama ukna khang khat khit khang khat kizomsuak hi.

LAISIENGTHOU CL Bible (BSI)

³ Achiemtenate athupi senga, a sillamdangte anasa seng hi! Aleenggam khu kumtawn leenggam ahi a, avaihawmna zong akhang akhangin a um hi.

Zo Bible

³ Ama’ limte bangza-in lienin, a na lamdang bawlte bangza-in thahat ahei! A kumpi gam pen kumtawn kumpi gam hi a, a khang khangin ama’ thuneina a om ding hi.

Daniel 4:3 ပူးပေါင်းရင်းမြစ်များ

Job 25:2

"Gam-ukna le kihtakna Pasian aa ahi hi; amah in vantung a sangna ah thupiakna a bawl hi.

Phatna-late 104:24

Na nasep tam si e maw, TOPA! Tuate khempeuh na pilna-in na bawl hi-a; na ganhingte leitung a dim uh hi.

Phatna-late 105:27

Amaute gel in amaute lakah ama lim lamdangte bawl uh a, a nalamdangte Ham gamah a bawl uh hi.

Phatna-late 145:13

Na kumpi-gam pen tawntung kumpi-gam hi-a, na kumpi ukna zong khang tawntungin a kip hi. A thuciam khempeuh ah TOPA muanhuai-a, a bawlsate khempeuh a it hi, e

Phatna-late 66:7

Amah in a vangliatna tawh uk tawntung a, a mit in minamte a vil gige hi - amah langdo dingin kuamah ding kei hen.

Phatna-late 72:18

Israel Pasian amah bek a piandang na a sempa, TOPA Pasian kiphat ta hen.

Phatna-late 77:19

Na khelam tuipi tungah pai a, na lamlianpi tuihatte tungah pai napi, na khekhapte a kimu kei hi.

Phatna-late 86:10

Ahang in nang lianin a piandang nate na bawl a; nang bek Pasian na hi hi.

Phatna-late 92:5

TOPA aw, na nasepte lian na lawmlawm e! na ngaihsutna thuk na mahmah e!

Isaiah 25:1

TOPA aw, ka Pasian na hi hi; muanhuaina kiciantakin tanglai peka na geelsa nate a piandang nate bawl khin na hi manin nang kong tawisang dinga, na min ka phat ding hi.

Isaiah 28:29

Hihte khempeuh zong Thahatpen TOPA pana pai hi in, a lamlahna lamdangin a pilna thupi diak hi.

Isaiah 9:7

Ama ukna le kilemna khangin bei hun a nei kei ding hi. Amah in David tokhom luah dinga, tua huna kipan a tawntungin thumaan le thutang tawh a gam phutin a lenkip ding hi. Thahatpen TOPA deihluatna in hih thu a tangcingsak ding hi.

Jeremiah 10:10

Ahi hangin amaan Pasian TOPA hi a; amah a nungta Pasian, a tawntunga Kumpipa ahi hi. Amah a heh ciangin leitung kilinga, ama thangpaihna minamte in a nang zo kei uh hi.

Daniel 2:2

Tua ciangin kumpipa in ama mangmat gen dingin mitphial siamte, aisan siamte, mibum-theite le aksi-en siamte a a samsak hi.

Daniel 2:44

"Tua kumpite hun sungin vantunga Pasian in a kisusia zo lo ding, midangte zong a kiluahsak lo ding kumpi-gam khat a phut ding hi. Tua in tua huna kumpi-gamte khempeuh suzan dinga bei mangsak ding hi; ahi hanign tua gam a kip tawntung ding hi.

Daniel 4:17

"‘A nungta peuhmah in mihing kumpi-gamte tungah Sang Penpa a thupipen ahilam thei-in ama ut peuhpeuh tuate pia a mi niampente nangawn a ut leh amaute a uksak thei ahilam a theih nadingun kamtaipa in hih thukhensatna genkhia-a, a siangthote in hih thupiakna a pulaakkhia hi,’ ci hi.

Daniel 7:14

Amah thuneihna, minthanna le alianpipen vangliatna kipia hi; mite, minamte le pau nam khempeuh in amah a bia uh hi. Ama ukna bei ngei loin a kisia ngei kei ding hi; ama kumpi-gam kuamah in a susia kei ding hi.

Daniel 7:27

Tua ciangin van kikupsin nuai-a kumpigam thupi-penna, vangliatna le liatnate Sang Penpa mi misiangte tungah ki-ap ding hi. Ama kumpi-gam in tawntung kumpi-gam hi dinga gam-ukte khempeuh in amah bia-in a thu a mang ding uh hi,’ ci hi.

Rome-te 11:33

Aw, Pasian in pilna le theihna a hauh a zia thuk na mahmah e! Ama thukhennate telzawh hi lo a, ama lampite sulkan zawh ding hi peuhmah lo hi!

Thupiakkikna 4:34

TOPA note Pasian in zia-etnate, lim piandangte le a lamdangte, gal, a thahat khut le khut zankhiatna tawh ahikeh a lipkhaphuai sepna tawh na muh mahmah un no ading Egypt ah na khempeuh a sep bangin, pasian khatpeuh in na semin minam khat pan minam dang khat lakkhiat sawm ngei ahi hiam?

1 Timothy 1:17

Tu-in tawntung Kumpipa, a si thei lo, a kimu thei lo, amah bek Pasian tungah, a tawntungin pahtawina le minthanna om den ta hen.

Hebrews 1:8

Ahi hangin Tapa thu ah amah in, "Pasian aw, na kumpi tokhom, a tawntungin om den dinga, a kumpi-gam ukna sik ciangkhut, thumaanna hi ding hi.

Hebrews 2:4

Pasian in zong limte, a lamdangte le nalamdang tuamtuamte le ama deih banga a hawm Khasiangtho letsongte tawh tua thu teci a pang hi.

1 Peter 4:11

Mi khatpeuh in thu a gen leh Pasian kammalte mahmah a gen bangin gen ta hen. Mi khatpeuh in mi na a sep leh, na khempeuh ah Jesu Christ tungtawna Pasian a kiphat theih nadingin Pasian piak thahatna tawh sem ta hen. Ama tungah minthanna le vangliatna a tawntungin om den ta hen. Amen.

Kilaakna 11:15

Vansawltak a sagihna in a pengkul muta, vantung ah aw ngaih mahmah in: "Leitung gam teng i Topa gam le ama Christ gam suak zo a, amah in a tawntung in uk den ding hi,"a ci hi.